IPL 2024: GT vs SRH વચ્ચેની રોમાંચક મેચમાં ગુજરાતની ઘરઆંગણે જીત, મિલરે સિક્સર ફટકારીને અપાવ્યો વિજય
IPL સિઝન 17ની 12મી મેચમાં ગુજરાત ટાઇટન્સે સનરાઇઝર્સ હૈદરાબાદને 7 વિકેટે હરાવ્યું છે. અમદાવાદના નરેન્દ્ર મોદી સ્ટેડિયમમાં રમાયેલી આ મેચમાં હૈદરાબાદના કેપ્ટન પેટ કમિન્સે ટોસ જીતીને પ્રથમ બેટિંગ કરવાનો નિર્ણય કર્યો હતો અને 162 રન બનાવ્યા હતા. જવાબમાં ગુજરાતે 19.1 ઓવરમાં ત્રણ વિકેટ ગુમાવીને લક્ષ્યાંક હાંસલ કરી લીધો હતો.
ગુજરાત ટાઇટન્સ માટે, ઇમ્પેક્ટ પ્લેયર સાઇ સુદર્શને 36 બોલમાં 45 રનનો સર્વોચ્ચ સ્કોર બનાવ્યો, જેમાં 4 ચોગ્ગા અને એક છગ્ગાનો સમાવેશ થાય છે. જ્યારે ડેવિડ મિલરે 27 બોલમાં 44 રનની અણનમ ઇનિંગ રમી હતી. મિલરે પોતાની ઇનિંગમાં ચાર ચોગ્ગા અને બે છગ્ગા ફટકાર્યા હતા. મિલર અને સુદર્શન વચ્ચે ત્રીજી વિકેટ માટે 64 રનની ભાગીદારી થઈ હતી, જેણે સનરાઇઝર્સને મેચમાંથી સંપૂર્ણપણે દૂર કરી દીધું હતું.
ત્રણ મેચમાં ગુજરાતની આ બીજી જીત હતી. સનરાઇઝર્સ હૈદરાબાદની ત્રણ મેચમાં આ બીજી હાર હતી. આ મેચમાં પ્રથમ બેટિંગ કરવા આવેલી હૈદરાબાદની શરૂઆત ખરાબ રહી હતી. મયંક અગ્રવાલ ફરી નિષ્ફળ રહ્યો હતો અને અઝમતુલ્લા ઓમરઝાઈના બોલ પર 17 બોલમાં 16 રન બનાવીને પેવેલિયન પરત ફર્યો હતો.
આ પછી ટ્રેવિસ હેડને નૂર અહેમદના હાથે ક્લીન બોલ્ડ થયો હતો. તે 14 બોલમાં 19 રન બનાવી શક્યો હતો. અભિષેક શર્માને મોહિત શર્માએ શુભમનના હાથે કેચ આઉટ કરાવ્યો હતો.
તેણે પોતાની ઇનિંગમાં બે ચોગ્ગા અને બે છગ્ગા ફટકાર્યા હતા. એડન માર્કરામ 19 બોલમાં 17 રન બનાવીને આઉટ થયો હતો અને હેનરિક ક્લાસેન 13 બોલમાં 24 રન બનાવીને આઉટ થયો હતો. ક્લાસને તેની ઇનિંગમાં એક ફોર અને બે સિક્સર ફટકારી હતી. શાહબાઝ અહેમદે 20 બોલમાં 22 રન અને સમદે 14 બોલમાં 29 રનની ઈનિંગમાં ત્રણ ચોગ્ગા અને એક છગ્ગો ફટકાર્યો હતો.
સુંદર ઈમ્પેક્ટ પ્લેયર તરીકે આવ્યો હતો અને પોતાનું ખાતું ખોલાવી શક્યો નહોતો. ગુજરાત તરફથી મોહિતે ત્રણ વિકેટ ઝડપી હતી. જ્યારે ઓમરઝાઈ, ઉમેશ, રાશિદ અને નૂરને એક-એક વિકેટ મળી હતી.