ભગવંત માને કર્યો મોટો ખુલાસો કહ્યું- પંજાબમાં ચૂંટણી પૂર્વે નવજોતસિંહ સિદ્ધુને AAP એ મુખ્યપ્રધાન પદની ઓફર કરી હતી
What India Thinks Today (WITT) પાવર કોન્ફરન્સમાં બોલતા પંજાબના મુખ્યમંત્રી ભગવંત માને કહ્યું કે સિદ્ધુની હાલત એક પેકેટમાં રાખેલા સૂટના કાપડ જેવી છે જે લગ્ન પ્રસંગમાં એકબીજાને આપતા રહે છે પરંતુ તેને ક્યારેય પેકેટમાંથી બહાર કાઢવામાં આવતુ નથી. કોંગ્રેસનું નસીબ જુઓ કે તેઓએ જે સૂટનું કાપડ પેકેટમાંથી બહાર કાઢ્યુ છે. હવે કોઈ તેને ના તો સિવડાવી રહ્યું છે અને ના તો તે પાછુ પેકેટમાં જતુ.
What India Thinks Today (WITT) ના પાવર કોન્ફરન્સમાં પંજાબના મુખ્યમંત્રી ભગવંત માને કહ્યું કે, પંજાબમાં વિધાનસભા ચૂંટણી પહેલા નવજોત સિંહ સિદ્ધુને આમ આદમી પાર્ટી દ્વારા મુખ્યમંત્રી પદની ઓફર કરવામાં આવી હતી. તે સમયે સિદ્ધુએ તેને ફગાવી દીધી હતી, તેથી હવે તે AAPમાં પ્રવેશ નહીં કરે.
સિદ્ધુ પર કટાક્ષ કરતા તેમણે કહ્યું કે તેમની પાસે માત્ર એક જ શેર છે, જે તેઓ મોદી, સોનિયા સહિત ના જાણે કેટલાક વિશે કહેતા રહે છે, માણસ બદલાય છે પણ શેર બદલાતો નથી. તેમણે કહ્યું કે પેટ્રોલ પંપ અને તેલના કૂવામાં ફરક છે. તેમણે કહ્યું કે પેટ્રોલ પંપમાં જેટલું પેટ્રોલ છે તેટલું જ બહાર આવશે.
માને કહ્યું, મેડલ જીત્યા પછી તો કોઈ પણ ઈનામ આપી શકે છે, પરંતુ અમે ખેલાડીઓને પહેલા જ 15 લાખ રૂપિયા આપવાનું શરૂ કરી દીધું છે. તેણે કહ્યું કે અમે ખેલાડીઓને એટલા માટે મદદ કરીએ છીએ કે કમસે કમ તેઓ તેમની રમત માટેના જૂતા તો ખરીદી શકે. જેને તે પહેરીને રેસમાં દોડે છે.
ભગવંત માનનો સિદ્ધુ વિશે મોટો ખુલાસો
જો સિદ્ધુ AAPમાં જોડાશે તો શું તમે તેમનું સ્વાગત કરશો? આ સવાલનો જવાબ આપતા ભગવંત માને મોટો ખુલાસો કર્યો છે. તેમણે કહ્યું કે પંજાબમાં વિધાનસભા ચૂંટણી પહેલા AAPએ સિદ્ધુને સીએમ પદની ઓફર કરી હતી, તે સમયે સિદ્ધુએ તેને ફગાવી દીધી હતી, તેથી હવે તેઓ AAPમાં પ્રવેશ કરશે નહીં.
પીળી પાઘડી પહેરવાથી કોઈ ભગતસિંહ નથી બની જતા
વોટ ઈન્ડિયા થિંક્સ ટુડે (WITT)ના પાવર કોન્ફરન્સમાં નવજોત સિંહ સિદ્ધુ પર નિશાન સાધતા ભગવંત માને કહ્યું કે પીળી પાઘડી પહેરવાથી કોઈ ભગત સિંહ નથી બની જતુ. તેણે કહ્યું કે પીળી પાઘડીની અંદર જે માથું અને મગજ હતું તે કોઈને ક્યાંથી મળશે. આપણે શહીદ ભગતસિંહના પગની ધૂળ સમાન પણ નથી. અમે ક્યારેય નથી કહ્યું કે અમે ભગત સિંહ જેવા બની ગયા. હા, આપણે તેમની જેમ ક્રાંતિકારી અને પરિવર્તનકારી વિચારસરણી ધરાવી શકીએ છીએ.