જૂનાગઢમાં ભવનાથના મેળામાં મૃગીકુંડમાં શાહી સ્નાન કરવા મુદ્દે વિવાદમાં આવેલ મહિલા કીર્તિ પટેલની આખરે જૂનાગઢ પોલીસે ધરપકડ કરી છે. કીર્તિ પટેલ ઉપર, શિવરાત્રી પર્વ નિમિત્તે, જૂનાગઢના ભવનાથ ખાતે આવેલ મૃગીકુંડમાં સાધુ સંતો સાથે શાહી સ્નાન સમયે ડૂબકી લગાવી હતી. આ ડૂબકીએ કીર્તિ માટે વિવાદ સર્જયો હતો.

Kirti Patel Controversy

કીર્તિ પટેલ નામની મહિલા સોશિયલ મીડિયા થકી સતત કોઈને કોઈ વિવાદમાં રહેતી આવી છે. આ વખતે, જૂનાગઢ ખાતે યોજાયેલ શિવરાત્રીના મેળામાં સાધુ સંતો માટેના શાહી સ્નાન સમયે સાધુ સંતોના ટોળાની વચ્ચે ઘૂસી જઈને મૃગીકુંડમાં સ્નાન કરીને પરંપરાને તોડી હતી. આ ઘટનાએ ધર્મપ્રેમી જનતાની લાગણી દુભાવી હતી. જેના પગલે, મચેલા હો-હા બાદ, જૂનાગઢના ભવનાથ પોલીસ સ્ટેશને કીર્તિ પટેલ વિરુદ્ધ બે પોલીસ ફરિયાદ નોંધાઈ હતી. આ ઉપરાંત અન્ય એક ફરિયાદ જુનાગઢ તાલુકા પોલીસ સ્ટેશનમાં નોંધાઈ હતી. આમ કુલ ત્રણ પોલીસ ફરિયાદમાં વિવાદાસ્પદ કીર્તિ પટેલ પોલીસની પકડથી સતત ભાગતી ફરતી રહી હતી.

દરમિયાન આજે પોલીસ બેડામાંથી બહાર આવેલ વિગતો અનુસાર, વિવાદાસ્પદ કીર્તિ પટેલને જૂનાગઢ પોલીસે રાજસ્થાનથી ઝડપી પાડી છે. જો કે, કીર્તિ પટેલ સુધી જૂનાગઢ પોલીસ કેવી રીતે પહોંચી, ક્યાથી પકડાઈ તે અંગે જૂનાગઢ પોલીસ હાલમાં મગનુ નામ મરી નથી પાડી રહી. પરંતુ પોલીસ દ્વારા કીર્તિ પટેલને પકડવામાં આવી તે અંગે અનેક અટકળો ચાલી રહી છે. પોલીસ દ્વારા કીર્તિ પટેલની ધરપકડ અંગે સમગ્ર મામલે સત્તાવાર રીતે પ્રેસ કોન્ફરન્સ કરીને જાહેર કરવામાં આવશે તેમપોલીસ બેડાના સૂત્રોએ જણાવ્યું હતું.

જો કે, જૂનાગઢમાં ત્રણ ત્રણ પોલીસ ફરિયાદ કરાઈ હોવા છતા, કીર્તિ પટેલ જાણે જૂનાગઢ પોલીસને પડકાર આપતી હોય તેમ સોશિયલ મીડિયા પર તેના વીડિયો પોસ્ટ કરતી આવી હતી. જો કે, વિવાદાસ્પદ કીર્તિ પટેલ પકડાઈ જતા પોલીસે મોટી રાહત અનુભવી હોવાનું પોલીસ બેડાના સૂત્રોએ જણાવ્યું હતું

With Input- Vijaysinh Parmar- Junagadh

Breaking News : જૂનાગઢમાં કીર્તિ પટેલ Vs ઇન્દ્રભારતી બાપુ, કીર્તિ પટેલે લગાવ્યા આક્ષેપ, વીડિયોથી વિવાદ