Ahmedabad: માતાએ જ પોતાના દિકરાને ઉતાર્યો મોતને ઘાટ, હત્યા પાછળનું કારણ જાણીને તમે પણ ચોંકી જશો !
અમદાવાદના (Ahmedabad) જુહાપુરા વિસ્તારમાં 36 વર્ષે યુવકની તેની જ માતા, બહેન અને ભાઈએ હત્યા કરી હોવાની ઘટના બની છે. જેમાં વેજલપુર પોલીસે આરોપીઓ સામે હત્યાનો ગુનો નોંધી ત્રણેયની ધરપકડ કરી છે.
Ahmedabad News: વેજલપુર વિસ્તારમાં (Vejalpur) એક અજીબ કિસ્સો સામે આવ્યો. જેમાં એક ભાઈની તેના ભાઈ-બહેન અને માતાએ હત્યા કરી નાખી. જે ગુનામાં વેજલપુર પોલીસે (Police) હત્યારા ભાઈ, બહેન અને માતાની ધરપકડ કરી લીધી છે. ત્રણેય આરોપીઓમાં ભાઈ મહંમદસાન શેખ, ખાતુનબીબી શેખ માતા અને રેશમા બાનુ પઠાણ બહેન. આ ત્રણેયએ ભેગા મળીને 36 વર્ષીય ઈર્શાદ નામના ભાઈની હત્યાની અંજામ આપ્યો છે. જે હત્યાના કેસમાં (Murder Case) પકડાયેલા આરોપીમાં મૃતકનો સગો ભાઈ અને બહેન અને ખુદ માતા છે.
ત્રણ દિવસ પહેલા મૃતક ઈર્શાદે (Irshad Pathan) પોતાની મોટી બહેન રેશમાંના ઘરે જઈ તકરાર કરી ઘરના અને વાહનોના કાચ તોડી નાખી બહેનની દીકરીના માથામાં પથ્થર પણ માર્યો હતો. જે મામલે મૃતક સામે તેના જ બનેવી ફરિયાદ નોંધાવી હતી. તેની વચ્ચે 3 જૂનના રોજ સાંજના સમયે આ ઝઘડાના સમાધાન માટે તમામ પરિવારજનો એકઠા થયા હતા. જોકે તે સમયે અચાનક જ ઈર્શાદ ઉશ્કેરાઈ જતા તેણે બહેન અને માતા અને ભાઈ પર છરીથી હુમલો કર્યો હતો. જેથી તેની માતા બહેન દ્વારા તેને પકડી લઈ તેની પાસેની છરીથી તેના ગળા પર ઘા મારી દેતા ઘટનાસ્થળે જ તેનું મોત નીપજ્યું હતુ.
આરોપીઓને પણ સારવાર માટે હોસ્પિટલમાં ખસેડવામાં આવ્યા
ઈર્શાદના ગળામાં ચપ્પુના ઘા માર્યા બાદ તેના ભાઈ મોહમ્મદસાન શેખે તેની બહેનને ફોન કરીને આ સમગ્ર ઘટના અંગે જાણ કરી હતી. આ ઘટનામાં ઝપાઝપીમાં આરોપીઓને પણ ઇજાઓ થતાં સારવાર માટે હોસ્પિટલમાં ખસેડવામાં આવ્યા હતા. જોકે મૃતક ઇર્ષાદનું સારવાર દરમિયાન મોત નીપજતા હત્યાના ગુનાની ફરિયાદ તેની મોટી બહેન નાજનીને વેજલપુર પોલીસ મથકે નોંધાવી હતી. જે ગુનામાં પોલીસે મૃતકની માતા તેના ભાઈ અને બહેનની ધરપકડ કરી છે.
પોલીસની પ્રાથમિક તપાસમાં સામે આવ્યું કે ઈર્શાદ શાહના લગ્ન ન થયા હોવાથી અવાર નવાર તે માતા અને બહેન સાથે લગ્ન (Wedding) બાબતે ઝઘડો કરતો હતો અને તે જ બાબતને લઈને પરિવારમાં ઘણા સમયથી તકરાર ચાલતી હતી. મહત્વનું છે કે, આ ગુનામાં મૃત્યુ પામેલા ઈર્શાદ શેખ સામે અગાઉ ચેન સ્નેચિંગ જેવા ગંભીર પ્રકારના ગુનાઓ નોંધાયેલા હોવાનું પણ સામે આવ્યું છે, ત્યારે આ ઘટના સંદર્ભે સામ સામે ફરિયાદ દાખલ થતા વેજલપુર પોલીસે ગુનાની હકીકત સુધી પહોંચવા આગળની કાર્યવાહી હાથ ધરી છે.
Latest News Updates
