Asian Games 2023 : સેમિફાઇનલમાં પાકિસ્તાન 75 રનમાં સમેટાયું, ફાઇનલમાં ભારતનો મુકાબલો આ ટીમ સાથે થશે
ચીનમાં આયોજિત એશિયન ગેમ્સની મહિલા ક્રિકેટ ઈવેન્ટમાં ટીમ ઈન્ડિયાનો મેડલ પહેલેથી જ નિશ્ચિત છે. ટીમ ઈન્ડિયાને હવે શ્રીલંકા સામે ફાઈનલ મેચ રમવાની છે, પાકિસ્તાનની ટીમ પોતાની સેમીફાઈનલ મેચમાં ખરાબ રીતે હારી ગઈ છે.
એ વાતની પુષ્ટિ થઈ ગઈ છે કે ભારતીય મહિલા ક્રિકેટ ટીમ એશિયન ગેમ્સ 2023 (Asian Games 2023) માં ફાઈનલ રમશે અને હવે એ પણ નક્કી થઈ ગયું છે કે ગોલ્ડ મેડલની મેચમાં કઈ ટીમ તેનો સામનો કરશે. શ્રીલંકા (Sri Lanka) એ મહિલા ક્રિકેટની બીજી સેમિફાઈનલમાં પાકિસ્તાનને હરાવીને ફાઈનલની ટિકિટ મેળવી લીધી છે. હવે ગોલ્ડ મેડલ માટેનો મુકાબલો ભારત (Team India) અને શ્રીલંકા વચ્ચે સોમવારે રમાશે.
સેમિફાઈનલમાં શ્રીલંકાએ પાકિસ્તાનને હરાવ્યું
સેમિફાઈનલમાં પાકિસ્તાનની ટીમ માત્ર 75 રન બનાવી શકી હતી, જ્યારે શ્રીલંકાએ આ ટાર્ગેટ સરળતાથી મેળવી લીધો હતો. 20 ઓવરની આ મેચમાં શ્રીલંકાએ 6 વિકેટે જીત મેળવીને ફાઇનલમાં જગ્યા બનાવી લીધી છે.જો પાકિસ્તાનની વાત કરીએ તો તે 20 ઓવરમાં માત્ર 75 રન બનાવી શક્યું, પાકિસ્તાન તરફથી શવાલ ઝુલ્ફિકરે સૌથી વધુ 16 રન બનાવ્યા, જ્યારે માત્ર 3 ખેલાડીઓ જ ડબલ ફિગરને સ્પર્શી શકી હતી. જો આપણે શ્રીલંકાની વાત કરીએ તો તેમણે 17મી ઓવરમાં જ જીત મેળવીને કમાલ કર્યો અને મેડલ નિશ્ચિત કર્યો હતો.
Sri Lanka kick out Pakistan from yet another Asian Semi Final.
India vs Sri Lanka for Gold Medal in Women’s Cricket at Asian Games Hangzhou.
Look at the scorecard #AsianGames2023 | #INDvPAK pic.twitter.com/28Y7bryU4k
— Johns (@JohnyBravo183) September 24, 2023
ક્રિકેટમાંથી ભારત માટે મેડલ નિશ્ચિત
હવે સોમવારે ગોલ્ડ મેડલ અને બ્રોન્ઝ મેડલની મેચો યોજાવાની છે. ભારત અને શ્રીલંકા ગોલ્ડ મેડલ મેચમાં ટકરાશે જ્યારે બાંગ્લાદેશ અને પાકિસ્તાન બ્રોન્ઝ મેડલ મેચમાં ટકરાશે. મતલબ કે એશિયન ગેમ્સમાં ક્રિકેટમાંથી ભારત માટે મેડલ નિશ્ચિત છે અને એવી અપેક્ષા રાખવામાં આવશે કે ટીમ ઈન્ડિયા ફાઇનલમાં શ્રીલંકાને હરાવી ગોલ્ડ મેડલ જીતે.
INDIA QUALIFIED FOR THE FINALS OF ASIAN GAMES 2023.
– A Proud moment for Women’s cricket in India. pic.twitter.com/L2BL5KxY8J
— Johns. (@CricCrazyJohns) September 24, 2023
આ પણ વાંચો : IND vs AUS : ભારતની જીત પર ચાહકોએ સોશિયલ મીડિયા પર કાંગારૂ ટીમની મજા લીધી, મીમ્સ થયા વાયરલ
ભારત-શ્રીલંકા ફાઇનલ ક્યારે થશે?
એશિયન ગેમ્સ 2023ની મહિલા ક્રિકેટ ઈવેન્ટમાં ભારતે એક મેચ જીતીને ફાઇનલમાં સીધું સ્થાન મેળવ્યું છે. ટીમ ઈન્ડિયાએ ક્વાર્ટર ફાઈનલથી સીધી શરૂઆત કરી હતી, જ્યારે સેમિફાઈનલમાં ભારતીય ટીમે બાંગ્લાદેશને ખૂબ જ સરળતાથી હરાવ્યું હતું. હવે ફાઇનલમાં ભારત અને શ્રીલંકાની ટીમો સામસામે ટકરાશે, આ મેચ ભારતીય સમય અનુસાર સોમવારે સવારે 11.30 વાગ્યે શરૂ થશે.
