રોયલ એનફિલ્ડે લોન્ચ કરી નવી ક્લાસિક 650 બાઇક, શાનદાર એન્જિન જાનદાર લૂક, જાણો કિંમત
ભારતમાં તેની શક્તિશાળી ક્રુઝર બાઇક માટે લોકપ્રિય કંપની રોયલ એનફિલ્ડે દેશમાં વધુ એક નવી બાઇક લોન્ચ કરી છે. આ બાઇકનું નામ રોયલ એનફિલ્ડ ક્લાસિક 650 રાખવામાં આવ્યું છે. આ બાઇકમાં મોટા એન્જિનની સાથે સાથે બીજી ઘણી સુવિધાઓ પણ છે.
ક્લાસિક 650 સુપર મીટીઅર/શોટગન પ્લેટફોર્મ પર બનેલ. તે સમાન સ્ટીલ ટ્યુબ્યુલર સ્પાઇન ફ્રેમ, સબફ્રેમ અને સ્વિંગઆર્મનો ઉપયોગ કરે છે. સસ્પેન્શન માટે, આગળના ભાગમાં 43mm ટેલિસ્કોપિક ફોર્ક સેટઅપ અને પાછળના ભાગમાં ટ્વીન શોક એબ્ઝોર્બર્સ છે. બ્રેકિંગ માટે બંને વ્હીલ્સ પર ડિસ્ક બ્રેક્સ છે. ખાસ વાત એ છે કે તે ડ્યુઅલ-ચેનલ ABS થી સજ્જ છે.
જોકે, બાઇકમાં એલોયને બદલે ફક્ત ચાર-સ્પોક વ્હીલ્સ છે, જે ખરીદદારોને થોડા નિરાશ કરી શકે છે. બાઇકની ફ્યુઅલ ટેન્ક ક્ષમતા ૧૪.૭ લિટર છે. સીટની ઊંચાઈ 800 મીમી છે. ગ્રાઉન્ડ ક્લિયરન્સ ૧૫૪ મીમી છે. તેનું કર્બ વજન 243 કિલો છે, જે તેને અત્યાર સુધીનું સૌથી ભારે રોયલ એનફિલ્ડ બનાવે છે.
ક્લાસિક 650 ની કિંમત વિશે વાત કરીએ તો, તે 3.37 લાખ રૂપિયા (એક્સ-શોરૂમ) થી શરૂ થાય છે. ક્લાસિક 650 4 રંગ વિકલ્પોમાં ઉપલબ્ધ થશે, જે વેલમ રેડ, બ્રન્ટિંગથોર્પ બ્લુ, ટીલ ગ્રીન અને બ્લેક ક્રોમ છે. આજથી બાઇકનું બુકિંગ શરૂ થઈ ગયું છે અને ડિલિવરી ટૂંક સમયમાં શરૂ થશે. બાઇકનું માઇલેજ લગભગ 21.45 kmpl હોઈ શકે છે, જોકે કંપની દ્વારા આ વિશે કંઈ કહેવામાં આવ્યું નથી.
રોયલ એનફિલ્ડ ક્લાસિક 650ના વિવિધ રંગ અનુસાર એક્સ શો રૂમની કિંમત જોઈએ તો, બ્રન્ટિંગથોર્પ બ્લુ અને વલ્લમ રેડ : 3.37 લાખ રૂપિયા છે. ટીલ: 3.41 લાખ રૂપિયા અને બ્લેક ક્રોમ: 3.50 લાખ રૂપિયા છે.
