25 નવેમ્બરના મહત્વના સમાચાર : અમદાવાદના આંબલી બોપલ રોડ પર અકસ્માત સર્જનાર રિપલ પંચાલ પોલીસ સંકજામાં આવ્યો

• પરીક્ષામાં મશીનરીનો દૂર ઉપયોગ અટકાવવા મોટો નિર્ણય
• ગુજરાત જાહેર સેવા આયોગ ઉમેદવારો પાસે ભરાવશે સંમતિ પત્રક
• GPSCની આગામી તમામ પરીક્ષામાં સંમતિ પત્રક ભરવું ફરજીયાત
• સંમતિ પત્રક ભરનાર ઉમેદવાર જ મળશે કોલ લેટર
• GPSCના ચેરમેન હસમુખ પટેલે કરી જાહેરાત
• GPSC દ્વારા પરીક્ષા ન આપનાર ઉમેદવાર માટે નથી રખાઈ દંડની રકમ

• બાંગ્લાદેશ: હિન્દુઓ પર સતત વધી રહ્યા છે અત્યાચાર
• બાંગ્લાદેશમાં ISKCONના ચિન્મય પ્રભુની ધરપકડ
• ચટગાંવ પુંડરીક ધામના અધ્યક્ષ છે ચિન્મય કૃષ્ણન દાસ પ્રભુ
• ઢાકા પોલીસની જાસૂસી સંસ્થાના અધિકારીઓ દ્વારા ધરપકડ
• હિન્દુઓ પર થતાં અત્યાચાર વિરુદ્ધ અવાજ ઉઠાવતા હતા ચિન્મય પ્રભુ
• ગત અઠવાડિયે હિન્દુઓની વિશાળ રેલીને કર્યું હતું સંબોધન

• સુરત: નર્સિંગનો અભ્યાસ કરાવતી મા કામલ સંસ્થા આવી વિવાદમાં
• સુરત પોલીસ કમિશનર કચેરી ખાતે રજૂઆત કરવા પહોંચી વિદ્યાર્થીનીઓ
• સંસ્થા નર્સિંગનો અભ્યાસ કરાવે છે સુરતમાં અને પરિક્ષા અપાવાય છે બેંગલુરુમાં
• વિદ્યાર્થીનીઓના ઓરીજનલ ડોક્યુમેન્ટ અને ફી પરત આપવા માંગ
• આવી કોઈ સંસ્થાોને માન્યતા ન અપાતી હોવાનો દાવો
• મા કામલ સંસ્થાની સુરત, વ્યારા અને રાજપીપળામાં છે ઈન્સ્ટિટ્યુટ
• રાજપીપળાની ઇન્સ્ટિટ્યૂટને ગુજરાત સરકારની નથી મળી માન્યતા
• નર્સિંગના કોર્સની ત્રણ વર્ષની ફી અઢીથી ત્રણ લાખ રૂપિયા લેવાય છે
• વિદ્યાર્થીનીઓ પાસેથી મા કામલ સંસ્થાએ કરાવ્યા છે MoU
• બેંગલુરુંમાં પરિક્ષા આપીને આવેલા વિદ્યાર્થીઓ થાય છે ફેલ
• એડમિશન કેન્સલ કરાવાય તો ત્રણ વર્ષની ફી ભરવા મજબૂર કરાતા હોવાનો દાવો

• રાજકોટઃ ક્રિકેટર ચેતેશ્વર પુજારાના સાળા પર દુષ્કર્મનો આરોપ
• સાળા જીત પાબારી વિરુદ્ધ પૂર્વ મંગેતરનો દુષ્કર્મનો આક્ષેપ
• સગાઈ બાદ અનેકવાર શારીરિક સંબંધો બાંધ્યાનો દાવો
• જીતે કારણ વિના સગાઇ તોડી અન્ય યુવતી સાથે લગ્ન કર્યાઃ પૂર્વ મંગેતર
• “જીત ચેતેશ્વર પુજારાનો સાળો હોવાથી પોલીસ નથી લેતી ફરિયાદ”
• “ચેતેશ્વર પુજારાએ પણ મારા પરિવારજનોને ધાક ધમકી આપી”

• ભરૂચ: ગેરકાયદે રેતી ખનન સામે સાંસદ મનસુખ વસાવાએ ઠાલવ્યો રોષ
• ભરૂચ, નર્મદા, વડોદરા જિલ્લામાં ગેરકાયદે રેતી ખનન સામે સાંસદનો આક્રોશ
• સોશિયલ મીડિયામાં પોસ્ટ કરી તંત્રની કામગીરી સામે ઉઠાવ્યા સવાલ
• તંત્રની મીલીભગતથી રેત માફિયા બેરોકટોક ખનન કરતાં હોવાનો આક્ષેપ
• અધિકારીઓ ભૂ માફિયાઓને પકડવાને બદલે ભગાડી મૂકે છે: મનસુખ વસાવા
• “ખાણ-ખનીજ વિભાગના અધિકારીઓને ભૂ માફિયા લાખો રૂપિયા હપ્તા આપે છે.”
• ત્રણ જિલ્લાના કલેક્ટર સામે મનસુખ વસાવાના સીધા આક્ષેપ
• સમગ્ર મામલે તપાસ માટે રાજ્ય લેવલની ટીમ બનાવવા CMને કરશે રજૂઆત

ગુજરાત રાજ્ય પ્રાથમિક શિક્ષક સંઘ દ્વારા સન્માન કાર્યક્રમનું આયોજન કરવાામાં આવ્યું હતું. આ કાર્યક્રમમાં રાજ્ય સરકારના ચાર મંત્રીનું સન્માન કરવામાં આવ્યું. વર્ષ 2005 પહેલા ભરતી થયેલા શિક્ષકોને રાજ્ય સરકાર દ્વારા OPS સહિત અન્ય ભથ્થાનો લાભ આપ્યો તે બદલ શિક્ષક સંઘે આભાર માન્યો. શિક્ષક સંઘના હોદ્દેદારોએ રાજ્યના આરોગ્ય મંત્રી ઋષિકેશ પટેલ, મંત્રી જગદીશ વિશ્વકર્મા, રાજ્યના શિક્ષણ પ્રધાન પ્રફુલ પાનસેરિયા અને કુબેર ડિંડોરનું સન્માન કર્યું. આ ચારેય મંત્રીની કમિટી સમક્ષ સંઘે રજૂઆત કરી હતી. ઉલ્લેખનીય છે કે જૂની પેન્શન યોજના ફરી લાગુ કરવા ઘણા સમયથી શિક્ષકો દ્વારા માંગણી કરવામાં આવી રહી હતી. જે બાદ રાજ્ય સરકારની કેબિનેટ બેઠકમાં નિર્ણય લેવાયો કે વર્ષ 2005 પહેલાં સરકારી નોકરીએ લાગેલા કર્મચારીઓને જૂની પેન્શન યોજનાનો લાભ અપાશે.

આણંદઃ ખંભાત પાલિકાના 8 કાઉન્સિલરોએ રાજીનામા આપ્યા છે. ખંભાત નગરપાલિકાના ભાજપના ઉપપ્રમુખ સહિત 8 કાઉન્સિલરએ રાજીનામા આપતા ખળભળાટ મચ્યો છે. પ્રમુખ દ્વારા કોઈ પણ પ્રકારની જાણ કર્યા વગર બિલો ચૂકવી દેતા મામલો ગરમાયો. પાલિકામાં ફરી એક વાર આંતરિક જૂથવાદ સામે આવ્યું. સત્તાપક્ષના 22 સભ્યમાંથી 8 સભ્યોએ રાજીનામાં આપ્યા.

જૂનાગઢ: ગિરનાર અંબાજી મંદિરની ગાદીના વિવાદ મામલે ભવનાથ મંદિરના મહંત હરિગીરી બાપુ જૂનાગઢ પહોંચ્યા છે. ઘણાં સમયથી હરિગીરી બાપુ ઉત્તર પ્રદેશના પ્રયાગરાજમાં હતા. સમગ્ર વિવાદ પર હરિગીરી બાપુની પ્રથમ પ્રતિક્રિયા સામે આવી છે. ભૂતનાથ મંદિરના મહંત મહેશગીરીના તમામ આરોપને પાયાવિહોણા ગણાવ્યા છે. મહેશગીરી બાપુએ હરિગીરી બાપુ પર નાણાંકીય લેતી-દેતીના આરોપ લગાવ્યા હતા.

ગાંધીનગરઃ પાટણ મેડિકલ કોલેજ રેગિંગ મામલે ગાંધીનગર સુધી રજૂઆત કરવામાં આવી છે. મૃતક વિદ્યાર્થી અનિલ મીથાણિયાના પરિજનો ગાંધીનગર પહોંચ્યા છે. ગૃહ પ્રધાન રાજ્ય પ્રધાન હર્ષ સંઘવીને રજૂઆત કરી. રેગિંગ કરનાર સામે કડક પગલાની માગ કરી. પોલીસની કાર્યવાહીથી પરિવારજનોએ સંતોષ વ્યકત કર્યો. પાંચ લોકો સામે કડક કાર્યવાહી કરવાની પરિવાજનોની માગ કરી છે.

રાજકોટ: જસદણ સેવા સદને E-KYC કરાવવા માટે લોકોને હાલાકી પડી રહી છે. સર્વર ડાઉન હોવાના કારણે લોકો હેરાન-પરેશાન છે. આધાર અને E-KYC માટે વહેલી સવારથી લાંબી કતારો લાગી છે.
સર્વરના ધાંધિયાથી E-KYC માટે લોકોને મુશ્કેલી પડી રહી છે. વહેલી સવારથી જ લોકો લાઈનમાં ઊભા રહેવા મજબૂર છે. સર્વરની સમસ્યાનો તાત્કાલિક ઉકેલ લાવવા લોકોની માગ છે. છેલ્લા 5 દિવસથી KYC કરવા માટે લોકો ધક્કા ખાઈ રહ્યા છે.

વડોદરા: પાદરા-જંબુસર હાઈવે પર ખેડૂતોનો વિરોધ જોવા મળી રહ્યો છે. હાઇવે ફોર લેન કામગીરીમાં ખેડૂતો  વિરોધ નોંધાવી રહ્યા છે. ખેડૂતો એકઠા થઈ રોડની કામગીરી અટકાવી. R એન્ડBના અધિકારીઓ અને ખેડૂતો વચ્ચે વિવાદ. ખેડૂતને નોટીસ અને વળતર ન આપી હોવાનો આરોપ છે.

ભરૂચ: અંકલેશ્વર GIDCમાં હિટ એન્ડ રનમાં એકનું મોત થયુ છે. કેડિલા કંપની નજીક અજાણ્યા વાહને રાહદારીને અડફેટે લીધો. અજાણ્યા વાહનની અડફેટે રાહદારીનું મોત નીપજ્યું છે. GIDC પોલીસે તપાસ શરૂ કરી છે.

પાકિસ્તાન: શિયા અને સુન્ની જૂથ વચ્ચે  21 નવેમ્બરથી શરૂ થયેલી હિંસામાં 150 જેટલા લોકોનાં મોત થયા છે. ગઇકાલે ભડકેલી હિેસામાં પણ 21 લોકોનાં મોત થયા છે.  ખૈબર પખ્તૂનખ્વા પ્રાંતના કુર્રમ જિલ્લામાં આ ઘટના બની હતી. શિયા સમુદાયનાં કાફલા પર સુન્ની સમુદાયના ટોળાએ હુમલો કર્યો હતો. હિંસા બાદ બંને જૂથનાં લોકોની બેઠક મળી. મૃતકોનાં મૃતદેહ લઇ જવા અને અંતિમવિધિ માટે યુદ્ધવિરામ જાહેર કરાયું.

અમદાવાદઃ વધતા ગુનાઓને કાબુમાં લેવા ટાસ્ક ફોર્સની રચના કરવામાં આવી છે. ટાસ્ક ફોર્સમાં 13 અધિકારીનો સમાવેશ કરવામાં આવ્યો છે. દર 15 દિવસે ટાસ્ક ફોર્સની કામગીરી અંગે ચર્ચા કરવામાં આવશે. વધતી ગુનાખોરી અટકાવવા ટેક્નોલોજીનો વધુ ઉપયોગ કરવામાં આવશે. દરેક પોલીસકર્મીને સુરક્ષા એપનો ઉપયોગ કરવાની સૂચના અપાઈ. નિર્ભયા પ્રોજેક્ટ અંતર્ગત  અનેક એપ બનાવવામાં આવી છે. શી ટીમને પણ સિનિયર સિટીઝનના રેગ્યુલર સંપર્કમાં રહેવા સૂચના અપાઈ.

સાબરકાંઠાઃ હિંમતનગરમાં હાથમતી કેનાલ પર પાલિકાએ ડિમોલિશન કર્યું. વર્ષોથી કેનાલ પર કરાયેલા દબાણ દૂર કરાશે. 69 જેટલા કાચા મકાનો દૂર કરવા પાલિકા તંત્ર પહોંચ્યું. પાલિકા તંત્ર દ્વારા પોલીસ બંદોબસ્ત સાથે ડિમોલિશન કરવામાં આવ્યુ. નોટિસ આપ્યા બાદ દબાણ દૂર ન કરતા ડિમોલિશનની કામગીરી હાથ ધરાઈ. શહેરમાં કેનાલ ફ્રન્ટના વિકાસનો બીજો તબક્કો શરૂ કરવા દબાણ દૂર કરાયા. કેનાલ ફ્રન્ટના વિકાસ દ્વારા શહેરની સુંદરતામાં વધારો કરાશે.

ઉત્તર પ્રદેશઃ સંભલમાં હિંસામાં પાંચ લોકોના મોત થયા છે. મસ્જિદના સરવે બાદ થયેલી હિંસા પછી તંગ સ્થિતિ યથાવત્ છે. એક ડિસેમ્બર સુધી બહારની વ્યક્તિના પ્રવેશ પર રોક છે. નેતાઓ અને સામાજિક સંગઠનના પ્રવેશ પર પણ પ્રતિબંધ લગાવાયો. સમગ્ર વિસ્તારમાં ઈન્ટરનેટ સેવા બંધ. ડ્રોન કેમેરાની મદદથી ચાંપતી નજર રાખવામાં આવી રહી છે. આખી રાત છાપેમારી કરી 21 શખ્સોની ધરપકડ કરવામાં આવી છે.

વડોદરા: નેશનલ હાઇવે-48 પર ટોલમાં વધારો થયો છે. કરજણ-ભરથાણા ટોલ પ્લાઝનાં દરમાં વધારો. કાર માટેનો દર રૂ.105થી વધીને  રૂ.155 કરાયો. મીની બસ માટેનો દર રૂ. 180થી વધારી  રૂ.270 કરાયો. બસ અને ટ્રક માટેનો ટોલ રૂ.360થી વધીને રૂ.540 કરાયો.