શું વારંવાર રસોડામાં સિંક બ્લોક થઈ જાય છે ? તો જાણી લો કિચન હેક્સ, નહીં થાય બ્લોકેજ
રસોડાના સિંકને બ્લોક કરવું એ ખૂબ જ સામાન્ય સમસ્યા છે. જો તમારું સિંક પણ વારંવાર બ્લોક થઈ જાય છે, તો આજે અમે તમારા માટે કેટલાક સરળ હેક્સ લઈને આવ્યા છીએ, જેની મદદથી બ્લોકેજ તો દૂર થશે જ પરંતુ સિંક ચમકદાર અને દુર્ગંધ મુક્ત પણ રહેશે.
![શું વારંવાર રસોડામાં સિંક બ્લોક થઈ જાય છે ? તો જાણી લો કિચન હેક્સ, નહીં થાય બ્લોકેજ](https://images.tv9gujarati.com/wp-content/uploads/2024/07/Kitchen-Tips-1.jpg?w=1280)
કિચન સિંક બ્લોક થવાની સમસ્યા સામાન્ય છે લગભગ દરેક ઘરમાં બનતી હશે, વાસણો ધાવાતા હોય સિંકમાં કચરો પડતો હોય તે સિંકની પાઇપલાઇનમાં ફસાઇ જતો હોય છે જેને કારણે ઘણી વખત સિંકના પાઇપમાં જામ લાગી જાય છે, અને તેમાંથી પાણી જતું અટલી જાય છે. મોટાભાગના ઘરમાં ક્યારેક ને ક્યારેક તો આ ઘટના બની જ હશે, આજે અમને તમને કેટલાક ઉપાય જણાવાના છીએ જે આવી સ્થિતીમાં તમારા માટે ફાયદાકારક સાબિત થશે.
બેકિંગ સોડા અને વિનેગરથી સાફ કરો
બેકિંગ સોડા અને વિનેગરના મિશ્રણથી થતી એસિડિક પ્રતિક્રિયા ગમે તેવો પાઇપ જામ પમ ખોલવામાં મદદ કરે છે. જો રસોડાની સિંક બ્લોક થઈ ગઈ હોય અને તેની અંદર કચરો જમા થઈ ગયો હોય તો તેને સાફ કરવા માટે બેકિંગ સોડા અને વિનેગર મિક્સ કરીને સિંકના છિદ્રમાં નાખો. થોડા જ સમયમાં પાઇપની અંદર એકઠો થયેલો કચરો ઓગળવા લાગશે. લગભગ 10 મિનિટ પછી, સિંકમાં એક સાથે ઘણું પાણી રેડવું. આ સાથે, ઓગળેલી ગંદકી બહાર નીકળી જશે અને સિંક બ્લોકેજની સમસ્યા દૂર થશે.
વાયર વડે ગંદકી સાફ કરો
જો સિંકમાં દરેક પ્રકારના ક્લીનિંગ પ્રોડક્ટ વાપર્યા પછી પણ સિંક સાફ ન થાય તો તમે સિંક પાઇપમાં જમા થયેલી ગંદકીને સાફ કરવા માટે વાયરનો ઉપયોગ પણ કરી શકો છો. આ માટે, એક સખત મેટલ તાર લો, હવે તેને સિંકના છિદ્ર દ્વારા પાઇપમાં નાખો. હવે પાઈપમાં જમા થયેલી ગંદકીને વાયરને ઉપર અને નીચે ખસેડીને સાફ કરવાનો પ્રયાસ કરો. આમ કરવાથી પાઇપમાં જમા થયેલો કચરો દૂર થશે અને સિંકમાંથી પાણી યોગ્ય રીતે વહેવા લાગશે.
લીંબુ અને ઈનો વડે સાફ કરો
રસોડાના સિંકમાં રહેલી ગંદકીને સાફ કરવા માટે તમે લીંબુ અને ઇનોનો પણ ઉપયોગ કરી શકો છો. એનો પણ એસિડની જેમ કાર્ય કરે છે અને જ્યારે લીંબુ સાથે મિશ્રિત થાય છે, ત્યારે એસિડિક પ્રતિક્રિયા થાય છે, જે ગંદકી સાફ કરે છે. લીંબુ અને ઈનોના મિશ્રણથી સિંકની સફાઈ કરવાથી માત્ર પાઈપોમાં જમા થયેલી ગંદકી જ નહીં પરંતુ સિંકમાં જમા થયેલી ગ્રીસ પણ દૂર થાય છે. જેના કારણે સિંક નવો અને ચમકદાર લાગે છે. સિંકને ઈનો અને લીંબુથી સાફ કરવા માટે સૌપ્રથમ એક બાઉલમાં ઈનો પાવડર નાખો અને પછી તેના પર લીંબુનો રસ નીચોવો. હવે આ મિશ્રણને સિંકમાં નાખો અને સ્ક્રબરની મદદથી સ્ક્રબ કરીને સાફ કરો. તેનાથી સિંક સંપૂર્ણપણે સાફ થઈ જશે.
મીઠું અને લીંબુ સિંકની દુર્ગંધ દૂર કરશે
ઘણી વખત સિંકમાં ખોરાક અટવાઈ જવાને કારણે તેમાંથી એક વિચિત્ર ગંધ આવવા લાગે છે. સિંકમાંથી આવતી આ દુર્ગંધને મીઠું અને લીંબુની મદદથી દૂર કરી શકાય છે. આ સાથે, જો સિંકમાં સહેજ અવરોધ હોય તો તેને પણ દૂર કરી શકાય છે. આ માટે લીંબુના રસને મીઠામાં મિક્સ કરીને સિંકમાં નાખીને આખી રાત રહેવા દો. જો તમે ઈચ્છો તો તેમાં થોડો બેકિંગ સોડા પણ ઉમેરી શકો છો. આ મિશ્રણને આખી રાત સિંકમાં નાખીને સવારે પાણીથી સાફ કરવાથી સિંક સંપૂર્ણપણે સાફ થઈ જશે.