ત્રિરંગો ફરકાવતા પહેલા જાણી લેજો આ નિયમો, Flag Codeમાં કરવામાં આવ્યા છે કેટલાક સુધારા
TV9 GUJARATI | Edited By: Kunjan Shukal
Jul 27, 2022 | 5:36 PM
New Flag Code: ત્રિરંગો આપણા દેશની શાન છે, આપણું ગૌરવ છે. આ ત્રિરંગાના સન્માન માટે આ દેશનો દરેક વ્યક્તિ પોત પોતાની રીતે યોગદાન આપતો હોય છે. આ ત્રિરંગાને ફરકાવાના નિયમોમાં કેટલાક ફેરફાર કરવામાં આવ્યો છે. ચાલો જાણીએ આ ફેરફાર વિશે.
કેન્દ્ર સરકારે ફ્લેગ કોડમાં ઘણા ફેરફારો કર્યા છે. કેન્દ્ર સરકાર આઝાદીના અમૃત ઉત્સવ અંતર્ગત 13 થી 15 ઓગસ્ટ દરમિયાન 'હર ઘર તિરંગા' કાર્યક્રમ શરૂ કરી રહી છે. જેને ધ્યાનમાં રાખીને ધ્વજ ફરકાવવાના નિયમોમાં ફેરફાર કરવામાં આવ્યો છે.
હવે રાત્રે પણ ધ્વજ ફરકાવી શકાશે. નવા નિયમો અનુસાર, હવે ધ્વજ ફરકાવવા માટે કોઈ સમયનું પ્રતિબંધ નથી. કેન્દ્રીય ગૃહ સચિવ અજય ભલ્લાએ તમામ કેન્દ્રીય મંત્રાલયો અને વિભાગોના સચિવોને પત્ર લખીને નવા ફ્લેગ કોડ વિશે માહિતી આપી છે. અગાઉ માત્ર સૂર્યોદયથી સૂર્યાસ્ત સુધી જ ધ્વજ ફરકાવવાની છૂટ હતી.
અત્યાર સુધી પોલિએસ્ટર કાપડથી બનેલા ધ્વજ પર પ્રતિબંધ હતો. નવા નિયમો હેઠળ હવે મશીનથી બનેલા કોટન, પોલિએસ્ટર, વૂલન અને સિલ્કના રાષ્ટ્રધ્વજ પર પણ રાષ્ટ્રધ્વજ ફરકાવી શકાશે. નવા નિયમો હેઠળ હવે હાથથી બનેલા અને મશીનથી બનેલા ધ્વજ ફરકાવી શકાશે.
ધ્વજ સાથે જોડાયેલા કેટલાક એવા નિયમો પણ છે, જેના વિશે જાગૃત રહેવું જરૂરી છે. ઉદાહરણ તરીકે, ધ્વજ પર કંઈપણ લખવું ગેરકાયદેસર છે. ત્રિરંગાને કોઈપણ વાહનની પાછળ, વિમાનમાં કે જહાજમાં પોતાની મરજીથી લગાવી શકાય નહીં. તેનો ઉપયોગ કોઈપણ સામાન, ઇમારતો વગેરેને આવરી લેવા માટે કરી શકાતો નથી.
જૂની ગાઈડલાઈન મુજબ ત્રિરંગો જમીનને સ્પર્શવો જોઈએ નહીં. આ સિવાય ત્રિરંગાને અન્ય કોઈ ધ્વજ કરતા ઉંચો રાખી શકાય નહીં. ત્રિરંગાનો ઉપયોગ કોઈપણ પ્રકારના શણગાર માટે કરી શકાતો નથી. ત્રિરંગાનું હંમેશા લંબચોરસ જ રાખવો, જેનો ગુણોત્તર 3:2 પર નિશ્ચિત છે. સફેદ પટ્ટીની મધ્યમાં સ્થિત અશોક ચક્રમાં 24 આરા હોવા જરૂરી છે.
Published On - 6:47 pm, Mon, 25 July 22