ગુજ. યુનિ. વિદેશી વિદ્યાર્થી પર હુમલા કેસમાં વિદેશ વિભાગે કહ્યું, સરકાર આરોપી સામે કડક કાર્યવાહી કરી રહી છે
ગુજરાત યુનિવર્સિટીના હોસ્ટેલ કેમ્પસમાં ગઈકાલે શનિવારે રાત્રે નમાઝ અદા કરવાના મુદ્દે સ્થાનિક અને વિદેશી વિદ્યાર્થીઓ વચ્ચે થયેલી જૂથ અથડામણ પર વિદેશ મંત્રાલયે પ્રતિક્રિયા આપી છે. વિદેશ મંત્રાલયના પ્રવક્તા રણધીર જયસ્વાલે એક નિવેદન જાહેર કરીને કહ્યું છે કે, રાજ્ય સરકાર ગુનેગારો સામે કડક કાર્યવાહી કરી રહી છે.
ગુજરાત યુનિવર્સિટીના હોસ્ટેલ કેમ્પસમાં ગઈકાલે શનિવારે રાત્રે નમાઝ અદા કરવાના મુદ્દે સ્થાનિક અને વિદેશી વિદ્યાર્થીઓ વચ્ચે થયેલી જૂથ અથડામણ પર વિદેશ મંત્રાલયે પ્રતિક્રિયા આપી છે. વિદેશ મંત્રાલયના પ્રવક્તા રણધીર જયસ્વાલે એક નિવેદન જાહેર કરીને કહ્યું છે કે, રાજ્ય સરકાર ગુનેગારો સામે કડક કાર્યવાહી કરી રહી છે.
An incidence of violence took place at Gujarat University in Ahmedabad yesterday. State government is taking strict action against the perpetrators.
Two foreign students were injured in the clash. One of them has been discharged from hospital after receiving medical attention.…
— Randhir Jaiswal (@MEAIndia) March 17, 2024
ગઈકાલ શનિવારે રાત્રે ગુજરાત યુનિવર્સિટીના હોસ્ટેલ કેમ્પસમાં વિદેશી વિદ્યાર્થીઓ પર નમાઝ અદા કરવાના મુદ્દે થયેલા હુમલાની વિદેશ મંત્રાલયે પણ ગંભીર નોંધ લીધી છે. આજે રવિવારે ભારતીય વિદેશ મંત્રાલયના પ્રવક્તા રણધીર જયસ્વાલે એક નિવેદન જાહેર કરીને જણાવ્યું હતું કે, ગઈ કાલે અમદાવાદની ગુજરાત યુનિવર્સિટીમાં હિંસાની ઘટના બની હતી. રાજ્ય સરકાર ગુનેગારો સામે કડક કાર્યવાહી કરી રહી છે.
સ્કૂલ ઓફ ઇન્ટરનેશનલ સ્ટડીઝ એન્ડ ડાયસ્પોરાના કો-ઓર્ડિનેટરને હટાવાયા
દરમિયાન ગુજરાત યુનિવર્સિટી હોસ્ટેલમાં સ્થાનિક અને વિદેશી વિદ્યાર્થીઓ વચ્ચે ઘર્ષણના મામલે, સત્તાવાળાઓએ યુનિવર્સિટીએ સ્કૂલ ઓફ ઇન્ટરનેશનલ સ્ટડીઝ એન્ડ ડાયસ્પોરાના કોઓર્ડિનેટરને પદ પરથી દૂર કર્યા છે. વિદેશના વિદ્યાર્થીઓની હોસ્ટેલ સ્કૂલ ઓફ ઇન્ટરનેશનલ સ્ટડીઝ એન્ડ ડાયસ્પોરાના કાર્યક્ષેત્રમાં આવે છે. હાલની હોસ્ટેલના વિદ્યાર્થીઓને, નવી તૈયાર કરેલી હોસ્ટેલમાં પણ શિફ્ટ કરવામાં આવશે. વિદેશના વિદ્યાર્થીઓને નવી તૈયાર કરેલી હોસ્ટેલમાં ખસેડવામાં આવશે. હોસ્ટેલ કેમ્પસમાં પ્રવેશ લેતાં લોકોની ગતિવિધિ અંગે નોંધ રાખવા પણ સૂચના અપાઈ છે.
Cctv ફૂટેજ અને મોબાઈલ વીડિયોના આધારે ટોળામાં સામેલ આરોપીઓને શોધવા કવાયત
દરમિયાન અમદાવાદ શહેર પોલીસ કમિશનરે આ ઘટનાને ગંભીરતાથી લેતા જણાવ્યું છે કે, સમગ્ર મામલાની તપાસ માટે અલગ અલગ નવ ટીમ બનાવવામાં આવી છે. જેમાં ગુજરાત યુનિવર્સિટી પોલીસ, ઝોન-1 LCB, અને ક્રાઇમ બ્રાન્ચના અધિકારીઓની બનેલી 9 ટિમો જુદી જુદી દિશાઓમાં કાર્યરત છે. યુનિવર્સિટી કેમ્પસ અને યુનિવર્સિટી હોસ્ટેલની આસપાસ લાગેલા cctv ફૂટેજની તપાસ અને ચકાસણી ચાલી રહી છે. Cctv ફૂટેજ અને મોબાઈલ વીડિયોના આધારે ટોળામાં સામેલ આરોપીઓને શોધવાની કવાયત કરવામાં આવી છે. બાઇક સહિતના વાહનોના નંબરોના આધારે આરોપીઓનું પગેરું મેળવવા પોલોસ કવાયત કરી રહી છે.
રાત્રે જ નોંધાઈ છે FIR
પોલીસ કમિશનર જી એસ મલેકે કહ્યું હતું કે, ગુજરાત યુનિ.માં 300 જેટલા વિદેશી વિદ્યાર્થીઓ અભ્યાસ કરે છે. ગઈકાલ રાતે કેટલાક વિદેશી વિદ્યાર્થીઓ નમાઝ પઢતા હતા તે સમયે 25 માણસોનું ટોળુ આવ્યુ હતુ. વિદેશી વિદ્યાર્થીઓ અને અન્યોના ટોળા વચ્ચે મારામારી થઈ હતી. સરકારે અને પોલીસે આ ઘટનાની ગંભીરતાથી નોંધ લીધી છે. ગઈકાલ રાતે 10.51 એ પોલીસ કંટ્રોલમાં ફરિયાદ થઈ હતી. 5 મિનિટમાં જ PCR વાન અને PI પણ ઘટના સ્થળે પહોચી ગયા હતા.
5 DCP અને ક્રાઈમ બ્રાન્ચની ટીમ કામગીરી કરી રહી છે. હુમલો કરનારા આરોપીની ઓળખ થઈ છે. આરોપી કોઈ સંસ્થા સાથે જોડાયેલો છે. પોલીસે આ ઘટનાની ગંભીરતાને જોતા રાતે જ FIR નોંધી હતી. સોશિયલ મીડિયામાં વાયરલ થયેલા વીડિયોને ધ્યાને લીધા છે. પોલીસે 20-25 લોકોના ટોળા સામે ફરિયાદ નોંધી છે.