ગુજરાતના પડોશી રાજ્ય રાજસ્થાનના કોટાનો ગેંગસ્ટર, પોતાની ગેંગમાં ગુંડ્ડાઓની ભરતી કરવા માટે અમદાવાદ આવ્યો હતો. પોતાના સાગરીત સાથે અમદાવાદ આવીને કોટાનો ગેંગસ્ટર અમદાવાદના આરોપીઓને પોતાની ગેંગમાં ભરતી કરવા માટે આવ્યો હોવાની માહિતી અમદાવાદ ક્રાઈમ બ્રાંચને મળી હતી. જેના આધારે અમદાવાદ ક્રાઈમ બ્રાચે, કોટાના કુખ્યાત ગેંગસ્ટર અમન ઉર્ફે બચ્ચા અહેસાનઅલી સૈયદ અને તેના સાગરીત સુહેબ ઉર્ફે ચિન્ટુ ફિરોઝખાન પઠાણને પકડવા માટે જૂહાપુરામાં દરોડા પાડ્યા હતા.

જો કે અમદાવાદ ક્રાઈમ બ્રાંચ તેનુ પગેરુ દબાવીને પકડવા આવી રહી હોવાની ગંધ આવી જતા, ગેંગસ્ટર અમન ઉર્ફે બચ્ચા અહેસાનઅલી સૈયદ અને સુહેબ ઉર્ફે ચિન્ટુ ફિરોઝખાન પઠાણ બન્ને જૂહાપુરાથી ભાગી છૂટ્યા હતા. જો કે, ક્રાઈમ બ્રાન્ચે અમદાવાદ શહેરના વિવિધ નાકાઓ દબાવી રાખ્યા હોવાથી, કોટાનો ગેગસ્ટર અમન ઉર્ફે બચ્ચા અહેસાનઅલી સૈયદ અને તેના સાગરીત સુહેબ ઉર્ફે ચિન્ટુ ફિરોઝખાન પઠાણ ઈસ્કોન નજીકથી ઝડપાઈ ગયા હતા.

ક્રાઈમ બ્રાન્ચે બન્નેથી કરેલ પુછપરછમાં એવો ચોકાવનારા ખુલાસો થયો હતો કે, અમન ઉર્ફે બચ્ચા અહેસાનઅલી સૈયદ જેલમાં હતો તેથી તેની ગેંગનો સફાયો થઈ ગયો છે. નવેસરથી ગેંગ ઉભી કરવા કેટલાક આરોપીઓની જરૂર હતી આથી તે અમદાવાદમાં તેના સંપર્કમાં રહેલા આરોપીઓને પોતાની ગેંગમાં સામેલ કરવા માંગતો હતો. આ માટે તે અમદાવાદ આવ્યો હતો.

ગેંગસ્ટર અમન ઉર્ફે બચ્ચા ખંડણી, ટાર્ગેટ શૂટિંગ, હથિયાર તેમજ ડ્રગ્સ સહિતની ગુનાહિત પ્રવૃત્તિઓંમાં સંડોવાયેલો છે. અમન બચ્ચા છેલ્લા છ વર્ષથી જેલની સજા ભોગવી રહ્યો હતો અને એક મહિના પહેલા જ જેલમાંથી બહાર આવ્યો હતો. ગેંગસ્ટર અમન તેની ગેંગના સભ્યો અને જૂના સંપર્કોને ફરીથી સક્રિય કરવા માટે તે અલગ અલગ રાજ્યોમાં જઈ રહ્યો હતો તેમજ તેની ગેંગ માટે નવા સભ્યોની ભરતી કરી રહ્યો હતો.

સુરતમાં અજીબોગરીબ ચોરી, 48 ઘરને નિશાન બનાવ્યા, બે મોટા થેલા ભરી બૂટ-ચપ્પલની કરી ચોરી, જુઓ Video