Solar Car : આ છે ભારતની પ્રથમ સોલાર ઇલેક્ટ્રિક કાર, 50 પૈસામાં દોડશે 1 km !
પૂણે સ્થિત સ્ટાર્ટઅપ કંપનીએ તેની સોલાર પાવરથી ચાલતી ઇલેક્ટ્રિક કારનું અપગ્રેડેડ વર્ઝન રજૂ કરવાની તૈયારી કરી રહી છે. આ સોલાર કારને આવતા મહિને નવી દિલ્હીમાં આયોજિત ભારત મોબિલિટી ગ્લોબલ એક્સ્પો 2025 દરમિયાન રજૂ કરવામાં આવી શકે છે.
કંપનીનો દાવો છે કે આ કાર સિંગલ ચાર્જ પર 250 કિલોમીટર સુધીનું અંતર કાપી શકે છે અને છત પર લગાવવામાં આવેલી સોલાર પેનલની મદદથી આ કાર એક વર્ષમાં 3 હજાર કિલોમીટર સુધી ચાલી શકે છે. આ કાર અલ્ટ્રા ફાસ્ટ ચાર્જિંગને સપોર્ટ કરે છે અને માત્ર 5 મિનિટના ચાર્જમાં 50 કિલોમીટર સુધીની ડ્રાઇવિંગ રેન્જ આપે છે.
આ સોલાર ઈલેક્ટ્રિક કાર માત્ર 5 સેકન્ડમાં 0 થી 40 સુધીની ઝડપ પકડી શકે છે અને આ કારની ટોપ સ્પીડ 70 kmph છે. આ કારની બીજી ખાસ વાત એ છે કે આ કારની રનિંગ કોસ્ટ પણ વધારે નથી, આ કારને એક કિલોમીટર ચલાવવા માટે માત્ર 0.50 પૈસાનો ખર્ચ થાય છે.
હાલમાં કંપનીએ આ સોલાર કારની કિંમત કેટલી હશે તે વિશે કોઈ સત્તાવાર માહિતી શેર કરી નથી અને ન તો આ કારનું અપગ્રેડેડ વર્ઝન ક્યારે લોન્ચ કરવામાં આવશે તે જાહેર કરવામાં આવ્યું છે. પરંતુ એવી અપેક્ષા છે કે આ કારની કિંમત 10 લાખ રૂપિયા (એક્સ-શોરૂમ) હોઈ શકે છે. (Image - cardekho)
