IND vs ENG: વૈભવ સૂર્યવંશી અને સંજુ સેમસન બંને રમશે ! આવી હશે ત્રીજી T20 માં ભારતની પ્લેઈંગ ઈલેવન
ભારત અને ઈંગ્લેન્ડ વચ્ચે ત્રીજી T20I નોટિંગહામના ટ્રેન્ટ બ્રિજ ખાતે રમાશે. આ મેચમાં ભારત કઈ પ્લેઈંગ ઈલેવનને મેદાનમાં ઉતારશે તે પ્રશ્ન હજુ પણ યથાવત છે. અહેવાળ અનુસાર આ મેચમાં સંજુ રમશે, સાથે જ સૂર્યવંશીને પણ તક મળશે. ચાલો જાણીએ ત્રીજી T20માં કેવી હશે ભારતની પ્લેઈંગ ઈલેવન.
ભારત અને ઈંગ્લેન્ડ વચ્ચેની ત્રીજી T20 7 જુલાઈના રોજ નોટિંગહામમાં રમાશે. ટીમ ઈન્ડિયા શ્રેણીની પાછલી મેચ હારી ગઈ હતી, અને પહેલી મેચ વરસાદને કારણે ધોવાઈ ગઈ હતી. જો ટીમ ઈન્ડિયા T20 શ્રેણી જીતવા માંગે છે, તો તેમણે નોટિંગહામ T20 કોઈપણ કિંમતે જીતવી પડશે. પ્રશ્ન એ છે કે, ભારત મેચ જીતવા માટે કયા પ્લેઈંગ ઈલેવનને મેદાનમાં ઉતારશે? પાછલી મેચમાં ટીમ ઈન્ડિયાએ સંજુ સેમસનને બહાર કર્યો હતો અને તેની જગ્યાએ વૈભવ સૂર્યવંશીને ટીમમાં સામેલ કર્યો હતો, પરંતુ હવે સમાચાર આવી રહ્યા છે કે સેમસન ત્રીજી T20માં રમશે.
સંજુ સેમસન પ્લેઈંગ 11 માં પાછો ફરશે?
ઈંગ્લેન્ડના મીડિયા રિપોર્ટ્સ અનુસાર સંજુ સેમસન ત્રીજી T20I માં રમશે. તેને પાછલી મેચમાં આરામ આપવામાં આવ્યો હતો, પરંતુ ટીમ ઈન્ડિયા હવે પોતાનો નિર્ણય બદલી શકે છે. અહેવાલો સૂચવે છે કે સંજુ સેમસન અને વૈભવ સાથે રમશે, પણ સૂર્યવંશી ઈનિંગની શરૂઆત કરશે.
વૈભવ-અભિષેક કરશે ઓપનિંગ!
આનો અર્થ એ થયો કે સૂર્યવંશી અને અભિષેક શર્મા ત્રીજી મેચમાં ઓપનિંગ કરશે, જ્યારે સંજુ સેમસન ત્રીજા નંબર પર બેટિંગ કરશે. સંજુ કોનું સ્થાન લેશે તે પ્રશ્ન હજુ પણ બાકી છે. ટીમ ઈન્ડિયાના મિડલ ઓર્ડરમાં ડાબા હાથના ઘણા બેટ્સમેનો છે. શ્રેયસ અય્યર સિવાય બધા ડાબા હાથે બેટિંગ કરે છે. ત્રીજા નંબર પર સંજુ સેમસનની એન્ટ્રી બેટિંગ ઓર્ડરમાં કેટલીક વિવિધતા ઉમેરશે.
રવિ બિશ્નોઈને તક નહીં મળે?
ઈંગ્લેન્ડ સામેની બીજી T20I માં ચાર ઓવરમાં 60 રન આપનાર રવિ બિશ્નોઈને પ્લેઈંગ ઈલેવનમાં સ્થાન મળે તેવી શક્યતા ઓછી છે. તેણે પોતાની અંતિમ ઓવરમાં 29 રન આપ્યા, જેના કારણે ટીમ ઈન્ડિયા મેચ હારી ગઈ. નહિંતર ભારતની મેચ પર મજબૂત પકડ હતી. રસપ્રદ વાત એ છે કે, રવિ બિશ્નોઈએ મેચમાં ત્રણ નો-બોલ પણ ફેંક્યા હતા, અને ઈંગ્લેન્ડે આ ત્રણ બોલ પછી ફ્રી હિટ પર 16 રન બનાવ્યા હતા. આટલા ખરાબ પ્રદર્શન પછી, તેને તક મળે તેવી શક્યતા ઓછી છે. પ્રિન્સ યાદવને તેના સ્થાને તક આપવામાં આવી શકે છે, અથવા વોશિંગ્ટન સુંદરને પ્લેઈંગ ઈલેવનમાં સામેલ કરી શકાય છે.
ત્રીજી T20 માટે ભારતની સંભવિત પ્લેઈંગ ઈલેવન
વૈભવ સૂર્યવંશી, અભિષેક શર્મા, સંજુ સેમસન, ઈશાન કિશન, શ્રેયસ ઐયર, તિલક વર્મા, શિવમ દુબે, અક્ષર પટેલ, અર્શદીપ સિંહ, વરુણ ચક્રવર્તી, પ્રિન્સ યાદવ.
ICC ટ્રોફીઓ પર ઓસ્ટ્રેલિયાનું રાજ ! 24 ખિતાબ સાથે નંબર-1, જાણો ભારતના ખાતામાં કેટલી ટ્રોફી?
