Monsoon 2024 : 10 રાજ્યમાં આગ ઝરતી ગરમી પડશે, સૌથી છેલ્લે અહીં પહોંચશે ચોમાસુ
દેશના અનેક રાજ્યોમાં હાલ લોકો આગ ઝરતી ગરમીનો સામનો કરી રહ્યા છે, ત્યારે લોકોને હવે આકરી ગરમીમાંથી રાહત મળવાની આશા છે. IMD (હવામાન વિભાગ) એ રાહતના સમાચાર આપ્યા છે. IMD અનુસાર કેરળમાં દક્ષિણ-પશ્ચિમ ચોમાસાનું આગમન 31 મેની આસપાસ થવાની ધારણા છે.
Monsoon 2024 : દેશના અનેક રાજ્યોમાં હાલ લોકો આગ ઝરતી ગરમીનો સામનો કરી રહ્યા છે, ત્યારે લોકોને હવે આકરી ગરમીમાંથી રાહત મળવાની આશા છે. IMD (હવામાન વિભાગ) એ રાહતના સમાચાર આપ્યા છે. IMD અનુસાર કેરળમાં દક્ષિણ-પશ્ચિમ ચોમાસાનું આગમન 31 મેની આસપાસ થવાની ધારણા છે.
આ રાજ્યોમાં ગરમીનું મોજુ પ્રવર્તશે
ચોમાસુ 22 રાજ્યોમાંથી પસાર થશે અને અંતે રાજસ્થાન પહોંચશે. આ સિવાય 10 રાજ્યોમાં પણ હીટવેવની આગાહી કરવામાં આવી છે. હવામાન વિભાગના જણાવ્યા અનુસાર 10 રાજ્યોમાં લગભગ 4 દિવસ સુધી હીટવેવ રહેવાની શક્યતા છે. પંજાબ, હરિયાણા, દિલ્હી, રાજસ્થાન, ગુજરાત, યુપી, એમપી, બિહાર, ઝારખંડ અને બંગાળમાં ગુરુવારથી 4 થી 5 દિવસ સુધી હીટવેવની પ્રબળ સંભાવના છે.
ભારે પવન સાથે અનેક રાજ્યોમાં થશે વરસાદ
હવામાન વિભાગના જણાવ્યા અનુસાર દક્ષિણ-પશ્ચિમ ચોમાસું કેરળમાંથી પ્રવેશ કરશે. આ પછી તે ઉત્તર તરફ આગળ વધે છે. 15 જુલાઈની આસપાસ, ચોમાસું આખા દેશને આવરી લે છે, જેના કારણે લોકોને ભારે પવન, તોફાન અને વરસાદ વગેરે જોવા મળે છે.
હવામાન વિભાગે આપી આ માહિતી
IMDના મહાનિર્દેશક મૃત્યુંજય મહાપાત્રાએ કહ્યું, ચોમાસુ વહેલું નથી; આ સામાન્ય તારીખની નજીક છે. ગયા મહિને જ હવામાન વિભાગે જૂનથી સપ્ટેમ્બર દરમિયાન દક્ષિણ-પશ્ચિમ ચોમાસા દરમિયાન સરેરાશ કરતાં વધુ વરસાદની આગાહી કરી હતી.
#Monsoon may arrive in #Kerala coast on May 31 : MeT predicts #Monsoon2024 pic.twitter.com/DgXsQcmguh
— Tv9 Gujarati (@tv9gujarati) May 16, 2024
સરેરાશ કરતાં વધુ વરસાદની આગાહી કરી
જૂન અને જુલાઇને કૃષિ માટે સૌથી મહત્વપૂર્ણ ચોમાસાના મહિના ગણવામાં આવે છે કારણ કે ખરીફ પાકની મોટાભાગની વાવણી આ સમયગાળા દરમિયાન થાય છે. આ ઉપરાંત હવામાન વિભાગે આ વર્ષે પણ સરેરાશ કરતાં વધુ વરસાદની આગાહી કરી છે તો તે દેશના કૃષિ ક્ષેત્ર માટે ખૂબ જ સારા સમાચાર છે. ગયા વર્ષે એટલે કે 2023માં, અનિયમિત હવામાનને કારણે કૃષિ ક્ષેત્રને અસર થઈ હતી.
