રિષભ પંતે 14 મહિના સુધી શું સહન કર્યું? BCCIના વીડિયોમાંથી સત્ય બહાર આવ્યું

ટીમ ઈન્ડિયાનો વિકેટકીપર-બેટ્સમેન રિષભ પંત 30 ડિસેમ્બર, 2022ના રોજ રોડ અકસ્માતમાં ગંભીર રીતે ઘાયલ થયો હતો. કોઈક રીતે તેનો જીવ બચી ગયો અને હવે તે આઈપીએલ 2024થી મેદાનમાં પરત ફરી રહ્યો છે. પંતના પ્રોફેશનલ ક્રિકેટમાં વાપસી પહેલા બીસીસીઆઈએ તેની ચમત્કારિક કહાની કહી તેની ઈજા કેટલી ગંભીર હતી તે હવે દુનિયા સમક્ષ જાહેર થઈ ગયું છે.

Rishabh Pant

Smit Chauhan | Updated on: Mar 13, 2024 | 7:22 PM

14 મહિનાના ‘વનવાસ’ બાદ રિષભ પંત આખરે ક્રિકેટના મેદાનમાં પરત ફરી રહ્યો છે. રિષભ પંત 14 મહિના સુધી રમતથી દૂર રહ્યો કારણ કે તેની સાથે 30 ડિસેમ્બર, 2022 ના રોજ કંઈક એવું બન્યું હતું, જેના વિશે વિચારીને પણ લોકો કંપી જાય છે. પંત એક માર્ગ અકસ્માતમાં ગંભીર રીતે ઘાયલ થયો હતો. તેની કારમાં આગ લાગી હતી પરંતુ પંત કોઈ રીતે બચી ગયો. પરંતુ તેના જમણા પગમાં ગંભીર ઈજા થઈ હતી. પંતની સર્જરી થઈ અને પછી સખત મહેનત બાદ હવે આ ખેલાડી આઈપીએલ 2024 દ્વારા પ્રોફેશનલ ક્રિકેટમાં વાપસી કરવા જઈ રહ્યો છે.

BCCIએ ખાસ વીડિયો કર્યો શેર

રિષભ પંતનું પુનરાગમન ચમત્કારિક માનવામાં આવી રહ્યું છે કારણ કે ડોકટરોના મતે, આ ખેલાડીને જે પ્રકારની ઈજા થઈ હતી તે પછી કોઈપણ ખેલાડી માટે મેદાન પર પરત ફરવું લગભગ અશક્ય હતું. પંતની ઈજા કેટલી ગંભીર હતી તે હવે BCCIના એક વીડિયો દ્વારા સામે આવ્યું છે.

Web Stories View more

IPL Auction ની શરૂઆતમાં જ કાવ્યા મારનને પ્રીટિ ઝિન્ટાએ આપ્યો ઝટકો ! આ ફાસ્ટ બોલર હાથમાંથી ગયો

અમદાવાદમાં હવે અંબાણીની જેમ કરી શકાશે પાણી વચ્ચે લગ્નનું આયોજન, જાણો ક્યાં

કુંડળીમાં ગ્રહોને મજબૂત કરવા લલાટ પર કરો આ તિલક

Amla with Honey : આમળા અને મધ એકસાથે ખાવાથી થાય છે ગજબના ફાયદા

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

રિષભ પંતને ખૂબ જ ગંભીર ઈજા થઈ હતી

BCCIએ પંતની વાપસીનો એક વીડિયો શેર કર્યો છે જેમાં જણાવવામાં આવ્યું છે કે આ ખેલાડીની વાપસી કેમ એક ચમત્કાર સમાન છે. આ વીડિયોમાં NCA ફિઝિયો અને ડોક્ટર સમજાવી રહ્યા છે કે પંતને કેવા પ્રકારની ઈજા થઈ હતી. પંતના પગના તમામ લિગામેન્ટ તૂટી ગયા હોવાનું બહાર આવ્યું હતું. તેની હેમસ્ટ્રિંગ પણ તૂટી ગઈ હતી. પરંતુ ડોકટરોની મહેનત અને પંતની ઈચ્છા શક્તિએ કમાલનું કામ કર્યું.

The Greatest Comeback Story

This story is about inspiration, steely will power and the single-minded focus to get @RishabhPant17 back on the cricket field. We track all those who got the special cricketer back in shape after a deadly car crash.

Part 1 of the #MiracleMan… pic.twitter.com/ifir9Vplwl

— BCCI (@BCCI) March 13, 2024

રિષભ પંતે શું કહ્યું?

રિષભ પંતે કહ્યું કે તે જેમાંથી પસાર થયો તે પછી ક્રિકેટ રમવું ચમત્કારથી ઓછું નથી. તેણે BCCI, ડોકટરો અને NCAના દરેક કર્મચારીનો આભાર વ્યક્ત કર્યો. પંતે કહ્યું કે તે IPLમાં પોતાની તાકાત બતાવવા માટે તૈયાર છે. જોકે, તેણે એ પણ સ્વીકાર્યું કે 14 મહિના પછી ક્રિકેટના મેદાનમાં ઉતરતા પહેલા તે થોડો નર્વસ છે.

આ પણ વાંચો : ICC ટેસ્ટ રેન્કિંગઃ યશસ્વી જયસ્વાલનો કમાલ, વિરાટ કોહલીને પણ પાછળ છોડી દીધો