Trending Video: મેટ્રોમાં ચારેય બાજુ સાપ જેવા જીવો, અચાનક ફ્લોર પર સરકવા લાગ્યા આ ખતરનાક જંતુઓ

સોશિયલ મીડિયા પર અવારનવાર મેટ્રોને લગતા અનેક અજીબોગરીબ અને હેરાન કરી દે તેવા વીડિયો વાયરલ થતા રહે છે. તાજેતરમાં ચીનની મેટ્રો ટ્રેનમાંથી જે દ્રશ્ય સામે આવ્યું છે, તેને જોઈને તમારી આંખો ખુલ્લીને ખુલ્લી રહી જશે.

ખાસ વાત એ છે કે, જેણે પણ આ દ્રશ્ય જોયું તેને એક ક્ષણ માટે પોતાની આંખો પર વિશ્વાસ કરવો મુશ્કેલ થઈ રહ્યો હતો. હવે જોવા જેવું એ છે કે, આ વિડિયો લોકો વચ્ચે છવાયેલો છે અને યુઝર્સ તેને જોઈને આશ્ચર્યચકિત થઈ ગયા છે.

ડઝનબંધ ઈલ માછલીઓ સરકી

વાયરલ થઈ રહેલા આ વીડિયોમાં જોઈ શકાય છે કે, એક મેટ્રો કોચની અંદર ફ્લોર (તળિયા) પર ડઝનબંધ ઈલ માછલીઓ સરકી રહી છે. આ માછલીઓ દેખાવમાં બિલકુલ પાતળા સાપ જેવી લાગે છે.

વાસ્તવમાં, મેટ્રોમાં મુસાફરી કરી રહેલા એક વૃદ્ધ મુસાફરની ડોલમાં આ માછલીઓ રાખવામાં આવી હતી, જે અચાનક ઢાંકણું ખુલવા કે ડોલ ઊંધી પડી જવાના કારણે આખા કોચના ફ્લોર પર ફેલાઈ ગઈ.

View this post on Instagram

A post shared by Mubashir Mehmood (@global_news55)

સામાન્ય રીતે આવી સ્થિતિમાં મેટ્રો કોચમાં બૂમાબૂમ મચી શકતી હતી અને નાસભાગનો માહોલ સર્જાઈ શકતો હતો. એવામાં ચીની મુસાફરોએ સંયમની સાથે સાથે માનવતાનું ઉદાહરણ પણ પૂરું પાડ્યું.

ડર્યા વગર અનેક પેસેન્જર્સ તરત જ આગળ આવ્યા અને તે ચીકણી, હાથમાંથી સરકી જતી ઈલ માછલીઓને પોતાના ખુલ્લા હાથોથી પકડી-પકડીને ફરીથી વૃદ્ધની ડોલમાં મૂકવા લાગ્યા.

મેટ્રોમાં દેખાયું અનોખું દ્રશ્ય

વીડિયો જોઈને એક ક્ષણ માટે તમે પણ ચોક્કસ ગભરાઈ ગયા હશો. ઘણા લોકો તો તેને સાપ જ સમજી રહ્યા હશે. વીડિયોમાં સ્પષ્ટ દેખાઈ રહ્યું છે કે, યુવાનો અને વૃદ્ધો બંને ભેગા મળીને એક-એક કરીને ફ્લોર પર સરકી રહેલી તમામ માછલીઓને સુરક્ષિત ડોલમાં ભરી રહ્યા છે. જોતજોતામાં આ વીડિયો સોશિયલ મીડિયાના અલગ-અલગ પ્લેટફોર્મ્સ પર ઝડપથી વાયરલ થઈ ગયો.

કેટલાક લોકો મુસાફરોના આ શાંત અને મદદરૂપ વલણના ભારે વખાણ કરી રહ્યા છે. ઘણા લોકોનું માનવું છે કે, મુસાફરો આ દ્રશ્યથી પેનિક (ગભરાઈ) થઈ શકતા હતા, ત્યાં આવી સમજદારી જોવી એ ખરેખર પ્રશંસાને લાયક છે.

Trending Video : અમૂલનું નકલી દહીં તો નથી ખાઈ રહ્યા ને તમે? વાયરલ વીડિયો બાદ મચ્યો હોબાળો