02 નવેમ્બરના મહત્વના સમાચાર : દેશના અનેક રાજ્યમાં આજે વરસાદનું એલર્ટ, વાવાઝોડાને કારણે દક્ષિણ ભારતમાં વરસી શકે છે ધોધમાર વરસાદ
આજે 02 નવેમ્બરને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમદાવાદના વીંછિયા ગામે પિતાએ 10 વર્ષના પુત્રની કરી હત્યા, પિતાની ધરપકડ
અમદાવાદના વીંછિયા ગામે કાળજું કંપાવી દેનારી ઘટના સામે આવી છે, જ્યાં એક પિતાએ જ પોતાના 10 વર્ષના માસૂમ પુત્રની નિર્મમ હત્યા કરી નાખી છે. મળતી માહિતી મુજબ, પિતા નરેશે પહેલા પોતાના પુત્રને ઘરની બહાર ઊંચકીને પછાડ્યો હતો. ત્યારબાદ લાકડી વડે હુમલો કરીને પુત્રને મોતને ઘાટ ઉતાર્યો હતો. આ ઘટનાને પગલે સમગ્ર વિસ્તારમાં ચકચાર મચી ગઈ છે. બનાવની જાણ થતાં પોલીસે કાર્યવાહી હાથ ધરી હત્યારા પિતા નરેશની ધરપકડ કરી છે. પોલીસે હત્યામાં ઉપયોગમાં લેવાયેલી લાકડી પણ જપ્ત કરી છે અને સમગ્ર મામલે વધુ તપાસ હાથ ધરી છે.
-
અમેરિકાઃ ફ્લોરિડામાં બિઝનેસ જેટ ક્રેશની ઘટના
અમેરિકાના ફ્લોરિડામાં બિઝનેસ જેટ ક્રેશની ઘટના સામે આી રહી છે. આ દુર્ઘટનામાં પ્લેનમાં સવાર તમામ 9 લોકોના મોત નિપજ્યા છે. આપને જણાવી દઇએ કે હવામાં અનિયંત્રિત થયેલું પ્લેન તીવ્ર ઝડપથી જમીન પર પટકાયું હતું.. જમીન પર પટકાયા બાદ જોરદાર બ્લાસ્ટ થયો હતો અને પ્લેનમાં સવાર તમામ લોકોના રામ રમી ગયા હતા. પ્રાપ્ત વિગતો અનુસાર પ્લેને ટેક્સાસના ઓસ્ટિન-બર્ગસ્ટ્રોમ આંતરરાષ્ટ્રીય વિમાન મથકેથી ઉડાન ભરી હતી અને બહામાસ જઇ રહ્યું હતું.
-
-
આંધ્રપ્રદેશના દક્ષિણ કિનારે ત્રાટકે તેવી શક્યતા
અર્નબ વાવાઝોડા બાદ હવે ‘મુરાસુ’ વાવાઝોડાનું સંકટ તોળાઈ રહ્યું છે. હવામાનની આગાહી મુજબ, 2 નવેમ્બરના રોજ આ વાવાઝોડું આંધ્રપ્રદેશના દક્ષિણ કિનારે ત્રાટકે તેવી શક્યતા છે. દરિયામાં અંદાજે 20 કિમી પ્રતિ કલાકની ઝડપે આગળ વધી રહેલું મુરાસુ વાવાઝોડું 100 કિમીથી વધુની ઝડપે લેન્ડફોલ કરી શકે છે. વાવાઝોડું તીવ્ર બનતાં ચેન્નાઈ સહિત આંધ્રપ્રદેશના વિસ્તારોમાં એલર્ટ જાહેર કરવામાં આવ્યું છે. તેની અસરને પગલે આંધ્રપ્રદેશમાં ભારેથી અતિભારે વરસાદ પડવાની શક્યતા છે. ચેન્નાઈમાં તકેદારીના ભાગરૂપે શાળા-કોલેજોમાં રજા જાહેર કરવામાં આવી છે. ભારે વરસાદને કારણે કેટલાક વિસ્તારોમાં પાણી ભરાવા અને પૂરની સ્થિતિ સર્જાવાની પણ આશંકા વ્યક્ત કરવામાં આવી છે.
આજે 02 નવેમ્બરને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Nov 02,2026 7:40 AM
