ગુજરાતમાં કોરોના બ્લાસ્ટ, કોરોના નવા 407 કેસ નોંધાયા, એક્ટિવ કેસ 1741 થયા

ગુજરાતમાં(Gujarat)  કોરોનામાં(Corona)  કેસમાં સતત વધારો થયો છે. જેમાં  22 જુનના રોજ  કોરોનાના  નવા 407 કેસ નોંધાયા છે. જ્યારે રાજ્યમાં કોરોનાના એક્ટિવ કેસ 1741 થયા છે.જેમાં સૌથી વધુ કેસ 207 અમદાવાદમાં(Ahmedabad)  નોંધાયા છે. આ ઉપરાંત સુરતમાં 45, વડોદરામાં 39, રાજકોટમાં 17, સુરત જિલ્લામાં 12, ભાવનગરમાં 11, ગાંધીનગર 10, વલસાડ 08, ભરૂચ 07, જામનગર 07, આણંદ 06, ગાંધીનગર 06, સાબરકાંઠા 05, બનાસકાંઠા 04, કચ્છ 04, મહેસાણા 04, અમદાવાદ જિલ્લામાં 03, રાજકોટ જિલ્લામાં 03, જામનગર જિલ્લામાં 02, નવસારીમાં 02, વડોદરા જિલ્લામાં 02, અમરેલીમાં 01 અને પાટણમાં 01 કેસ નોંધાયો છે.

ગુજરાતના 21 જુનના રોજ  કોરોનાના નવા 226 કેસ નોંધાયા હતા. જયારે  21 જુનના રોજ કોરોનાના  407 કેસ નોંધાયા છે. જે ગઇકાલે નોંધાયેલા કેસ કરતાં બમણા છે. જેના લીધે રાજ્ય સરકારની ચિંતા પણ વધારો થયો છે. આ તરફ રાજ્યના આરોગ્ય પ્રધાન પણ કોરોના  પોઝિટિવ આવ્યા છે. તેમજ રાજ્યના અનેક જિલ્લાઓમાં કોરોનાના કેસોમાં ઝડપી વધારો થઈ રહ્યો છે. જેમાં અમદાવાદ શહેર ફરી એક વાર કોરોનાનું એપીસેન્ટર બની રહ્યું છે. જેના પગલે હાઇકોર્ટ દ્વારા અત્યારથી જ કોરોનાના વધતાં કેસના પગલે સાવચેતી શરૂ કરી છે. તેમજ  લોકોના પ્રવેશ પર પ્રતિબંધ મૂક્યો છે. તેમજ શાળાઓમાં પણ બાળકો માટે માસ્ક ફરજિયાત કરવા પણ જણાવ્યું છે.

ગુજરાતમાં કોરોનાના વધતા કેસને લઈ હાઈકોર્ટે ચિંતા વ્યક્ત કરી  છે.  ગુજરાત હાઈકોર્ટના ચીફ જસ્ટિસે કહ્યું કે કોર્ટ રૂમમાં લોકોનો જમાવડો ટાળવો જોઈએ. કોર્ટ રૂમમાં વકીલ, ફરિયાદી કે આરોપી સિવાયના લોકોએ હાજર રહેવાની જરૂર જ નથી. ગુજરાત સરકાર કોરોના નિયમોનો પાલન કરાવે છે  ત્યારે લોકોએ પણ વધારે સાવચેતી રાખવાની જરૂર છે.

આ ઉપરાંત સુરતમાં અત્યાર સુધી શાંત પડેલો કોરોનાના કેસો ફરીથી વધવા લાગ્યા છે. હાલમાં જે રીતે રોજે રોજે કોરોનાના કેસોમાંવધારો થઇ રહયો છે તેના પરથી ચોથી લહેરનો અંદાજો લગાવવામાં આવી રહ્યો છે. એટલું જ નહીં વર્તમાન પરિસ્થિતિ એટલે કે કોરોના સંક્ર્મણ પીકઅપ મોડમાં આવી જતા નવી સિવિલ હોસ્પિટલ તંત્ર હરકતમાં આવી ગયું છે. કોરોના સંદર્ભે નવી સિવિલ ખાતે સમીક્ષા બેઠક યોજવામાં આવી હતી. ત્યાર બાદથી જે તૈયારીઓ શરૂ કરવા આવી છે તે એ મુજબ છે કે નવી સિવિલ હોસ્પિટલમાં આવેલ કોવિડ હોસ્પિટલમાં ફરીથી વોર્ડ,ઓપીડી અને સારવારના સાધનો સહીત જરૂરી વ્યવસ્થાઓ સાથે એક્ટિવ કરી દેવામાં આવી છે.