02 ઓગસ્ટના મહત્વના સમાચાર : મોરબીમાં ભારે વરસાદથી પૂરની સ્થિતિ, ઈગોરાળાના ખેતરમાં ફસાયેલાને મોડી રાત્રે બહાર કાઢ્યા
Gujarat Live Updates આજ 02 ઓગસ્ટના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
LIVE NEWS & UPDATES
-
મોરબીમાં ભારે વરસાદથી પૂરની સ્થિતિ, ઈગોરાળાના ખેતરમાં ફસાયેલાને મોડી રાત્રે બહાર કાઢ્યા
મોરબીમાં પડેલા ભારે વરસાદને પગલે, જિલ્લામાં કેટલાક સ્થળોએ પૂર જેવી સ્થિતિ સર્જાઈ હતી. મોરબીમાં હળવદ તાલુકાના ઈંગોરાળા ગામે પાણી ફરી વળ્યા હતા. ઈંગોરાળાના ખેતરમાં પાણી વચ્ચે 3 બાળકો સહિત કૂલ 7 વ્યક્તિઓ ફસાઈ ગઈ હતી. ઘટનાની જાણ થતા જ એનડીઆરએફ, એસડીઆરએફે જિલ્લાના વહિવટી તંત્ર અને પોલીસ સાથે સંકલન કરીને મોડી રાત્રે રેસ્ક્યુ કર્યું હતું.
-
પૂરના પાણી ફરી વળતા વડોદરાના ડભોઇના બે ગામ હજુ પણ સંપર્ક વિહોણા
વડોદરામાં ડભોઇના બે ગામ હુજ પણ સંપર્ક વિહોણા છે. ગઈકાલના પાણી હજુ ઉતર્યા નથી. દેવ ડેમ અને ઢાઢર નદીના પૂરના પાણીની અસર ગામમાં જોવા મળી છે. વાયાદપુર અને કડધરા ગામને જોડતા મુખ્ય માર્ગ ઉપર નદી અને ડેમના પાણી ફરી વળતા રસ્તો તદ્દન બંધ થઈ ગયો છે. વાયાદપુર અને કડધરા વચ્ચેનો વાહનવ્યવહાર સંપૂર્ણપણે ખોરવાઈ ગયો છે. ડભોઇ તાલુકામાં રસ્તાની સમસ્યાને કારણે બે ગામોનો સંપર્ક તૂટી ગયો છે.
-
આજે 02 ઓગસ્ટને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Aug 02,2026 7:15 AM
