ઓસ્ટ્રેલિયા-દક્ષિણ આફ્રિકા મેચમાં ડ્રામા, ટીવી અમ્પાયરે નોટ આઉટ આપ્યો છતાં ઓન ફીલ્ડ અમ્પાયરે આપ્યો આઉટ, જુઓ વીડિયો
મેચ વિશે વાત કરીએ તો, મેરિઝાન કેપે શાનદાર પ્રદર્શન કરીને દક્ષિણ આફ્રિકાની મહિલા ટીમને બુધવારે સિડનીમાં ઓસ્ટ્રેલિયા સામેની ODIમાં પ્રથમ જીત અપાવી હતી. પણ મેચમાં ત્યારે રોમાંચ ભરાઈ ગયો હતો જ્યારે ટીવી અમ્પાયરે નોટ આઉટ આપવા છતા ઓન ફીલ્ડ અમ્પાયરે તેને આઉટ આપ્યો હતો. તેનો વીડિયો પણ સામે આવ્યો છે, આ ઘટના બાદ ખેલાડીઓના રિએક્શ પણ જોવા જેવા હતા.
ક્રિકેટને જેન્ટલમેન ગેમ કહેવામાં આવે છે. જો કે, મેદાન પર કેટલીક ઘટનાઓ એવી બને છે કે ચાહકો તેમના હાસ્યને રોકી શકતા નથી. ક્રિકેટ પીચ પર બનેલી અત્યાર સુધીની સૌથી રમુજી ઘટનાઓમાં, ટીવી અમ્પાયરે ખેલાડીને LBW રિવ્યુ પર નોટ આઉટ આપ્યો, પરંતુ ગ્રાઉન્ડ અમ્પાયરે ભૂલથી તેને આઉટ કહી દીધો.
આ ઘટના ડોમેસ્ટિક મેચમાં નહીં પરંતુ ઈન્ટરનેશનલ મેચ દરમિયાન બની હતી. આ ઘટના ઉત્તર સિડની ઓવલ ખાતે દક્ષિણ આફ્રિકા અને ઓસ્ટ્રેલિયાની મહિલા ટીમો વચ્ચેની ત્રણ મેચની શ્રેણીની બીજી ODI દરમિયાન બની હતી.
શું છે સમગ્ર મામલો?
એશ્લે ગાર્ડનર બોલિંગ કરી રહી હતી. તેનો બોલ સાઉથ આફ્રિકાના કેપ્ટન સુને લુસના પેડ પર વાગ્યો હતો. આ પછી ઓસ્ટ્રેલિયન ટીમે LBWની અપીલ કરી હતી. ઓસ્ટ્રેલિયા રિવ્યુ લે તે પહેલા ફિલ્ડ અમ્પાયર ક્લેર પોલોસેકે લુસને નોટઆઉટ જાહેર કર્યો હતો. ઓસ્ટ્રેલિયાએ ડીઆરએસનો ઉપયોગ કર્યો.
ત્યારબાદ ટીવી અમ્પાયર સુ રેડફર્નને જાણવા મળ્યું કે બોલ ઓફ સ્ટમ્પની બહાર પિચ કરવામાં આવ્યો હતો અને તેની ઈમ્પેક્ટ તેની બહાર પણ હતી. તેમણે માઈક પર કહ્યું પિચિંગ આઉટસાઈડ ઓર ઈમ્પૈક્ટ ઓઉટસાઈડ. ત્યાર બાદ તેણે ફિલ્ડ અમ્પાયર ક્લેરને નોટ આઉટના નિર્ણય સાથે જવાનું કહ્યું અને નોટ આઉટનો સંકેત આપ્યો હતો.
આ દરમિયાન, કેમેરાએ ગ્રાઉન્ડ અમ્પાયર ક્લેર પર ધ્યાન કેન્દ્રિત કર્યું, જો કે ઓનફિલ્ડ અમ્પાયરે તેને આઉટ આપવા માટે ભૂલથી આંગળી ઊંચી કરી. તેને પોતાની ભૂલનો અહેસાસ થયો અને તેણે પોતાનો નિર્ણય બદલી નાખ્યો હતો.
મેચમાં શું થયું?
મેચ વિશે વાત કરીએ તો, મેરિઝાન કેપે શાનદાર પ્રદર્શન કરીને દક્ષિણ આફ્રિકાની મહિલા ટીમને બુધવારે સિડનીમાં ઓસ્ટ્રેલિયા સામેની ODIમાં પ્રથમ જીત અપાવી હતી. કેપની 75 બોલમાં 87 રનની ઈનિંગ્સ દક્ષિણ આફ્રિકા માટે મદદરૂપ સાબિત થઈ હતી. કેપ સિવાય, એનેકે બોશ (46 બોલમાં 44 રન) અને ક્લો ટ્રાયન (36 બોલમાં 37 રન)ની શાનદાર ઇનિંગ્સની મદદથી દક્ષિણ આફ્રિકાએ સ્કોરબોર્ડ પર 229/6નો સ્કોર બનાવ્યો હતો. મેગન શટ અને એશ્લે ગાર્ડનરે બે-બે વિકેટ લીધી હતી.
ઓસ્ટ્રેલિયન ઇનિંગ્સ
રન ચેઝમાં ઓસ્ટ્રેલિયાની બેટિંગ ભાગ્યે જ પ્રભાવશાળી જોવા મળી છે. એક સમયે કાંગારૂ ટીમે 14મી ઓવરમાં 71 રનમાં આઠ વિકેટ ગુમાવી દીધી હતી. કૅપે કૅપ્ટન એલિસા હીલીને કૅચઆઉટ કરાવ્યો અને બેથ મૂનીને પણ ઇનસ્વિંગર વડે આઉટ કર્યો. ફોબી લિચફિલ્ડ પણ કંઈ ખાસ કરી શકી ન હતી. એલિસ પેરી પાંચમા નંબરે આવી અને રન બનાવવામાં નિષ્ફળ રહી. તેને નવોદિત આયંડા હલુબીએ પેવેલિયન મોકલી હતી.
When you get the call right … but the signal wrong! #AUSvSA pic.twitter.com/wfZPD1Z761
— cricket.com.au (@cricketcomau) February 7, 2024
ગાર્ડનર અને કિમ ગાર્થે થોડા સમય માટે ઓસ્ટ્રેલિયાની વિકેટ પડતી અટકાવી હતી અને નવમી વિકેટ માટે મજબૂત ભાગીદારી કરી હતી. પરંતુ તે લાંબો સમય ટકી શક્યો નહીં કારણ કે માર્ક્સે 29મી ઓવરમાં ગાર્ડનરને આઉટ કરી હતી. ઓસ્ટ્રેલિયાની ટીમ 30મી ઓવરમાં 149 રને સમેટાઈ ગઈ હતી. માર્ચ 2009 પછી પ્રથમ વખત ઓસ્ટ્રેલિયાએ ટાર્ગેટનો પીછો કરતી વખતે ઘરઆંગણે ODI હારી છે. કેપની ત્રણ વિકેટ ઉપરાંત હ્લુબી-માર્કસ અને ક્લાર્કે બે-બે વિકેટ લીધી હતી.
આ પણ વાંચો: ન્યુઝીલેન્ડની બીજી સૌથી મોટી જીત, પ્રથમ ટેસ્ટમાં સાઉથ આફ્રિકાને હરાવ્યું, 6 વર્ષ જૂનો રેકોર્ડ બચાવ્યો
