IND vs SA: ઉમરાન મલિકની નજર હવે શોએબ અખ્તરના રેકોર્ડ પર? ભારતના નવા પેસરે બતાવ્યુ લક્ષ્ય, T20 સિરીઝમાં જોવા મળશે અસર

ભારતીય ક્રિકેટ ટીમ (Indian Cricket Team) આગામી થોડા દિવસોમાં ફરી આંતરરાષ્ટ્રીય ક્રિકેટમાં પ્રવેશ કરવા જઈ રહી છે. છેલ્લા બે મહિના પહેલા ટીમ ઈન્ડિયાના જે ક્રિકેટરો અલગ-અલગ ટીમોની જર્સીમાં એકબીજા સાથે ટકરાતા હતા તે હવે બ્લુ જર્સીમાં એક થઈને સાઉથ આફ્રિકા સામે ટકરાશે. આ શ્રેણી ઘણી રીતે ખૂબ જ ખાસ છે અને તેમાંથી એક નવા ખેલાડીઓની કસોટી છે. હાલમાં આ નવા ખેલાડીઓમાં સૌથી પ્રખ્યાત નામ ઉમરાન મલિક (Umran Malik) છે. IPL 2022 માં, ઉમરાન મલિક, જેણે પોતાની ગતિથી તબાહી મચાવી છે અને તેને પ્રથમ વખત ટીમ ઇન્ડિયામાં સ્થાન મળ્યું છે. હવે બધાની નજર તેના પર છે કે શું તે આ સિરીઝમાં IPL જેવી સ્પીડ બતાવી શકશે કે કેમ. શું તે શોએબ અખ્તર (Shoaib Akhtar) ના વર્લ્ડ રેકોર્ડની બરાબરી કરી શકશે?

છેલ્લા ઘણા દાયકાઓથી, ભારતીય ક્રિકેટ ટીમ અને ભારતીય ચાહકો એવા ફાસ્ટ બોલરની શોધમાં હતા જે વિશ્વના દિગ્ગજોને પોતાની ગતિએ ટક્કર આપી શકે. તાજેતરના વર્ષોમાં તેને સફળતા મળી છે અને ઉમરાનની એન્ટ્રી તેને નવી ઊંચાઈએ લઈ ગઈ છે. ઉમરાને IPL 2022 માં 157 kmphની ઝડપે બોલ ફેંકીને ભારતીય રેકોર્ડ બનાવ્યો હતો. ત્યારથી, દરેક વ્યક્તિ ભૂતપૂર્વ પાકિસ્તાની ફાસ્ટ બોલર શોએબ અખ્તરના 161.1 કિલોમીટરના રેકોર્ડને તોડવા ઈચ્છે છે.

રેકોર્ડની છે ઈચ્છા, ધ્યેય કંઈક બીજું

ઉમરાન મલિક પણ આ ઈચ્છે છે અને માને છે કે જો ‘ઈશ્વરની કૃપા’ હશે તો તે ચોક્કસપણે આ રેકોર્ડ તોડી નાખશે, પરંતુ હાલ તેનું ધ્યાન ઝડપી ગતિથી સારી બોલિંગ કરવા પર છે. એક મીડિયા અહેવાલ મુજબ તેમની સાથે વાતચીતમાં ઉમરાને કહ્યું કે, “ઇન્શા-અલ્લાહ. મારી તરફથી હજુ સુધી એવો પ્રયાસ નથી થયો કે મારે ઝડપી બોલિંગ કરવી. અત્યારે મારા શરીરનું ધ્યાન રાખીને હું 150ની ઝડપે બોલિંગ કરીશ અને મારા દેશ માટે વિકેટ લઈશ. જો અલ્લાહ ઈચ્છશે તો આ (શોએબનો રેકોર્ડ તોડવો) પણ થશે, પરંતુ હું અત્યારે તેના વિશે વિચારી રહ્યો નથી.

Web Stories View more

Nita Ambani luxury car : સીટ પર લખેલું છે નામ... સૌથી અનોખો રંગ! નીતા અંબાણીની લક્ઝરી કાર છે ખાસ

શું ફોન સ્વીચ ઓફ હોય તો ઝડપથી ચાર્જ થાય? જાણો સાચો જવાબ

નીતા અંબાણી સવાર થી સાંજ સુધી આખો દિવસ શું કરે છે? જાણો તેમનું શેડ્યૂલ

ગરમીમાં વધારે પડતી ના ખાતા કાકડી ! નહી તો થઈ શકે છે આ સમસ્યા

આજનું રાશિફળ તારીખ : 28-04-2024

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

IPL 2022 માં ધમાલ મચાવી

ભારતના સૌથી ઝડપી બોલર બની ગયેલા ઉમરાન મલિકે પોતાની ઝડપ પાછળ જીમ અને મેદાન પર કરેલી મહેનતને શ્રેય આપ્યો છે. તેણે કહ્યું કે તે પગના વર્કઆઉટ પર વધુ ધ્યાન આપે છે અને જીમમાં તેમજ મેદાનમાં ખૂબ પરસેવો પાડે છે, પરંતુ બોલ ફેંકવાની શક્તિ તેના શરીરમાં કુદરતી રીતે આવે છે. જમ્મુના આ સ્પીડસ્ટરે તેની પ્રથમ સંપૂર્ણ આઈપીએલ સિઝનમાં ઝડપની શક્તિ બતાવી અને સનરાઈઝર્સ હૈદરાબાદ માટે 22 વિકેટ લીધી.