IPL 2026 Auction: પપ્પુ યાદવના પુત્રની IPLમાં એન્ટ્રી, કોલકાતા નાઈટ રાઈડર્સે આટલા લાખમાં ખરીદ્યો

કોલકાતા નાઈટ રાઈડર્સે અબુ ધાબીમાં IPL 2026 મીની ઓક્શનમાં સ્ટાર ખેલાડીઓ પર ભારે ખર્ચ કર્યો હતો. ત્રણ વખતની ચેમ્પિયન KKR એ કેમેરોન ગ્રીન અને મથીશા પથિરાના જેવા સ્ટાર ખેલાડીઓને ઊંચી બોલી લગાવીને ખરીદ્યા હતા. સાથે જ KKR એ બિહારના પૂર્ણિયાના સાંસદ પપ્પુ યાદવના પુત્ર સાર્થક રંજનને પણ ખરીદ્યો હતો. સાર્થક રંજન દિલ્હી માટે ઘરેલુ ક્રિકેટ રમે છે અને હંમેશા તેની બેટિંગ કુશળતા માટે સમાચારમાં રહે છે.

પપ્પુ યાદવના પુત્રની IPLમાં એન્ટ્રી

દિલ્હીના બેટ્સમેન સાર્થક રંજનને કોલકાતા નાઈટ રાઇડર્સે માત્ર ₹30 લાખની બેઝ પ્રાઈસમાં ખરીદ્યો હતો. 29 વર્ષીય સાર્થક રંજન બિહારના ફેમસ રાજકારણી રાજેશ રંજન, જેને પપ્પુ યાદવ તરીકે પણ ઓળખવામાં આવે છે, તેનો પુત્ર છે. જ્યારે દિલ્હી માટે ઘરેલુ ક્રિકેટ રમતા આ જમણા હાથના બેટ્સમેનની બોલી લાગી, ત્યારે બીજી કોઈ ટીમે તેના માટે બોલી લગાવી નહીં, અને KKR એ તેને સરળતાથી પોતાની ટીમમાં સામેલ કરી લીધો.

દિલ્હી પ્રીમિયર લીગમાં સાર્થકે મચાવી ધમાલ

સાર્થક રંજને ભાગ્યે જ દિલ્હી માટે ઘરેલુ ક્રિકેટના તમામ ફોર્મેટમાં રમ્યા છે, પરંતુ તાજેતરમાં તેણે દિલ્હી પ્રીમિયર લીગ 2025 માં અસાધારણ રીતે સારું પ્રદર્શન કર્યું. તે ટુર્નામેન્ટમાં બીજો સૌથી વધુ રન બનાવનારા ખેલાડી હતો. તેણે નવ ઇનિંગ્સમાં 449 રન બનાવ્યા, જેમાં 21 છગ્ગાનો સમાવેશ થાય છે. તેની સરેરાશ 56.12 હતી અને તેમનો સ્ટ્રાઇક રેટ 146.73 હતો, જે T20 ક્રિકેટમાં મજબૂત પ્રદર્શન માનવામાં આવે છે. DPL 2025 માં કુલ પાંચ બેટ્સમેનોએ સદી ફટકારી હતી, જેમાંથી એક સાર્થક રંજન હતો. વધુમાં, તે લીગમાં સૌથી વધુ છગ્ગા ફટકારવા મામલે ચોથા ક્રમે હતો.

ઘરેલુ ક્રિકેટમાં સાર્થક રંજનનું પ્રદર્શન

સાર્થકે 2016 માં દિલ્હી માટે ડેબ્યૂ કર્યું હતું. જોકે, તેને ઘરેલુ ક્રિકેટમાં વધુ તકો મળી નથી. અત્યાર સુધી, સાર્થક રંજને ફક્ત બે ફર્સ્ટ-ક્લાસ મેચ, ચાર લિસ્ટ A મેચ અને પાંચ T20 મેચ રમી છે. તેણે ફર્સ્ટ-ક્લાસ મેચમાં 28 રન, લિસ્ટ A મેચમાં 105 રન અને T20 મેચમાં 66 રન બનાવ્યા છે. તે 2024 થી દિલ્હી માટે રમ્યો નથી.

આ પણ વાંચો: IPL Auction 2026: આ 5 સ્ટાર ખેલાડીઓ બેઝ પ્રાઈસ પર જ વેચાયા, ટીમોએ સસ્તા ભાવે કર્યા મોટા સોદા

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો