હાફિઝ સઈદને 36 વર્ષ જેલમાં પસાર કરવા પડશે! પાકિસ્તાની કોર્ટે એક કેસમાં વધુ 15 વર્ષની સજા ફટકારી
મુંબઈ આતંકી હુમલાના માસ્ટરમાઈન્ટ અને જમાત-ઉદ-દાવાના પ્રમુખ હાફિઝ સઈદને (Hafiz Saeed) પાકિસ્તાનના વધુ એક આતંકવાદ વિરોધી કેસમાં 15 વર્ષની સજા સંભળાવી છે.
મુંબઈ આતંકી હુમલાના માસ્ટરમાઈન્ટ અને જમાત-ઉદ-દાવાના પ્રમુખ હાફિઝ સઈદને (Hafiz Saeed) પાકિસ્તાનના વધુ એક આતંકવાદ વિરોધી કેસમાં 15 વર્ષની સજા સંભળાવી છે. લાહોરની એન્ટી ટેરેરિઝ્મ કોર્ટે (Anti Terrorism Court) સઈદ પર 2 લાખ પાકિસ્તાની રૂપિયાનો દંડ લગાવ્યો છે. સઈદને પહેલા જ 4 ટેરર ફાઈનાન્સિંગ (Terror Financing) કેસોમાં 21 વર્ષ જેલની સજા સંભળાવવામાં આવી ચૂકી છે.
આ પણ વાંચો: રબારી સમાજના ધર્મગુરૂ બળદેવગીરીજી બાપુ બ્રહ્મલીન થયા, લાંબા સમયથી હતા બીમાર
કોર્ટના એક અધિકારીએ કહ્યું કે જમાત ઉદ દાવાના 5 નેતાઓને સજા સંભળાવી, જેમાં તેમના પ્રમુખ હાફિઝ સઈદ પણ સામેલ હતો. હવે સઈદને લાહોરની કોટ લખપત જેલમાં 5 આતંકવાદી ફાઈનાન્સિંગ કેસમાં 36 વર્ષથી વધારે જેલની સજા ભોગવવી પડશે. સઈદનું જમાત-ઉદ-દાવા, લશ્કર-એ-તોયબા પ્રમુખ સંગઠન છે. જેની મુંબઈ આતંકી હુમલામાં મહત્વની ભૂમિકા હતી. 2008માં થયેલા આ હુમલામાં 166 લોકોએ જીવ ગુમાવ્યા હતા. તેમાં 6 અમેરિકી પણ સામેલ હતા.