મૌલાના મુફ્તી સલમાન અઝહરીની મોડાસા પોલીસે કરી ધરપકડ, આજે કોર્ટમાં રજૂ કરાશે

મોડાસા શહેર પોલીસે ગત શુક્રવારે મૌલાના મુફ્તી સલમાન અઝહરી વિરુદ્ધ ભડકાઉ ભાષણના મામલે ગુનો નોંધ્યો હતો. મોડાસા પોલીસ મૌલાનાના કચ્છમાં રિમાન્ડ પૂર્ણ થવા સાથે જ તેની પર નજર રાખવાની શરુઆત કરી હતી. મૌલાનાની ધરપકડ કરવા માટે થઈને કાર્યવાહી હાથ ધરી કબ્જો મોડાસા પોલીસે મેળવીને મોડાસા લાવવામાં આવ્યો છે. ભચાઉમાં રિમાન્ડ પૂર્ણ થતા રવિવારે કચ્છ પોલીસે મૌલાનાને કોર્ટમાં રજૂ કરવામાં આવ્યો હતો. જ્યાં મૌલાનાને જામીન પર મુક્ત કરવામાં આવ્યો હતો.

આ પણ વાંચો: અંબાજી ગબ્બર પરિક્રમા મહોત્સવનો આજથી પ્રારંભ, પાંચ દિવસ ભક્તોની ભીડ ઉમટશે

આ દરમિયાન અરવલ્લી પોલીસ પણ મૌલાનાને મોડાસા કેસની તપાસ માટે ધરપકડ કરવા માટે કાર્યવાહી હાથ ધરી હતી. જેને લઇ હવે પોલીસે મૌલાનાનો કબ્જો મેળવી લઈને હવે મોડાસા લાવવામાં આવ્યો છે. જ્યાં મોડાસા કોર્ટમાં મૌલાનાને રજૂ કરવામાં આવશે અને રિમાન્ડ માંગવાની કાર્યવાહી હાથ ધરાશે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો