6,6,6,6,6,6… આ ભારતીય બેટ્સમેને કર્યું યુવરાજ સિંહ જેવું કારનામું, એક જ ઓવરમાં ફટકારી 6 સિક્સર, જુઓ Video

દિલ્હી પ્રીમિયર લીગ 2024ની 23મી મેચ સાઉથ દિલ્હી સુપરસ્ટાર્સ અને નોર્થ દિલ્હીની ટીમો વચ્ચે રમાઈ રહી છે. આ મેચમાં દક્ષિણ દિલ્હી સુપરસ્ટાર્સની શાનદાર બેટિંગ જોવા મળી હતી. આ મેચમાં પ્રથમ બેટિંગ કરીને ટીમે 300 રનનો આંકડો પાર કર્યો, જે T20 ક્રિકેટમાં ભાગ્યે જ જોવા મળે છે. ચાહકોને મેચમાં મેદાનની ચારે બાજુ સિક્સરો જોવા મળી હતી. આ દરમિયાન 23 વર્ષના ઓપનર પ્રિયાંશ આર્યએ એક મોટી સિદ્ધિ હાંસલ કરી છે. પ્રિયાંશ આર્યએ એક જ ઓવરમાં 6 છગ્ગા ફટકારીને સૌનું ધ્યાન ખેંચ્યું હતું.

પ્રિયાંશ આર્યએ 6 બોલમાં 6 સિક્સર ફટકારી

પ્રિયાંશ આર્યનું બેટ આ લીગમાં ઘણું સારું પ્રદર્શન કરી રહ્યું છે. તેણે આ લીગમાં અત્યાર સુધીમાં 2 સદી ફટકારી છે. નોર્થ દિલ્હી સામે રમાયેલ મેચમાં તેણે મનન ભારદ્વાજ વિરુદ્ધ એક ઓવરમાં છ છગ્ગા ફટકારવાની સિદ્ધિ મેળવી હતી. મેચની 12મી ઓવરમાં પ્રિયાંશે દરેક બોલને બાઉન્ડ્રીની બહાર મોકલ્યો હતો. આ સાથે તે દિલ્હી પ્રીમિયર લીગનો પહેલો બેટ્સમેન પણ બની ગયો છે, જેણે એક ઓવરમાં 6 છગ્ગા ફટકાર્યા હોય. આ પહેલા તે દિલ્હી પ્રીમિયર લીગમાં સદી ફટકારનાર પ્રથમ બેટ્સમેન પણ બન્યો હતો.

પ્રિયાંશ આર્યએ ફરી સદી ફટકારી

પ્રિયાંશ આર્યએ આ મેચમાં 50 બોલનો સામનો કર્યો અને 120 રનની શાનદાર ઈનિંગ રમી. આ ઈનિંગમાં પ્રિયાંશ આર્યએ 10 ફોર અને 10 સિક્સર ફટકારી હતી. પ્રિયાંશ આર્યએ 240ના સ્ટ્રાઈક રેટથી આ રન બનાવ્યા હતા. આયુષ બદોની સાથે તેણે બીજી વિકેટ માટે 286 રન પણ જોડ્યા, જે આ લીગમાં અત્યાર સુધીની સૌથી મોટી ભાગીદારી છે. પ્રિયાંશની આ પહેલી ઈનિંગ્સ નથી, તેણે એક પછી એક આવી ઘણી મોટી ઈનિંગ્સ રમી છે.

આ પણ વાંચો: 7 મેચમાં માત્ર 82 રન, છતાં રાહુલ દ્રવિડમાં પુત્ર સમિતને કેમ મળ્યું ટીમ ઈન્ડિયામાં સ્થાન? જાણો સાચું કારણ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો