IND vs WI : જસપ્રીત બુમરાહની મદદ છતાં મોહમ્મદ સિરાજ વેસ્ટ ઈન્ડિઝ સામે 5 વિકેટ લેવામાં નિષ્ફળ રહ્યો
અમદાવાદમાં ભારત અને વેસ્ટ ઈન્ડિઝ વચ્ચે પહેલી ટેસ્ટમાં મોહમ્મદ સિરાજ પાંચ વિકેટ લેવાથી ચૂકી ગયો. તેણે 14 ઓવરમાં 40 રન આપીને 4 વિકેટ લીધી. બુમરાહની મદદ છતાં સિરાજ પાંચમી વિકેટ ન લઈ શક્યો.
વેસ્ટ ઈન્ડિઝ સામે અમદાવાદ ટેસ્ટની ઈનિંગમાં ભારતીય ફાસ્ટ બોલર મોહમ્મદ સિરાજ પાસે પહેલી ઈનિંગમાં 5 વિકેટ લેવાની સુવર્ણ તક હતી. તે 4 વિકેટ લઈને આ સિદ્ધિની ખૂબ નજીક પહોંચી ગયો હતો. જોકે, તે પાંચમી વિકેટ ના લઈ શક્યો. બુમરાહ ઈચ્છતો હતો કે સિરાજ કોઈક રીતે પાંચમી વિકેટ લે. આમાં તેણે તેને મદદે પણ કરી. પરંતુ તેના તમામ પ્રયાસો છતાં સિરાજ આખરે નિષ્ફળ ગયો. વેસ્ટ ઈન્ડિઝ સામે અમદાવાદ ટેસ્ટની પહેલી ઈનિંગમાં તે 5 વિકેટ લઈ શક્યો નહીં.
સિરાજ પાંચ વિકેટ ન લઈ શક્યો
મોહમ્મદ સિરાજે વેસ્ટ ઈન્ડિઝ સામે અમદાવાદ ટેસ્ટની પહેલી ઈનિંગમાં 14 ઓવરમાં 40 રન આપીને 4 વિકેટ લીધી હતી. જો તેણે વધુ એક વિકેટ લીધી હોત, તો તેણે તેની ટેસ્ટ કારકિર્દીમાં છઠ્ઠી વખત પાંચ વિકેટ લીધી હોત. જો તેણે અહીં પાંચમી વિકેટ લીધી હોત, તો તેણે વેસ્ટ ઈન્ડિઝ સામેની ટેસ્ટમાં બીજી વખત આ સિદ્ધિ હાંસલ કરી હોત. જોકે, સિરાજ તે સિદ્ધિ હાંસલ ન કરી શક્યો.
બુમરાહે સિરાજને કરી મદદ!
હવે પ્રશ્ન એ છે કે બુમરાહ સિરાજને પાંચ વિકેટ લેવામાં કેવી રીતે મદદ કરી રહ્યો હતો? જો કે તે અલગ વાત છે કે સિરાજ પાંચ વિકેટ લેવામાં સફળ ન થયો. આ ત્યારે બન્યું જ્યારે વેસ્ટ ઈન્ડિઝની પ્રથમ ઈનિંગમાં માત્ર એક જ વિકેટ બાકી હતી. વેસ્ટ ઈન્ડિઝ 44.1 ઓવરમાં 162 રનમાં ઓલઆઉટ થઈ ગયું હતું.
A quick wicket going into the second session as @mdsirajofficial picks up his fourth wicket of the innings.
The West Indies Skipper departs with 105/6 on the board.
Live – https://t.co/Dhl7RtjvWY #INDvWI #1stTEST #TeamIndia @IDFCfirstbank pic.twitter.com/wfJ7oyrLYx
— BCCI (@BCCI) October 2, 2025
બુમરાહએ સતત ત્રણ બોલ સ્ટમ્પની બહાર ફેંકી
દરમિયાન, ઈનિંગની 41મી ઓવર ફેંકવા આવેલા બુમરાહએ સતત ત્રણ બોલ ઓફ સ્ટમ્પની બહાર ફેંક્યા, જેના કારણે વિકેટ લેવાનું મુશ્કેલ બન્યું. બુમરાહ વિકેટ ન લેવાના ઈરાદાથી બોલિંગ કરી રહ્યો હતો કે કેમ તે આપણે ચોક્કસ કહી શકતા નથી. પરંતુ તેની બોલિંગથી એવું લાગતું હતું કે તે ઈચ્છતો હતો જે સિરાજ અંતિમ વિકેટ લઈને તેની પાંચ વિકેટ પૂર્ણ કરશે.
કુલદીપ યાદવે છેલ્લી વિકેટ લીધી
જસપ્રીત બુમરાહના ઓવર પછી મોહમ્મદ સિરાજ મેદાનમાં આવ્યો પણ વિકેટ લેવામાં નિષ્ફળ ગયો. કુલદીપ યાદવે વેસ્ટ ઈન્ડિઝની પહેલી ઈનિંગની છેલ્લી વિકેટ લીધી, જે મેચની તેની બીજી વિકેટ હતી.
આ પણ વાંચો: IND vs WI: વેસ્ટ ઈન્ડિઝ 50 ઓવર પણ રમી શક્યું નહીં, 162 રનમાં ઓલઆઉટ, બુમરાહે રેકોર્ડ બ્રેકિંગ ફિફ્ટી ફટકારી
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
