ટાટા ગ્રુપની મોટી ગિફ્ટ: Trent Ltd ના શેરધારકોને મળશે ફ્રી બોનસ શેર, જાણો શું છે ‘રેકોર્ડ ડેટ’ અને રોકાણકારોને શું થશે ફાયદો

શેરબજારમાં ટાટા ગ્રુપની કંપનીઓ હંમેશા રોકાણકારોનો ભરોસો જીતવામાં મોખરે રહી છે. આ વખતે ટાટા ગ્રુપની રિટેલ ક્ષેત્રની દિગ્ગજ કંપની Trent Ltd એ પોતાના શેરધારકો માટે ખુશખબર આપ્યા છે. કંપનીના બોર્ડ ઓફ ડિરેક્ટર્સે બોનસ શેર આપવાની જાહેરાત કરી છે, જેનાથી નાના રોકાણકારોમાં ભારે ઉત્સાહ જોવા મળી રહ્યો છે.

શું છે બોનસ શેરની ફોર્મ્યુલા?

કંપનીએ 1:2 ના રેશિયોમાં બોનસ શેર આપવાનું નક્કી કર્યું છે. આનો અર્થ એ થયો કે જે રોકાણકારો પાસે કંપનીના 2 શેર હશે, તેમને વધારાનો 1 શેર મફત આપવામાં આવશે. જોકે, આ માટે શેરધારકોની મંજૂરી મેળવવી અનિવાર્ય રહેશે.

રેકોર્ડ ડેટ જાહેર: આ તારીખ નોંધી લેજો

બોનસ શેરનો લાભ કોને મળશે તે નક્કી કરવા માટે કંપનીએ 29 મે 2026 (શુક્રવાર) ને ‘રેકોર્ડ ડેટ’ તરીકે જાહેર કરી છે. આ તારીખ સુધી જે રોકાણકારોના ડિમેટ ખાતામાં કંપનીના શેર હશે, તેઓ જ આ ફ્રી બોનસ શેર મેળવવા માટે પાત્ર ગણાશે.

શેરબજારમાં Trent ના શેરની સ્થિતિ

જાહેરાત વચ્ચે સોમવારે શેરબજારમાં ટ્રેન્ટ લિમિટેડના શેરમાં નજીવો ઘટાડો જોવા મળ્યો હતો. શેર 0.96% ઘટીને રૂ. 4,256 પર બંધ થયો હતો. શેરબજારના નિષ્ણાતો માને છે કે આ ઘટાડો કામચલાઉ નફાબૂખારી હોઈ શકે છે. કંપનીનું માર્કેટ કેપ આશરે રૂ. 1.52 લાખ કરોડ છે, જે તેની મજબૂત સ્થિતિ દર્શાવે છે.

બોનસ શેરથી શું ફાયદો થશે?

• શેરની સંખ્યા વધશે: રોકાણકારોના પોર્ટફોલિયોમાં શેરની સંખ્યામાં વધારો થશે.
• શેર સસ્તો થશે: બોનસ બાદ શેરની કિંમતમાં ઘટાડો થાય છે, જેનાથી નાના રોકાણકારો માટે શેર ખરીદવો સરળ બને છે.
• લિક્વિડિટીમાં વધારો: બજારમાં શેરની સંખ્યા વધવાથી તેમાં ટ્રેડિંગ કરવું વધુ સરળ બને છે.

ટાટા ગ્રુપની આ જાહેરાત બાદ લાંબા ગાળાના રોકાણકારો માટે આ એક સોનેરી તક સાબિત થઈ શકે તેમ છે. જો તમે પણ ટાટાના આ સ્ટોકમાં રસ ધરાવતા હોવ, તો 29 મેની રેકોર્ડ ડેટ ખાસ ધ્યાનમાં રાખવા જેવી છે.

શું તમે પણ તરબૂચની છાલને કચરો સમજી ફેંકી દો છો? થોભો! તેના ફાયદા જાણીને તમે પણ ચોંકી જશો