Buy Share : ડાઉન માર્કેટમાં આ સરકારી બેન્કના શેરમાં પણ ઘટાડો, એક્સપર્ટે કહ્યું: ખરીદો, ભાવ જશે 1000ને પાર
3 જૂન, 2024ના રોજ આ સરકારી બેન્કનો શેર 912.10 પર ગયો હતો. આ શેરની 52 સપ્તાહની ઊંચી સપાટી છે. જો કે, વિશ્લેષકો માને છે કે આ PSU બેન્કનો સ્ટોક વધુ વધવાની ધારણા છે. હાલ સ્ટોકનો ભાવ 810 રૂપિયા છે. બેન્કની અન્ય આવક જૂન ક્વાર્ટરમાં ઘટીને 11,162 કરોડ રૂપિયા થઈ છે જે એક વર્ષ અગાઉના સમાન ક્વાર્ટરમાં રૂ. 12,063 કરોડ હતી. જૂન ક્વાર્ટરમાં બેન્કની થાપણ વૃદ્ધિ આઠ ટકા રહી હતી.
બજારમાં ઘટાડા વચ્ચે, સોમવારે અને 05 ઓગસ્ટના રોજ સપ્તાહના પ્રથમ ટ્રેડિંગ દિવસે, દેશની સૌથી મોટી જાહેર ક્ષેત્રની બેંકના શેર પણ ખરાબ રીતે તૂટી પડ્યા હતા. સોમવારે અને 05 ઓગસ્ટના રોજ બેન્કનો શેર 6 ટકા ઘટીને 800 રૂપિયા થયો હતો.
ટ્રેડિંગ દરમિયાન શેર 831.40 રૂપિયા પર પહોંચ્યો હતો. ટ્રેડિંગના અંતે, શેર 4.34 ટકા ઘટીને 811.10 રૂપિયા થયો હતો. 3 જૂન, 2024ના રોજ, શેર 912.10 રૂપિયા પર પહોચી ગયો હતો. આ શેરની 52 સપ્તાહની ઊંચી સપાટી છે. જો કે, એક્સપર્ટ માને છે કે આ PSU બેંકનો સ્ટોક વધુ વધવાની ધારણા છે.
એમ્કે ગ્લોબલ અનુસાર, SBIના શેર 1,025 રૂપિયા સુધી જઈ શકે છે. આ સાથે બ્રોકરેજે શેર પર બાય કરવાની સલાહ આપી છે. તે જ સમયે, નોમુરા ઈન્ડિયાએ કહ્યું કે SBI તેની ટોચની પસંદગી છે. બ્રોકરેજે 1,030 રૂપિયાનો ટાર્ગેટ આપ્યો છે. પહેલા તેની કિંમત 1000 રૂપિયા હતી. એ જ રીતે પ્રભુદાસ લીલાધરે શેરની લક્ષ્ય કિંમત 910 રૂપિયાથી વધારીને 960 રૂપિયા કરી છે.
અન્ય બ્રોકરેજ યસ સિક્યોરિટીઝે સ્ટોક માટે 1,035 રૂપિયાનો લક્ષ્યાંક રાખ્યો છે અને તેને 'બાય' રેટિંગ આપ્યું છે. ICICI સિક્યોરિટીઝે પણ SBI પરનો ટાર્ગેટ 980 રૂપિયાથી વધારીને 1,000 રૂપિયા કર્યો છે.
ચાલુ નાણાકીય વર્ષના એપ્રિલ-જૂન ક્વાર્ટરમાં SBIનો ચોખ્ખો નફો 4.25 ટકા વધીને 19,325 કરોડ રૂપિયા થયો છે. બેન્કની મુખ્ય વ્યાજ આવક 5.71 ટકા વધીને 41,125 કરોડ રૂપિયા થઈ છે.
બેન્કની અન્ય આવક જૂન ક્વાર્ટરમાં ઘટીને 11,162 કરોડ રૂપિયા થઈ છે જે એક વર્ષ અગાઉના સમાન ક્વાર્ટરમાં રૂ. 12,063 કરોડ હતી. જૂન ક્વાર્ટરમાં બેન્કની થાપણ વૃદ્ધિ આઠ ટકા રહી હતી.
SBIએ જણાવ્યું કે જૂન ક્વાર્ટરમાં તેની કુલ આવક વધીને 1,22,688 કરોડ રૂપિયા થઈ છે, જે ગયા નાણાકીય વર્ષના સમાન ક્વાર્ટરમાં 1,08,039 કરોડ રૂપિયા હતી.
ક્વાર્ટરમાં બેન્કની વ્યાજની આવક વધીને 1,11,526 કરોડ રૂપિયા થઈ છે, જે ગયા નાણાકીય વર્ષના સમાન ક્વાર્ટરમાં 95,975 કરોડ રૂપિયા હતી.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.