Breaking News: બટલરની વિકેટ લેતા જ જાડેજાનું ‘ખિસ્સા’ સેલિબ્રેશન, સોશિયલ મીડિયા પર વીડિયો વાયરલ, મચી ગયો હોબાળો
રાજસ્થાન રોયલ્સના સ્ટાર ઓલરાઉન્ડર રવિન્દ્ર જાડેજાએ જોસ બટલરની વિકેટ લીધી અને તેને ખિસ્સામાં મૂકવાનો ઈશારો કર્યો, જેનો વીડિયો સોશિયલ મીડિયા પર વાયરલ થયો હતો. સાથે જ તેના આ સેલિબ્રેશનથી જેના કારણે હોબાળો પણ મચી ગયો હતો.
જયપુરના સવાઈ માનસિંહ સ્ટેડિયમમાં રમાયેલી IPL 2026ની રાજસ્થાન રોયલ્સ અને ગુજરાત ટાઈટન્સ વચ્ચેની મેચ દરમિયાન એક અનોખી ઘટના ચર્ચાનો વિષય બની. સ્ટાર સ્પિનર રવિન્દ્ર જાડેજાએ જોસ બટલરને આઉટ કર્યા પછી કરેલી ખાસ ઉજવણી સોશિયલ મીડિયા પર ઝડપથી વાયરલ થઈ ગઈ. કેટલાક ચાહકોએ તેને મજેદાર ગણાવી, જ્યારે કેટલાકે તેને અપમાનજનક પણ કહ્યું.
જાડેજાએ બટલરને કર્યો આઉટ
મેચ દરમિયાન ગુજરાત ટાઈટન્સના સ્ટાર બેટ્સમેન જોસ બટલર સારું રમી રહ્યો હતો. પરંતુ રાજસ્થાન રોયલ્સના અનુભવી ઓલરાઉન્ડર રવિન્દ્ર જાડેજાએ તેને પોતાની ચાલક સ્પિન બોલિંગથી ફસાવી દીધો. બટલરે લાંબો શોટ રમવાનો પ્રયાસ કર્યો અને લોંગ-ઓફ પર કેચ આઉટ થયો.
જાડેજાનું ‘ખિસ્સા’ સેલિબ્રેશન
બટલરની વિકેટ મળતા જ જાડેજાએ એક અનોખી ઉજવણી કરી. તેણે પોતાના હાથને ખિસ્સા તરફ લઈ જઈ એવો ઈશારો કર્યો કે જાણે બટલરને ‘ખિસ્સામાં મૂકી દીધો’ હોય. મેદાન પર આ દ્રશ્ય જોતા જ દર્શકોમાં ઉત્સાહ છવાઈ ગયો, જ્યારે સોશિયલ મીડિયા પર આ સેલિબ્રેશન અંગે ભારે ચર્ચા શરૂ થઈ.
Wicket in the pocket ☝️
Celebrations out
Ravindra Jadeja doing what he does best
Updates ▶️ https://t.co/t7CEEL9Bzp#TATAIPL | #KhelBindaas | #RRvGT | @rajasthanroyals pic.twitter.com/qGBNr38o4S
— IndianPremierLeague (@IPL) May 9, 2026
કેટલાક ફેન્સને જાડેજાની સ્ટાઈલ ના ગમી
ઘણા ક્રિકેટ ચાહકોને જાડેજાની આ સ્ટાઈલ ગમી હતી. તેઓએ કહ્યું કે ક્રિકેટમાં આવી મોજમસ્તી અને આત્મવિશ્વાસ રમતને વધુ રસપ્રદ બનાવે છે. જોકે, કેટલાક લોકોએ આ વર્તનને વિરોધી ખેલાડી માટે અપમાનજનક ગણાવ્યું અને ખેલભાવનાને અનુરૂપ ન હોવાનું જણાવ્યું.
જાડેજા-બટલરનો T20માં સામ-સામે રેકોર્ડ
જો આંકડાઓ પર નજર કરીએ તો જાડેજા અને બટલર વચ્ચેની સ્પર્ધામાં ભારતીય સ્પિનરનો હાથ ઉપર રહ્યો છે. બંને વચ્ચે રમાયેલી 12 T20 ઈનિંગ્સમાં જાડેજાએ બટલરને ત્રણ વખત આઉટ કર્યો છે. બટલરે તેની સામે માત્ર 124.24ના સ્ટ્રાઈક રેટથી રન બનાવ્યા છે, જે જાડેજાની અસરકારક બોલિંગ દર્શાવે છે.
સિઝનની સૌથી ચર્ચિત ક્ષણ બની
આ ઘટના પછી ક્રિકેટ જગતમાં ફરી એકવાર ખેલાડીઓની ઉજવણીની રીતો ચર્ચામાં આવી છે. IPL જેવી મોટી ટૂર્નામેન્ટમાં ખેલાડીઓનો આત્મવિશ્વાસ અને એગ્રેશન ઘણીવાર જોવા મળે છે, પરંતુ તેની મર્યાદા અંગે ચર્ચા થતી રહે છે. જાડેજાની આ ઉજવણી હવે આખા સિઝનની સૌથી ચર્ચિત ક્ષણોમાં સામેલ થઈ ગઈ છે.
Breaking News: શુભમન ગિલ-સાઈ સુદર્શનનો કમાલ, ઓપનિંગમાં મચાવી ધમાલ, બની જોડી નંબર-1
