Travel With Tv9 : પ્રજાસત્તાક દિવસે બાળકો સાથે ભારતના 5 ઐતિહાસિક સ્થળોની લો મુલાકાત
26 જાન્યઆરીના દિવસે બાળકો અને યુવાનોએ ભારતના ગૌરવશાળી ઈતિહાસ અને સંસ્કૃતિનો પરિચય કરાવવા માટે ખાસ દિવસ ગણી શકાય છે. ભારતના ભવિષ્ય એટલે કે બાળકોને ભારતના ઈતિહાસથી વાકેફ કરવા માટે 26 જાન્યુઆરી કે તેના આસપાસના દિવસો દરમિયાન કેટલાક ઐતિહાસિક સ્થળોની મુલાકાત કરાવી શકો છો.
નવી દિલ્હીમાં રાજપથ પર પ્રજાસત્તાક દિવસની પરેડનું આયોજન કરવામાં આવે છે. બાળકોને તેનો અનુભવ કરવા માટે અહીં લાવી શકાય છે. આ સમય દરમિયાન ભારતીય સશસ્ત્ર દળોની તાકાત, વિવિધ રાજ્યોના ટેબ્લો અને સાંસ્કૃતિક પ્રદર્શન અહીં પ્રદર્શિત કરવામાં આવે છે. પરેડમાં ભારતીય સેના, વાયુસેના અને નૌકાદળના પરાક્રમો જોઈને બાળકો દેશભક્તિ માટે પ્રેરણા આપી શકો છે.
તમે દિલ્હીમાં ઇન્ડિયા ગેટની મુલાકાત લઈ શકો છો. શહીદોની યાદમાં અહીં એક રાષ્ટ્રીય સ્મારક બનાવવામાં આવ્યું છે. અહીં પહોંચીને બાળકને દેશની આઝાદી માટે પોતાના જીવનનું બલિદાન આપનારા શહીદો વિશે જાણવાની તક મળી શકે છે. ખુલ્લા મેદાનમાં પરિવાર સાથે સમય વિતાવી પણ શકે છે.
તમે 26 જાન્યુઆરીએ તમારા બાળક સાથે રાષ્ટ્રીય યુદ્ધ સ્મારકમાં પણ જઈ શકો છો. આ સ્મારક ભારતીય સૈનિકોના બલિદાનને સમર્પિત છે. બાળકો તેની સુંદર રચના અને પ્રદર્શનો જોઈને ઉત્સાહિત થઈ શકે છે. આ સ્થળે, ભારતીય સેનાના બલિદાન અને ગૌરવશાળી ઇતિહાસ વિશે નજીકથી જાણવાની તક મળે છે. આ બાળકો માટે પ્રેરણાદાયક સ્થળ છે.
પ્રજાસત્તાક દિવસ નિમિત્તે તમે બાળકો સાથે દિલ્હીના લાલ કિલ્લાની મુલાકાત લઈ શકો છો. આ ઉપરાંત તમે કુતુબ મિનાર, જંતર મંતર અને હુમાયુના મકબરા પણ જોઈ શકો છો. આ બધા સ્થળો ઐતિહાસિક મહત્વ ધરાવે છે અને ભારતના સ્વતંત્રતા સંગ્રામની વાર્તાઓથી ભરેલા છે. લાલ કિલ્લા પર યોજાતો લાઇટ એન્ડ સાઉન્ડ શો બાળકોને આકર્ષિત કરશે.
તમે 26 જાન્યુઆરીના રોજ અમૃતસરથી લગભગ 30 કિલોમીટર દૂર અને લાહોર (પાકિસ્તાન)થી 24 કિલોમીટર દૂર આવેલું છે. અટારી બોર્ડરની પણ મુલાકાત લઈ શકો છો.