IPL 2024 SRH vs LSG: હૈદરાબાદે માત્ર 9.4 ઓવરમાં 166 રનનો ટાર્ગેટ ચેઝ કરી રચ્યો ઈતિહાસ

IPL 2024ની 57મી મેચમાં સનરાઈઝર્સ હૈદરાબાદે ઈતિહાસ રચ્યો છે. પેટ કમિન્સની ટીમે લખનૌ સામે 166 રનના ટાર્ગેટનો પીછો 10 ઓવર પહેલા જ કરી લીધો હતો. હૈદરાબાદે માત્ર 58 બોલમાં 167 રન બનાવ્યા, જે IPLના ઈતિહાસમાં સૌથી ઝડપી રન ચેઝ છે. લખનૌ સુપર જાયન્ટ્સે આ મેચ 10 વિકેટથી જીતી લીધી હતી.

ટ્રેવિસ હેડ-અભિષેક શર્માની તોફાની બેટિંગ

સનરાઈઝર્સ હૈદરાબાદની આ રેકોર્ડબ્રેક જીતમાં સૌથી મોટો ફાળો તેમના બંને ઓપનરોનો હતો. ટ્રેવિસ હેડે માત્ર 30 બોલમાં 89 અને અભિષેક શર્માએ 28 બોલમાં 75 રનની અણનમ ઈનિંગ રમી હતી. આ બંને બેટ્સમેનોએ મળીને 14 છગ્ગા અને 16 ચોગ્ગા ફટકાર્યા હતા. બંનેએ માત્ર 58 બોલમાં ટીમને જીત અપાવી ઈતિહાસ રચ્યો હતો.

Web Stories View more

દેશી સફેદ જુવાર ખાવાના ફાયદા, જાણીને ચોંકી જશો

Cannesમાં કિયારા અડવાણીનો ચાલ્યો જાદું, પિંક અને બ્લેક ગાઉનમાં લૂટી મહેફિલ

જાહ્નવી કપૂરની ફિટનેસ ટ્રેનર પણ છે ખૂબ ગ્લેમરસ, જુઓ તસવીર

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

પૂરન-બદોનીની લડાયક ઈનિંગ

પ્રથમ બેટિંગ કરતા લખનૌ સુપર જાયન્ટ્સે 165 રન બનાવ્યા હતા. આ ટીમના પ્રથમ ત્રણ બેટ્સમેન કંઈ ખાસ કરી શક્યા ન હતા. ડી કોક 2 રન બનાવીને આઉટ થયો હતો અને સ્ટોઈનિસ 3 રન બનાવીને આઉટ થયો હતો. કેએલ રાહુલે 29 રન બનાવવા માટે 33 બોલ રમ્યા હતા. પરંતુ અંતે, નિકોલસ પૂરને 26 બોલમાં 48 રનની અણનમ ઈનિંગ રમી અને આયુષ બદોનીએ પણ અણનમ 55 રન બનાવ્યા અને કોઈક રીતે આ ટીમ સન્માનજનક પૂર્ણાહુતિ સુધી પહોંચી. જોકે, સનરાઈઝર્સના ઓપનરો કોઈ તબાહી મચાવવાના હેતુ સાથે મેદાનમાં આવ્યા અને આ સ્કોરને ઘણો નાનો સાબિત કર્યો.

A stylish strike to end a stylish chase!

Simply special from the #SRH openers

Recap the match LIVE on @StarSportsIndia and @JioCinema #TATAIPL | #SRHvLSG pic.twitter.com/2xUlOlS1kk

— IndianPremierLeague (@IPL) May 8, 2024

સનરાઈઝર્સ હૈદરાબાદની ઈનિંગના મોટા પોઈન્ટ:

• પાવરપ્લેમાં સનરાઈઝર્સ હૈદરાબાદે 107 રન બનાવ્યા.
• હેડ અને અભિષેક શર્મા વચ્ચે 19 બોલમાં 50 રનની ભાગીદારી પૂરી થઈ.
• હેડે માત્ર 16 બોલમાં અડધી સદી ફટકાર.
• સનરાઈઝર્સ હૈદરાબાદે 5.4 ઓવરમાં 100 રન પૂરા કર્યા.
• અભિષેક શર્માએ 19 બોલમાં અડધી સદી ફટકારી.
• સનરાઈઝર્સ હૈદરાબાદે 8.2 ઓવરમાં 150 રન પૂરા કર્યા.

હૈદરાબાદે આ રેકોર્ડ તોડી નાખ્યા:

• હૈદરાબાદે 62 બોલ પહેલા જ ટાર્ગેટ હાંસલ કર્યો. IPLમાં આ પહેલીવાર બન્યું છે જ્યારે 100થી વધુ રનના સ્કોરનો આટલી ઝડપથી પીછો કરવામાં આવ્યો હોય.
• હૈદરાબાદે 9.4 ઓવરમાં 167 રન બનાવ્યા, IPLમાં આ પહેલીવાર બન્યું છે કે 10 ઓવર પહેલા આટલા રન બનાવ્યા હોય.
• ટ્રેવિસ હેડે IPLમાં ત્રીજી વખત 20 બોલમાં અડધી સદી ફટકારી હતી. મેગાર્કના રેકોર્ડની બરાબરી કરી.
• હેડ-અભિષેક શર્માએ 34 બોલમાં સદીની ભાગીદારી કરી. આ સિઝનમાં બીજી વખત 35થી ઓછા બોલમાં સદીની ભાગીદારી કરી.

આ પણ વાંચો : કેએલ રાહુલની ધીમી બેટિંગ જોયા બાદ ચાહકોએ રોહિત શર્મા અને ચીફ સિલેક્ટર અજીત અગરકરનો આભાર માન્યો