Ranji Trophy Final: ત્રણ અડધી સદી ફટકાર્યા પછી પણ કોઈએ અભિનંદન આપ્યા નહીં, હવે પૃથ્વીએ કહ્યું ફરી એકવાર રમીશ મોટી ઇનિંગ્સ

વેસ્ટ ઈન્ડિઝ સામે પોતાની પ્રથમ ટેસ્ટ મેચમાં સદી ફટકારનાર યુવા બેટ્સમેન પૃથ્વી શૉ (Prithvi Shaw) ખરાબ ફોર્મના કારણે ટીમ ઈન્ડિયા (Team India) માંથી બહાર થઈ ગયો હતો. આ યુવા ખેલાડી હાલમાં રણજી ટ્રોફી (Ranji Trophy 2022) રમી રહ્યો છે અને તેની કપ્તાનીમાં ફાઈનલમાં મુંબઈ (Mumbai Ranji Team) ગયો હતો. ફાઇનલમાં મુંબઈનો મુકાબલો મધ્ય પ્રદેશ (Mum vs MP) સાથે થશે. પૃથ્વી શૉ વર્તમાન સિઝનમાં કઇ ખાસ પ્રદર્શન કરી શક્યો નથી. તેણે માત્ર ત્રણ અડધી સદી ફટકારી છે. પરંતુ તેને ખબર છે કે ક્રિકેટ પણ જીવનની જેમ છે, જ્યા સતત ઉતાર-ચઢાવનો સામનો કરવો પડે છે.

રણજી ટ્રોફીની ફાઇનલમાં સ્થાનિક ક્રિકેટની દિગ્ગજ મુંબઈનો સામનો મધ્યપ્રદેશ સાથે થાય છે અને પૃથ્વી ઇંગ્લેન્ડના પ્રવાસ અથવા આયર્લેન્ડ જવા માટે ભારતની T20 આંતરરાષ્ટ્રીય ટીમમાં સ્થાન ન મેળવવાના વિચારથી તેનું ધ્યાન ભટકાવવા માંગતો નથી.

રણજી ટ્રોફીની ફાઇનલમાં મુંબઈનો સામનો મધ્યપ્રદેશ સામે થશે અને પૃથ્વી શૉ ઇંગ્લેન્ડના પ્રવાસ અથવા આયર્લેન્ડ જવા માટે ભારતની T20 આંતરરાષ્ટ્રીય ટીમમાં સ્થાન ન મેળવવાના વિચારથી તેનું ધ્યાન ભટકાવવા માંગતો નથી.

મને કોઇએ શુભેચ્છા પાઠવી ન હતી

મુંબઈના કેપ્ટન પૃથ્વી શૉએ ફાઈનલની પૂર્વ સંધ્યાએ કહ્યું, મેં થોડી (ત્રણ) અડધી સદી ફટકારી છે. પરંતુ તે ચોક્કસપણે મારા માટે પૂરતું નથી અને અડધી સદી ફટકાર્યા પછી પણ કોઈએ મને અભિનંદન આપ્યા નથી અને તમને પણ ખરાબ લાગે છે. ક્યારેક એવું થાય છે પણ હું ખુશ છું કે મારી ટીમ સારું પ્રદર્શન કરી રહી છે. એક સુકાની તરીકે મારે માત્ર મારી માટે નહીં પણ તે તમામ 21 ખેલાડીઓ વિશે વિચારવું પડશે જેઓ મારી સાથે અહીં આવ્યા છે.

પૃથ્વીએ કહ્યું, ક્રિકેટ અને જીવનમાં હંમેશા ઉતાર-ચઢાવ આવે છે અને એવું ક્યારેય નથી થતું કે તમે આગળ જ વધતા રહો. તેથી હું બોલને સારી રીતે ફટકારવાનું શરૂ કરીશ અને ફરી એકવાર મોટી ઇનિંગ્સ રમું. પરંતુ અત્યારે હું એ સુનિશ્ચિત કરવા માંગુ છું કે મારી ટીમ સારું કરે અને હું ટીમની રમતનો આનંદ માણી રહ્યો છું.

ટીમ ઇન્ડિયા પર વાપસીને લઇને હાલ કોઇ ધ્યાન નથી

જ્યારે તેને પૂછવામાં આવ્યું કે શું તે રાષ્ટ્રીય ટીમમાં વાપસી કરવાનું પસંદ નથી કરતો? પૃથ્વીએ કહ્યું, હું અત્યારે ભારતીય ટીમમાં વાપસી કરવા વિશે બિલકુલ વિચારી રહ્યો નથી. કપ જીતવો એ મારો મુખ્ય ઉદ્દેશ્ય છે અને હું તેને જીતવા સિવાય બીજું કંઈ વિચારતો નથી.

ટીમના યુવાનોને આપ્યો ખાસ સંદેશો

પૃથ્વી શૉ માત્ર 22 વર્ષનો છે અને તેણે 33 ફર્સ્ટ ક્લાસ મેચ રમી છે. પરંતુ જ્યારે તેને પૂછવામાં આવ્યું કે તે ટીમના યુવાનોને શું સંદેશો આપવા માંગે છે તો તેણે કહ્યું, “સૌથી પહેલા તો હું કહેવા માંગુ છું કે મને તેના પર ગર્વ છે. તે અહીં છે. હું તેમને કહેવા માંગુ છું કે મેદાન પર આવીને રમતનો આનંદ માણો. તેઓ અંડર-25 કે અંડર-19માં જે કરી રહ્યા છે તે જ કરવાનું છે. બસ અહીં તમારૂ સ્તર વધુ કડક છે.

તેણે કહ્યું, “પરિણામો મારા માટે વાંધો નથી પરંતુ દરેકના પ્રયત્નો મહત્વપૂર્ણ છે.” મેં તેમને એટલું જ કહ્યું છે કે તમે આટલા વર્ષોથી જે કરો છો તે કરો.