અભિષેક શર્માની ODI ટીમમાં એન્ટ્રી, વિરાટ કોહલી-રોહિત શર્મા બહાર, શ્રેયસ અય્યર કેપ્ટન

ભારત A ટીમ 30 સપ્ટેમ્બરથી ઓસ્ટ્રેલિયા A ટીમ સામે વન-ડે શ્રેણી રમશે, જેના માટે ટીમની જાહેરાત કરવામાં આવી છે. પસંદગીકારોએ શ્રેયસ અય્યરને ODI શ્રેણી માટે કેપ્ટન તરીકે નિયુક્ત કર્યો છે, જ્યારે અભિષેક શર્માને પણ ટીમમાં સામેલ કરવામાં આવ્યો છે. શર્મા બીજી અને ત્રીજી ODI મેચ રમશે. એવું માનવામાં આવે છે કે ઓસ્ટ્રેલિયા સામેની ODI શ્રેણી માટે શર્માને પણ ટીમ ઈન્ડિયામાં સામેલ કરવામાં આવી શકે છે.

વિરાટ અને રોહિત ટીમમાં સામેલ નથી

જોકે, મોટા સમાચાર એ છે કે વિરાટ કોહલી અને રોહિત શર્મા બંને ટીમમાં સામેલ નથી. એવા અહેવાલો હતા કે ટીમ ઈન્ડિયા પસંદગી સમિતિ ઈચ્છતી હતી કે વિરાટ અને રોહિત બંને ઓસ્ટ્રેલિયા પ્રવાસ પહેલા ઈન્ડિયા A ટીમ માટે રમે, પરંતુ હવે બંનેમાંથી કોઈનું નામ ટીમમાં નથી. BCCIએ ત્રણ ODI મેચ માટે બે અલગ-અલગ ટીમોની પસંદગી કરી છે. નીચે જાણો કયા ખેલાડીઓની પસંદગી કરવામાં આવી છે.

પ્રથમ વનડે માટે ઈન્ડિયા A ટીમ

શ્રેયસ અય્યર, પ્રભસિમરન સિંઘ, રિયાન પરાગ, આયુષ બદોની, સૂર્યાંશ શેડગે, વિપરાજ નિગમ, નિશાંત સિંધુ, ગુર્જપનીત સિંહ, યુદ્ધવીર સિંહ, રવિ બિશ્નોઈ, અભિષેક પોરેલ, પ્રિયાંશ આર્ય, સિમરજીત સિંહ.

બીજી વનડે માટે ઈન્ડિયા A ટીમ

શ્રેયસ અય્યર (કેપ્ટન), તિલક વર્મા (વાઈસ-કેપ્ટન), અભિષેક શર્મા, પ્રભસિમરન સિંહ, રિયાન પરાગ, આયુષ બદોની, સૂર્યાંશ શેડગે, વિપરાજ નિગમ, નિશાંત સિંધુ, ગુર્જપનીત સિંહ, યુદ્ધવીર સિંહ, રવિ બિશ્નોઈ, અભિષેક પોરેલ, હર્ષિત સિંહ, હર્ષિત રાણા.

પાટીદાર, ઋતુરાજ, ઈશાન જેવા મોટા નામ ગાયબ

ઈરાની કપને કારણે રજત પાટીદાર, ઋતુરાજ ગાયકવાડ અને ઈશાન કિશન જેવા મોટા નામો ઈન્ડિયા A ની ODI ટીમમાંથી ગાયબ છે. ઈરાની કપ પણ 1 ઓક્ટોબરથી શરૂ થાય છે, અને આ ખેલાડીઓ રેસ્ટ ઓફ ઈન્ડિયા ટીમનો ભાગ છે. રજત પાટીદારને રેસ્ટ ઓફ ઈન્ડિયા ટીમનો કેપ્ટન બનાવવામાં આવ્યો છે, જ્યારે ઋતુરાજ ગાયકવાડ વાઈસ-કેપ્ટન છે.

રેસ્ટ ઓફ ઈન્ડિયા ટીમ

રજત પાટીદાર, અભિમન્યુ ઈશ્વરન, આર્યન જુયલ, ઋતુરાજ ગાયકવાડ (કેપ્ટન), યશ ધુલ, શેખ રશીદ, ઈશાન કિશન, તનુષ કોટિયન, માનવ સુથાર, ગુરનૂર બ્રાર, ખલીલ અહેમદ, આકાશ દીપ, અંશુલ કંબોજ, સારાંશ જૈન

આ પણ વાંચો: હવે ભારત-પાકિસ્તાનના ખેલાડી સાથે રમશે, તેઓ હાથ મિલાવશે અને એકબીજાને ગળે લગાવશે?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો