21 માર્ચના મહત્વના સમાચાર : અમેરિકી રાષ્ટ્રપતિ ડોનાલ્ડ ટ્રમ્પ નાટો દેશો પર ભડક્યા, ઇરાક યુદ્ધમાં સાથ ન આપવા બદલ વ્યક્ત કરી નારાજગી

વધુ બે ભારતીય ગેસ ટેન્કર હોર્મુઝની ખાડી પાર કરશે

LPGની અછત વચ્ચે એક રાહતરૂપ સમાચાર સામે આવ્યા છે. મીડિયા રિપોર્ટ મુજબ, વધુ બે ભારતીય ગેસ ટેન્કર—પાઈન ગેસ અને જગ વસંત—જલ્દી જ Strait of Hormuz પાર કરવા તૈયાર છે. આ બંને ટેન્કર શારજાહ નજીકથી રવાના થવાના છે, જેમાં પાઈન ગેસને Indian Oil Corporation દ્વારા અને જગ વસંતને Bharat Petroleum Corporation Limited દ્વારા ભાડે લેવામાં આવ્યા છે. મરીન ટ્રાફિક શિપિંગ ડેટાના આધારે કરવામાં આવેલા આ દાવાઓ વચ્ચે એ પણ સામે આવ્યું છે કે હાલ ભારતના આશરે 22 જહાજો હોર્મુઝની ખાડી વિસ્તારમાં અટવાયેલા છે. આ પરિસ્થિતિને ધ્યાનમાં રાખીને કેન્દ્ર સરકાર દ્વારા આ જહાજોને સુરક્ષિત રીતે પરત લાવવા માટે સતત પ્રયાસો હાથ ધરવામાં આવી રહ્યા છે, જેનાથી LPG સપ્લાયમાં સુધારો થવાની આશા વ્યક્ત કરવામાં આવી રહી છે.

સુરત : પ્રદીપ ગુરુના પાખંડ અંગે વધુ એક ખુલાસો

અમેરિકી રાષ્ટ્રપતિ ડોનાલ્ડ ટ્રમ્પ નાટો દેશો પર ભડક્યા

ડોનાલ્ડ ટ્રમ્પે નાટો સહયોગી દેશોને આડેહાથ લેતા કહ્યું કે તેઓ ન્યૂક્લિયર તાકાત ધરાવતા ઈરાનને રોકવાની લડાઈમાં સામેલ થવા માગતા નહોતા. હવે જ્યારે આ લડાઈ સૈન્ય રીતે જીતી લેવામાં આવી છે, ત્યારે તેઓ તેલના ઊંચા ભાવની ફરિયાદ કરી રહ્યા છે. ટ્રમ્પે હોર્મુઝ સ્ટ્રેટનો ઉલ્લેખ કરતા કહ્યું કે તેને ખુલ્લી રાખવા માટે સૈન્ય મદદ આપવી સરળ છે, પરંતુ સહયોગી દેશો તેમાં પણ પાછળ હટી રહ્યા છે. આ એક ખૂબ જ સરળ સૈન્ય પગલું છે, જેમાં જોખમ ઘણું ઓછું છે, પરંતુ તેઓ મદદ કરવા માગતા નથી. તેઓ કાયર છે, અને અમે આ યાદ રાખીશું.