23 સપ્ટેમ્બરના મહત્વના સમાચાર : ગુજરાતની રિયા સિંઘાના શિરે મિસ યુનિવર્સ ઈન્ડિયાનો તાજ

કચ્છમાં ફરી ભૂકંપનો આંચકો નોંધાયો છે. રાપરથી 12 કિમી દૂર  તેનું કેન્દ્રબિંદુ હોવાનું સામે આવ્યુ છે. રિક્ટર સ્કેલ પર ભૂકંપની તીવ્રતા  3.3 ની નોંધાઇ છે. આજે સવારે 10.05 મિનિટે ભૂકંપ અનુભવાયો હતો.

અમદાવાદ કોંગ્રેસના એક વોટ્સએપ ગ્રુપમાં અશ્લીલતા છલકાઈ છે. કોંગ્રેસના ચાંદખેડાના વોટ્સએપ ગ્રુપમાં અશ્લીલ ફોટો પોસ્ટ થયા છે. આધેડ કાર્યકરે ફોટો પોસ્ટ કરતા મહિલા કાર્યકરો શરમમાં મુકાઇ. ચાંદખેડા બૂથ ટીમ અને સંગઠનના ગ્રુપમાં ફોટો શેર થયા હતા. અશ્લીલ ફોટો ડિલેટ કરી કાર્યકરને ગ્રુપમાંથી રિમૂવ કરવામાં આવ્યો છે. જો કે  આધેડનો મોબાઇલ હેક થયાનો હોદ્દેદારોનો દાવો છે.

રાજકોટ: મારવાડી કોલેજમાં વિધાર્થીનીઓ વચ્ચે બબાલ થઇ. એક વિધાર્થીનીએ રૂમમેટનો વીડિયો ઉતારતા બબાલ થઈ. રૂમમેટનો નહાતો વીડિયો ઉતાર્યો હોવાની શંકાએ એક યુવતીને માર મરાયો.  વિદ્યાર્થીનીઓ વચ્ચે બબાલનો વીડિયો વાયરલ થયો. હોબાળો થતાં પોલીસ ઘટનાસ્થળે પહોંચી હતી.

રાજકોટ: ભાજપ બક્ષી પંચ મોરચાના પ્રમુખનું દારૂના કેસમાં નામ ખુલ્યું. શહેરના વોર્ડ નં-૧૪ના ભાજપ બક્ષી પંચના પ્રમુખનું નામ ખુલતા ચકચાર મચી છે. દારૂના કેસમાં જયદીપ દેવડાનું નામ સામે આવ્યું છે. ગોપાલ નગર-9માં ભક્તિનગર પોલીસે બાતમી આધારે રેડ પાડી હતી. રેડ દરમિયાન પોલીસે પ્રિયાંક લોખીલ, મિત દેવડા નામના શખ્સોને ઝડપ્યા હતા. 54 બોટલ દારૂ અને 24 ટીન બિયર મળી આવ્યા હતા.

મહેસાણા: ખેરાલુ સતલાસણા હાઈવે પર અકસ્માત સર્જાયો છે. અરઠી કાદરપુર વચ્ચે અકસ્માતમાં પોલીસકર્મીનું મોત થયુ છે. અજાણ્યા વાહન ચાલકે બાઈકને ટક્કર મારતાં અકસ્માત સર્જાયો.. બાઈક સવાર પોલીસકર્મી સાથે તેમના પત્ની હતા. બંનેને ખેરાલુ સિવિલ હોસ્પિટલ ખાતે ખસેડવામાં આવ્યા હતા. વધુ સારવાર અર્થે વડનગર સિવિલ ખસેડાયા હતા. ફરજ પરના તબીબે પોલીસકર્મીને મૃત જાહેર કર્યો હતો.

અમદાવાદઃ બાકરોલમાં ઓનર કિલિંગનો કેસ છે. અમદાવાદ ગ્રામ્ય કોર્ટે આરોપીઓનાં રિમાન્ડ મંજૂર કર્યા છે. 4 આરોપીના 8 દિવસના રિમાન્ડ પર છે. પરિવારજનોએ જ યુવતીની હત્યા કરી હતી. પિતા અને પિતરાઈ ભાઈ સહિત ચાર આરોપી રિમાન્ડ પર છે. તપાસ દરમિયાન અન્ય આરોપીઓના નામ ખૂલી શકે છે.

વડા પ્રધાન નરેન્દ્ર મોદીએ કુવૈતના ક્રાઉન પ્રિન્સ શેખ સબાહ ખાલિદ અલ-હમદ અલ-સબાહ અલ-સબાહ સાથે ન્યુયોર્ક, યુએસએમાં દ્વિપક્ષીય બેઠક યોજી હતી.