22 ઓગસ્ટના મહત્વના સમાચાર : મહેસાણામાં દારૂના દૂષણ સામે પોલીસની કડક ઝૂંબેશ, ડ્રોનની મદદથી દારૂના અડ્ડાઓ પર પોલીસે પાડ્યા દરોડા
આજે 21 ઓગસ્ટને શનિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
ભાવનગર દારૂકાંડની તપાસનો રેલો સિહોર સુધી પહોંચ્યો
ભાવનગરના દારૂકાંડની તપાસમાં હવે સિહોર તાલુકા સુધી પોલીસ કાર્યવાહી પહોંચી છે. સિહોર પોલીસે પ્રવીણ જાદવ અને અશ્વિન જાદવ નામના બે શખ્સોની ધરપકડ કરી છે. પ્રાથમિક પૂછપરછમાં બંનેએ વરતેજના હરદીપ મોરી પાસેથી રોયલ સ્ટેગ દારૂની 54 બોટલ ખરીદી હોવાનું સામે આવ્યું છે. દારૂકાંડ સર્જાયા બાદ બંને આરોપીઓએ સર અને સાગવાડીના ડુંગર નજીક દારૂનો નાશ કર્યો હોવાનું પણ તપાસમાં બહાર આવ્યું છે. પોલીસે બંનેની ધરપકડ કરી વધુ પૂછપરછ હાથ ધરી છે.
-
ન્યૂયોર્કમાં ભારે વાવાઝોડા બાદ ધોધમાર વરસાદ
અમેરિકાના ન્યૂયોર્કમાં ભારે વાવાઝોડા બાદ ધોધમાર વરસાદ વરસતા અનેક વિસ્તારોમાં જળબંબાકારની સ્થિતિ સર્જાઈ છે. ભારે વરસાદને કારણે રસ્તાઓ પર નદીની જેમ પાણી વહેતા જોવા મળ્યું હતું. એમ્પાયર સ્ટેટના કેટલાક વિસ્તારો પાણીમાં ગરકાવ થયા છે, જ્યારે લોંગ આઇલેન્ડમાં 2.87 ઈંચ વરસાદ ખાબકતા પૂર જેવી સ્થિતિ સર્જાઈ છે. ક્વીન્સ અને બ્રુકલિનના અનેક રસ્તાઓ પર પાણી ભરાઈ જતા વાહનચાલકોને ભારે મુશ્કેલીનો સામનો કરવો પડી રહ્યો છે.
-
-
હિંમતનગરમાં કેનેડાના વર્ક વિઝાના નામે કરોડોની છેતરપિંડી
સાબરકાંઠાના હિંમતનગરમાં કેનેડાના વર્ક વિઝા અપાવવાના નામે કરોડોની છેતરપિંડીનો મામલો સામે આવ્યો છે. આરોપી પ્રીતિ વ્યાસે રાજ્યના અનેક લોકોને કેનેડાના વર્ક વિઝા અપાવવાની લાલચ આપી પીડિતો પાસેથી રૂ.25-25 લાખ જેટલી રકમ ઉઘરાવી હોવાનું સામે આવ્યું છે. છેતરપિંડી બાદ આરોપી છેલ્લા દોઢ મહિનાથી ફરાર છે. સમગ્ર મામલે છેતરપિંડીનો ભોગ બનેલા પીડિતોએ SPને રજૂઆત કરી આરોપી પ્રીતિ વ્યાસની તાત્કાલિક ધરપકડ કરવાની માગ સાથે આવેદનપત્ર પાઠવ્યું છે.
-
મહેસાણામાં ડ્રોનની મદદથી દારૂના અડ્ડાઓ પર દરોડા
મહેસાણામાં દારૂના દૂષણને ડામવા પોલીસે કડક ઝુંબેશ હાથ ધરી છે. પોલીસ દ્વારા ડ્રોનની મદદથી દારૂના અડ્ડાઓ પર નજર રાખી દરોડા પાડવામાં આવ્યા હતા. છેલ્લા 24 કલાક દરમિયાન પોલીસે દારૂ સંબંધિત કુલ 13 કેસ નોંધી કાર્યવાહી કરી છે.
આજે 22ઓગસ્ટને શનિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Aug 22,2026 7:36 AM
