Gold Price Today: 90 હજારની નજીક પહોચ્યું સોનું ! જાણો આજનો 10 ગ્રામ સોનાનો ભાવ
સોનાના ભાવમાં તાજેતરના જબરદસ્ત વધારા પાછળ ઘણા વૈશ્વિક કારણો છે. તેનું સૌથી મોટું કારણ આંતરરાષ્ટ્રીય બજારમાં સોનાની વધતી માંગ છે. યુએસ મોંઘવારી દરમાં નરમાઈને કારણે રોકાણકારો સોના જેવી સુરક્ષિત સંપત્તિ તરફ ઝુક્યા છે.
આજે 15 માર્ચ શનિવારથી સોનું મોંઘુ થઈ ગયું છે. 10 ગ્રામ સોનાની કિંમતમાં 1000 રૂપિયાનો વધારો થયો છે. દેશના મોટા શહેરોમાં 24 કેરેટ સોનાનો ભાવ 89,900 રૂપિયા અને 22 કેરેટ સોનાનો ભાવ 82,400 રૂપિયાની ઉપર ટ્રેડ થઈ રહ્યો છે. 10 ગ્રામ સોનાની કિંમત ટૂંક સમયમાં 90,000 રૂપિયા સુધી પહોંચી જશે.
15 માર્ચ, 2025ના રોજ દિલ્હીમાં 22 કેરેટ સોનાની કિંમત 82,640 રૂપિયા અને 24 કેરેટ સોનાની કિંમત 89,940 રૂપિયા પ્રતિ 10 ગ્રામ હતી. મુંબઈમાં 22 કેરેટ સોનું 82,310 રૂપિયા અને 24 કેરેટ સોનું 89,790 રૂપિયા પ્રતિ 10 ગ્રામ પર ટ્રેડ થઈ રહ્યું છે. દેશના અન્ય મોટા શહેરોમાં પણ સોનાના ભાવમાં મામૂલી વધઘટ જોવા મળી હતી.
જ્યારે ગુજરાતના અમદાવાદ, સૂરત , રાજકોટ જેવા શહેરોમાં આજે 24 કેરેટ સોનાનો ભાવ 89,840 રુપિયા પ્રતિ 10 ગ્રામ છે જ્યારે 22 કેરેટ સોનાનો ભાવ 82,360ની આસપાસ ટ્રેડ કરી રહ્યો છે.
15 માર્ચ 2025ના રોજ ચાંદીનો ભાવ 1,03,100 રૂપિયા પ્રતિ કિલો હતો. ચાંદીના ભાવમાં પણ ઉછાળો જોવા મળ્યો હતો.
સોનાના ભાવમાં તાજેતરના જબરદસ્ત વધારા પાછળ ઘણા વૈશ્વિક કારણો છે. તેનું સૌથી મોટું કારણ આંતરરાષ્ટ્રીય બજારમાં સોનાની વધતી માંગ છે. યુએસ મોંઘવારી દરમાં નરમાઈને કારણે રોકાણકારો સોના જેવી સુરક્ષિત સંપત્તિ તરફ ઝુક્યા છે. આ સિવાય ડૉલરમાં નબળાઈ, વ્યાજદરમાં ઘટાડો થવાની શક્યતાઓ અને વૈશ્વિક આર્થિક અનિશ્ચિતતાઓ પણ સોનાના ભાવમાં વધારો કરી રહી છે. યુએસ બેરોજગારી ડેટા અને પ્રોડ્યુસર પ્રાઈસ ઈન્ડેક્સ (PPI) અહેવાલો પણ રોકાણકારોની વ્યૂહરચનાઓને પ્રભાવિત કરી રહ્યા છે, સોનાના ભાવને નવી વિક્રમી ઊંચાઈએ ધકેલી રહ્યા છે.
ભારતમાં સોનાના ભાવ ઘણા કારણોસર બદલાતા રહે છે, જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું એ માત્ર રોકાણનું સાધન નથી પરંતુ તે આપણી પરંપરાઓ અને તહેવારોનો પણ એક મહત્વપૂર્ણ ભાગ છે. ખાસ કરીને લગ્ન અને તહેવારોમાં તેની માંગ વધી જાય છે.