Vaibhav Suryavanshi : વૈભવ સૂર્યવંશીના સંસ્કાર પર ઉઠ્યા સવાલ ! શ્રીલંકાના પૂર્વ મેનેજર આપ્યું મોટું નિવેદન

શ્રીલંકામાં રમાઈ રહેલી ટ્રાય-સિરીઝ મેચમાં વૈભવ સૂર્યવંશી ખોટા કારણોસર હેડલાઇન્સમાં આવ્યો છે. મેચ પછી શ્રીલંકાના ખેલાડીને ધક્કો મારવા બદલ વૈભવ સૂર્યવંશી ટ્રોલ થઈ રહ્યો છે. આ ઘટના પછી 15 વર્ષનો વૈભવ સૂર્યવંશી ઘણા લોકોના નિશાન પર આવ્યો છે. શ્રીલંકાના ભૂતપૂર્વ મેનેજરે સોશિયલ મીડિયા પર ખેલાડીની નિંદા કરી છે અને તેને પાઠ ભણાવવાની પણ વાત કરી છે. શ્રીલંકાના ભૂતપૂર્વ મેનેજર બ્રાયન થોમસે સોશિયલ મીડિયા પર તો લખ્યું છે કે વૈભવ સૂર્યવંશી ભારતીય ગામડામાંથી આવે છે, તેથી તેની પાસેથી આ જ અપેક્ષા રાખી શકાય છે.

વૈભવ સૂર્યવંશીના સંસ્કાર પર ઉઠ્યા સવાલો

વૈભવ સૂર્યવંશીએ શ્રીલંકા Aના ખેલાડીને ધક્કો માર્યો હોવાની ઘટના બાદ, શ્રીલંકાના ભૂતપૂર્વ મેનેજર બ્રાયન થોમસે લખ્યું, “મેં હમણાં જ સૂર્યવંશી અને તેના ઘમંડનું ફૂટેજ જોયું. ક્રિકેટમાં લાલ કે પીળા કાર્ડ નથી તે શરમજનક વાત છે. જો મેચ રેફરી આ કાઉબોયને આગામી મેચ માટે સસ્પેન્ડ કરે છે, તો તે વર્તનનો અર્થ સમજી શકશે.” બ્રાયન થોમસે વધુમાં લખ્યું છે કે ભારતના એક ગામડાના છોકરાથી વધુ શું અપેક્ષા રાખી શકાય જ્યાં શ્રીલંકાની તુલનામાં શિક્ષણ અને સંસ્કારનો અભાવ છે. સૂર્યવંશી જો તમે ખુશ નથી તો તમારા ભારતના અધિકારીઓને ફોન કરો અને ઘરે પાછા જાઓ, કારણ કે આ એક જેન્ટલમેન ગેમ છે.”

વૈભવ સામે કાર્યવાહી થઈ શકે છે?

શ્રીલંકા A સામે ભારત Aની ટીમ સુપર ઓવરમાં હારી ગઈ હતી. મેચ બાદ વૈભવ સૂર્યવંશી અને એક વિરોધી ખેલાડી વચ્ચે બોલાચાલી થઈ. જીત બાદ શ્રીલંકા Aના કેટલાક ખેલાડીઓ ઉત્સાહમાં કંઈક બોલી રહ્યા હતા. ત્યારબાદ સૂર્યવંશી તેમની પાસે ગયો અને એક ખેલાડીને ધક્કો માર્યો. જવાબમાં તે ખેલાડીએ પણ સૂર્યવંશીને ધક્કો માર્યો. ત્યારબાદ અન્ય ખેલાડીઓએ વચ્ચે પડીને મામલો શાંત કર્યો. વૈભવની આ હરકતને ICCના નિયમોના ઉલ્લંઘન તરીકે જોવામાં આવી રહ્યું છે. કારણ કે મેદાન પર વિરોધી ખેલાડીને ધક્કો મારવાની મંજૂરી નથી. વૈભવ સામે કાર્યવાહી થઈ શકે છે.

Former Media Manager of Sri Lankan Cricket team is not coming slow on the Vaibhav Suriyavanshi’s incident today. #SLAVINDA pic.twitter.com/azlK60QFzK

— Nibraz Ramzan (@nibraz88cricket) June 15, 2026

ટ્રાય-સિરીઝમાં વૈભવ સૂર્યવંશીનું બેટ શાંત

વૈભવ સૂર્યવંશીનું બેટ ટ્રાય-સિરીઝમાં શાંત જોવા મળ્યુ છે. તે ત્રણેય મેચમાં અર્ધશતક મારી શક્યો નથી. પહેલી મેચમાં તેણે શ્રીલંકા A સામે 14 રન બનાવ્યા હતા. તેણે અફઘાનિસ્તાન સામે 44 રન બનાવ્યા હતા. ત્રણેય મેચમાં સારી શરૂઆત છતાં તે તેને મોટા સ્કોરમાં રૂપાંતરિત કરી શક્યો નથી. હવે વૈભવ એક અલગ વિવાદમાં ફસાયો છે. તે કેવી રીતે વાપસી કરે છે તે જોવાનું બાકી છે.

આ પણ વાંચો, Breaking News: વૈભવ સૂર્યવંશી પર લાગશે પ્રતિબંધ? 15 વર્ષના ખેલાડીને મળશે મોટી સજા!