વડોદરામાં સીલ વાગી છતાં રેસ્ટોરન્ટ્સ ધમધમતી થઈ, અધિકારીઓ બેખબર, આરોગ્ય વિભાગની પોલ ખોલતો TV9 નો વિશેષ રિપોર્ટ

વડોદરામાં આરોગ્ય વિભાગ દ્વારા રેસ્ટોરન્ટ્સને અપાતી નોટિસ અને કાર્યવાહીની અસરકારકતા પર ગંભીર સવાલો ઊભા થયા છે. TV9 ગુજરાતી દ્વારા કરવામાં આવેલા રિયાલિટી ચેકમાં ચોંકાવનારી હકીકતો સામે આવી છે. અનેક રેસ્ટોરન્ટ્સમાં ગંદકીનું સામ્રાજ્ય યથાવત જોવા મળ્યું છે, જ્યાં ખુલ્લામાં ખાદ્યસામગ્રી અને અનાજમાં જીવાતો પણ જોવા મળી હતી.

એક મુખ્ય ઘટસ્ફોટ એ થયો છે કે, આરોગ્ય વિભાગ દ્વારા બંધ કરાયેલી કેટલીક રેસ્ટોરન્ટ્સ પરવાનગી વિના જ ફરીથી કાર્યરત થઈ ગઈ છે. આરોગ્ય અધિકારીની ગેરહાજરીમાં રેસ્ટોરન્ટ્સ ખુલી જવા અને અધિકારી દ્વારા માત્ર ફોટા મંગાવીને કાર્યવાહી પૂર્ણ થયાનો સંતોષ માનવામાં આવતો હોવાના આક્ષેપો પણ થયા છે.

લાઈવ વેફર સેન્ટર જેવી જગ્યાઓ પર પણ બહાર ગંદકી અને ખુલ્લામાં કેળા રાખવામાં આવ્યા હોવાનું સામે આવ્યું છે. આ સ્થિતિ વડોદરામાં ફૂડ સેફ્ટીના નિયમોના પાલન અને નાગરિકોના સ્વાસ્થ્ય સુરક્ષા અંગે ચિંતાજનક પ્રશ્નો ઊભા કરે છે. આરોગ્ય વિભાગની કામગીરી પર પણ શંકાના વાદળો છવાયા છે.

Junagadh Breaking : દામોદર કુંડ પાસે મગર દેખાતા દહેશત ! શ્રદ્ધાળુઓને સાવચેત રહેવા કરાઈ અપીલ