Battery Saving Tips: ચાર્જ કર્યા બાદ ઝડપથી ઉતરી જાય છે તમારા ફોનની બેટરી? આ ટિપ્સ કરી લો ફોલો
Mar 24, 2025 | 10:29 AM
જો ફોનને સંપૂર્ણ ચાર્જ કર્યા પછી તમારા ફોનની બેટરી ઝડપથી ડિસ્ચાર્જ થાય છે, તો તેની પાછળ ઘણા કારણો છે. આવો અમે તમને જણાવીએ કે કયા કારણોને કારણે ફોનની બેટરી ઝડપથી નીકળી જાય છે તો આટલુ કરી લો
ફોન આપણા જીવનનો એવો હિસ્સો બની ગયો છે કે તેને થોડા સમય માટે પણ દૂર રાખવો ખૂબ જ મુશ્કેલ બની જાય છે. આમ છતાં ફોનની બેટરી ઉતરી જાય એટલે તેને ચાર્જમાં રાખવો પડે છે પણ થોડા સમય પણ આપડે ફોનની દૂર કે ફોન વગર રહી શકતા નથી. પણ જો તમે તમારા સ્માર્ટફોનને ચાર્જ પર લગાવો તો ફોન પણ ચાર્જ થઈ જાય છે, પરંતુ પછી સમસ્યા ત્યારે સર્જાય છે, જ્યારે ફોનની બેટરી થોડી જ વારમાં ઉતરી જાય.
જો ફોનને સંપૂર્ણ ચાર્જ કર્યા પછી તમારા ફોનની બેટરી ઝડપથી ડિસ્ચાર્જ થાય છે, તો તેની પાછળ ઘણા કારણો છે. આવો અમે તમને જણાવીએ કે કયા કારણે ફોનની બેટરી ઝડપથી નીકળી જાય છે અને આ સમસ્યાથી કેવી રીતે છુટકારો મેળવવો અને ફોનની બેટરી વધુ સમય સુધી ચાલે તે માટે કયા ઉપાયો કરી શકાય.
જ્યારે ફોન નવો હોય છે ત્યારે તેની બેટરી કલાકો સુધી ચાલે છે. પણ જેમ જેમ તે જૂનો થાય છે. તેની બેટરી ઝડપથી ડિસ્ચાર્જ થવા લાગે છે. તેની પાછળનું એક કારણ જૂની બેટરી છે. આ સાથે, કેટલીક એપ્સ ફોનના બેકગ્રાઉન્ડમાં ચાલતી રહે છે, જેના કારણે ફોનની બેટરી ઝડપથી ખતમ થઈ જાય છે. જો બ્રાઈટનેસ વધારે હોય અને નોટિફિકેશન ચાલુ હોય તો પણ ફોન ઝડપથી ડિસ્ચાર્જ થઈ જાય છે. ત્યારે તમારા ફોનમાં પણ આ સમસ્યાઓ આવતી હોય તો બસ આ 6 કામ કરી લો.
તમારા ફોનના બેકગ્રાઉન્ડમાં ચાલતી એપને બંધ કરી દો, ઘણી વખત આપડા ફોનમાં બેકગ્રાઉન્ડમાં અમુક એપ્સ ચાલુ રહી જાય છે જે ડેટા અને બેટરી ઝડપથી ઉતારી દે છે આથી તેને બંધ કરવાથી ફોનની બેટરી ઝડપથી નહીં ઉતરે.
જો જરૂરી ન હોય તો મોબાઈલ ડેટા ઓન ન રાખો. ઘણા લોકો આખે આખો દિવસ મોબાઈલ ડેટા ઓન રાખે છે તેના કારણે પણ બેટરી ઝડપથી ઉતરી જાય છે ત્યારે ડેટાની જરુર ના હોય તો ડેટા ઓફ કરી દો.
આ સિવાય લોકેશનનું પણ ઓપ્શન દરેક ફોનમાં છે તેને પણ બંધ કરી શકો છો તે પણ તમારા ફોનની બેટરીનો વધારે વપરાશ કરે છે આથી તેને બંધ કરવાથી બેટરી ઝડપથી નહીંં ઉતરે.
આ સિવાય ફોનનો ઉપયોગ ન કરતી વખતે સ્ક્રીનની બ્રાઈટનેસ ઓછી રાખો, વધારે બ્રાઈટનેસ પણ ઝડપથી બેટરી ઉતારી દે છે
ફોનમાં હાજર એપ્સ અને સોફ્ટવેરને અપડેટ કરતા રહો કારણ કે એપ અને સોફ્ટવેર અપડેટ નહીં હોય તો તે ફોનમાં ડેટા અને બેટરી બન્નેનો વધારે વપરાશ કરશે
જો Wi-Fi નેટવર્ક ઉપલબ્ધ હોય, તો મોબાઇલ ડેટાને બદલે તેનો ઉપયોગ કરી શકો છો તે પણ બેટરી ઝડપથી નહીં ઉતરવા દે.