07 એપ્રિલના મહત્વના સમાચાર : યુદ્ધ વચ્ચે વધુ બે ભારતીય જહાજ આવશે ભારત, LPG ટેન્કર ગ્રીન આશા અને ગ્રીન સાનવી આવશે ભારત
આજે 07 એપ્રિલને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
આજે અને આવતીકાલે 21 રાજ્યોમાં વરસાદ અને કરા પડવાની આગાહી
વેસ્ટર્ન ડિસ્ટર્બન્સના પ્રભાવને કારણે દેશભરમાં હવામાનમાં બદલાવ જોવા મળી રહ્યો છે. આજે અને આવતીકાલે કુલ 21 રાજ્યોમાં વરસાદ અને કરા પડવાની આગાહી કરવામાં આવી છે. ગુજરાતમાં ખાસ કરીને ઉત્તર અને મધ્ય વિસ્તારોમાં હળવો વરસાદ પડી શકે છે, જ્યારે કચ્છ અને સૌરાષ્ટ્રમાં પણ કમોસમી વરસાદની શક્યતા છે. આ અસર જમ્મુ-કશ્મીર, હિમાચલ પ્રદેશ અને ઉત્તરાખંડ સહિત મેદાની રાજ્યોમાં પણ જોવા મળશે. હવામાન વિભાગ મુજબ 10 એપ્રિલ સુધી વિવિધ રાજ્યોમાં વરસાદી માહોલ રહી શકે છે, જ્યારે 11 એપ્રિલ પછી મુખ્યત્વે પર્વતીય વિસ્તારોમાં જ વરસાદ ચાલુ રહેવાની સંભાવના છે.
-
LPG ટેન્કર ગ્રીન આશા અને ગ્રીન સાનવી આવશે ભારત
યુદ્ધની પરિસ્થિતિ વચ્ચે ભારત માટે વધુ બે મહત્વપૂર્ણ જહાજો આવવાના છે. LPG ટેન્કર ગ્રીન આશા અને ગ્રીન સાનવી ટૂંક સમયમાં ભારત પહોંચશે, જે ઊર્જા પુરવઠાને મજબૂત બનાવશે. સાથે જ ત્રીજું જહાજ જગ વિક્રમ પણ જલ્દી દેશમાં આવી શકે છે. અત્યાર સુધીમાં કુલ 6 ભારતીય ટેન્કરો સુરક્ષિત રીતે ભારત આવી ચૂક્યા છે, જે દેશ માટે રાહતરૂપ છે.
-
-
આજે કેરળ, આસામ અને પુડુચેરીમાં ચૂંટણી પ્રચારનો છેલ્લો દિવસ
આજે કેરળ, આસામ અને પુડુચેરીમાં ચૂંટણી પ્રચારનો છેલ્લો દિવસ છે. ત્રણેય પ્રદેશોમાં 9 એપ્રિલે એક જ તબક્કામાં મતદાન થવાનું છે
-
બાંગ્લાદેશના વિદેશ મંત્રી આજે ભારતની મુલાકાતે આવશે
બાંગ્લાદેશના નવા વિદેશ મંત્રી ખલીલુર રહેમાન આજે ભારતની મુલાકાતે આવશે. ખલીલુર રહેમાન ભારતીય વિદેશ મંત્રી એસ. જયશંકર અને NSA અજિત ડોભાલ સાથે મુલાકાત કરશે. સરકારની રચના પછી તારિક સરકારના મંત્રી દ્વારા ભારતની આ પહેલી સત્તાવાર મુલાકાત છે.
આજે 07 એપ્રિલને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Apr 07,2026 7:20 AM
