Breaking News: પાકિસ્તાન એશિયા કપમાંથી બહાર, UAE સામે નહીં રમે મેચ
એશિયા કપનો 10મો મુકાબલો આજે દુબઈમાં પાકિસ્તાન અને યજમાન યુએઈ વચ્ચે રમવાનો હતો. જોકે, આ મેચ પહેલા પાકિસ્તાને યુએઈ સામે રમવાનો ઇનકાર કર્યો હતો. આ સાથે, પાકિસ્તાન એશિયા કપ ટુર્નામેન્ટમાંથી બહાર થઈ ગયું છે. હવે, યુએઈને વોકઓવર મળ્યો છે, અને બે પોઈન્ટ સાથે, યજમાન ટીમ સુપર ફોર માટે ક્વોલિફાય થઈ ગઈ છે.
એશિયા કપનો 10મો મુકાબલો આજે દુબઈમાં પાકિસ્તાન અને યજમાન UAE વચ્ચે રમવાનો હતો. જોકે, આ મેચ પહેલા પાકિસ્તાને UAE સામે રમવાનો ઈનકાર કર્યો હતો. આ સાથે, પાકિસ્તાન એશિયા કપ ટુર્નામેન્ટમાંથી બહાર થઈ ગયું છે. હવે, UAEને વોકઓવર મળ્યો છે, અને બે પોઈન્ટ સાથે, યજમાન ટીમ સુપર ફોર માટે ક્વોલિફાય થઈ ગઈ છે.
પાકિસ્તાન UAE સામે મેચ નહીં રમે
રવિવારે ભારત-પાકિસ્તાન મેચ બાદ ટીમ ઈન્ડિયાના ખેલાડીઓએ પાકિસ્તાની ખેલાડીઓ સાથે હાથ મિલાવવાનો ઈનકાર કર્યો હતો. પાકિસ્તાની ટીમે આ માટે મેચ રેફરી એન્ડી પાયક્રોફ્ટને જવાબદાર ઠેરવ્યા હતા. પાકિસ્તાન ક્રિકેટ બોર્ડ (PCB) એ આ અંગે ICC માં ફરિયાદ નોંધાવી હતી. પાકિસ્તાને મેચ રેફરીને હટાવવાની માંગ કરી હતી. જોકે, ICC એ આમ કરવાનો ઇનકાર કર્યો હતો. આ પછી, એવી અટકળો ચાલી રહી હતી કે પાકિસ્તાન UAE સામે મેચ નહીં રમે.
વિવાદ કેવી રીતે શરૂ થયો
ભારત-પાકિસ્તાન મેચ દરમિયાન હાથ મિલાવવાના વિવાદ બાદ, PCBએ દાવો કર્યો હતો કે પાયક્રોફ્ટે કેપ્ટન સલમાન અલી આગાને કહ્યું હતું કે ટોસ દરમિયાન હાથ મિલાવવામાં આવશે નહીં, જે MCC નિયમોની વિરુદ્ધ છે. ICC જનરલ મેનેજર વસીમ ખાનને કરેલી ફરિયાદમાં, PCBએ જણાવ્યું હતું કે પાયક્રોફ્ટની કાર્યવાહી MCC નિયમોનું ઉલ્લંઘન કરે છે અને ક્રિકેટની ભાવનાની વિરુદ્ધ છે.
PCBએ આપી હતી ધમકી
PCBએ આગ્રહ કર્યો હતો કે પાયક્રોફ્ટને એશિયા કપની બાકીની મેચોમાંથી દૂર કરવામાં આવે. વધુમાં, PCB કે તેના ચેરમેન મોહસીન નકવી, જેમણે પોતે પાયક્રોફ્ટ અને ભારતીય ટીમ બંનેની ટીકા કરી છે, તેમણે સત્તાવાર રીતે આ વાત કહી નથી. જો કે, અહેવાલો બહાર આવ્યા છે કે જો આ માંગણી પૂર્ણ ન થાય તો પાકિસ્તાન ટુર્નામેન્ટમાંથી ખસી જવાનો વિચાર કરી રહ્યું છે.
આ પણ વાંચો: World Championship: નીરજ ચોપરાનો એક થ્રો જ પૂરતો હતો, વર્લ્ડ ચેમ્પિયનશિપની ફાઈનલમાં બનાવી જગ્યા
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
