29 જુલાઈના મહત્વના સમાચાર : અમેરિકી રાષ્ટ્રપતિ ટ્રમ્પ ફોડી શકે છે ટેરિફ બોમ્બ, ભારત, ચીન સહિત 5 દેશો પર લાદી શકે છે 100 ટકા ટેરિફ

ટ્રમ્પનો ટેરિફ બોમ્બ! ભારત સહિત 5 દેશો પર 100% શુલ્કની તલવાર

અમેરિકાના રાષ્ટ્રપતિ ડોનાલ્ડ ટ્રમ્પ ભારત, ચીન સહિત પાંચ દેશો પર 100 ટકા સુધીનો ટેરિફ લાદી શકે તેવી ચર્ચાએ વૈશ્વિક વેપાર જગતમાં ચિંતા વધારી છે. અમેરિકી સેનેટે રશિયા પર કડક પ્રતિબંધો લાદતું બિલ પસાર કર્યા બાદ રશિયા સાથે વેપાર સંબંધ ધરાવતા દેશો પર પણ તેની અસર થઈ શકે છે. ભારત, ચીન, સ્લોવાકિયા, હંગેરી અને અઝરબૈજાન જેવા દેશોને આ નિર્ણયથી વેપાર અને નિકાસ ક્ષેત્રે ફટકો પડી શકે તેવી શક્યતા વ્યક્ત કરવામાં આવી રહી છે.

ધોલેરા એક્સપ્રેસ રોડ પર કારમાં આગ, મહિલા અને બાળકનું કરૂણ મોત

અમદાવાદ જિલ્લાના ધોલેરા એક્સપ્રેસ રોડ પર ચાંદની હોટલ નજીક થયેલા અકસ્માત બાદ કારમાં ભીષણ આગ લાગી હતી. આ દુર્ઘટનામાં કારમાં સવાર મહિલા અને બાળકનું દાઝી જતાં કરૂણ મોત નીપજ્યું હતું. જ્યારે કારમાં સવાર અન્ય બે લોકોને સમયસર બહાર કાઢી લેવાતા તેમનો આબાદ બચાવ થયો હતો. ઘટનાની જાણ થતાં પોલીસ અને ફાયર વિભાગની ટીમો સ્થળ પર પહોંચી આગ પર કાબૂ મેળવી વધુ તપાસ હાથ ધરી છે.

જાપાનમાં 7.1ની તીવ્રતાના ભૂકંપથી ભારે તબાહી, 13ના મોત

સરકાર આજે લોકસભામાં પેપર લીક બિલ પર જવાબ આપશે

સરકાર આજે લોકસભામાં પેપર લીક બિલ પર જવાબ આપશે. સરકાર વતી કોણ જવાબ આપશે તે હજુ સ્પષ્ટ નથી.