One Year Of Operation Sindoor : ભૂષણ કુમાર અને વિવેક અગ્નિહોત્રી બનાવી રહેલા ‘ઓપરેશન સિંદૂર’ ફિલ્મનું કામ ક્યાં સુધી પહોંચ્યું?

આજનો દિવસ ભારતીય ઇતિહાસ અને લશ્કરી બહાદુરીમાં એક વિશેષ સ્થાન ધરાવે છે. આજે ઓપરેશન સિંદૂરને એક વર્ષ પૂર્ણ થયું છે. જ્યારે આખો દેશ આ ઓપરેશનમાં સર્વસ્વ બલિદાન આપનારા બહાદુર સૈનિકોને શ્રદ્ધાંજલિ આપી રહ્યો છે. ત્યારે ફિલ્મ ઉદ્યોગમાંથી મહત્વપૂર્ણ સમાચાર સામે આવી રહ્યા છે. ‘ધ કાશ્મીર ફાઇલ્સ’ અને ‘ધ વેક્સિન વોર’ જેવી ફિલ્મો બનાવી ચૂકેલા વિવેક રંજન અગ્નિહોત્રી હવે ઓપરેશન સિંદૂરના અજાણ્યા સત્યને દુનિયા સમક્ષ ઉજાગર કરવા જઈ રહ્યા છે.

વિવેક અગ્નિહોત્રીએ આ મેગા પ્રોજેક્ટ માટે ટી-સિરીઝના માલિક ભૂષણ કુમારનો સહયોગ લીધો છે. ઓપરેશન સિંદૂર પર આધારિત આ ફિલ્મની જાહેરાત પહેલાથી જ થઈ ગઈ હતી. પરંતુ ઓપરેશનની પ્રથમ વર્ષગાંઠ નિમિત્તે નવી વિગતો બહાર આવી છે. એવું કહેવામાં આવે છે કે પ્રી-પ્રોડક્શન તેના અંતિમ તબક્કામાં છે અને નિર્માતાઓ એક મોટા પાયે શૂટિંગ કરવાની યોજના બનાવી રહ્યા છે.

શું હતું ઓપરેશન સિંદૂર?

બરાબર એક વર્ષ પહેલા આજ ના દિવસે ભારતીય સેના અને ગુપ્તચર એજન્સીઓએ એક મિશન હાથ ધર્યું હતું જેણે આંતરરાષ્ટ્રીય ધ્યાન ખેંચ્યું હતું. વિવેક અગ્નિહોત્રીની ઓપરેશન સિંદૂર ફિલ્મ તે દિવસની ઇનસાઇડ સ્ટોરીને ઉજાગર કરશે. તે ફક્ત ગોળીબાર અને વિસ્ફોટો વિશે જ નહીં પરંતુ બંધ દરવાજા પાછળ રચાહેલી વ્યૂહરચનાઓ, રાજકીય દબાણ અને જાસૂસી નેટવર્ક્સનું પણ અન્વેષણ કરશે.

Bhushan Kumar and I have joined forces for #OperationSindoor— a story that redefined security in the subcontinent and exposed Pakistan’s nuclear bluff. The film is based on Lt Gen K.J.S. ‘Tiny’ Dhillon’s book Operation Sindoor: The Untold Story of India’s Deep Strikes Inside… pic.twitter.com/etequTSM6a

— Vivek Ranjan Agnihotri (@vivekagnihotri) March 26, 2026

સિનેમેટિક લિબર્ટી કરતાં સત્યનું ચિત્રણ

વિવેક અગ્નિહોત્રી તેમના રિસર્ચ-ઓરિએન્ટેડ સિનેમા માટે જાણીતા છે. સૂત્રો કહે છે કે તેઓ ઘણા નિવૃત્ત અધિકારીઓ અને સૈનિકો સાથે મળ્યા હતા જેઓ આ ફિલ્મ માટે મિશનનો ભાગ હતા. જેથી ફિલ્મ સિનેમેટિક લિબર્ટી કરતાં સત્યનું ચિત્રણ કરશે. નિર્માતાઓ માને છે કે ઓપરેશન સિંદૂરની પ્રથમ વર્ષગાંઠ પર આ પ્રોજેક્ટની પ્રગતિ શેર કરવી એ તે નાયકોને શ્રદ્ધાંજલિ છે. વિવેક અગ્નિહોત્રીએ અગાઉ કહ્યું હતું કે તેમની ફિલ્મો ઇતિહાસના એવા ભાગોને શોધે છે જેને દબાવવામાં આવ્યા છે અથવા ખોટી રીતે રજૂ કરવામાં આવ્યા છે. ઓપરેશન સિંદૂર દ્વારા તેઓ રાષ્ટ્રવાદ અને અદમ્ય હિંમતની વાર્તા કહેશે જે દરેક ભારતીયને જાણવી જોઈએ.

બોક્સ ઓફિસ પર શૌર્યની લહેર

આજકાલ ઐતિહાસિક અને વાસ્તવિક ઘટનાઓ પર આધારિત ફિલ્મો બોક્સ ઓફિસ પર પ્રભુત્વ મેળવી રહી છે. રાજા શિવાજી જેવી ફિલ્મોની સફળતાએ સાબિત કર્યું છે કે દર્શકો બહાદુરીની વાર્તાઓ સાથે જોડાય છે. પરિણામે ભૂષણ કુમારનું અને વિવેક અગ્નિહોત્રીનું વિઝન આ ફિલ્મને વર્ષની સૌથી મોટી બ્લોકબસ્ટર બનાવી શકે છે.

આ પણ વાંચો, Operation Sindoor: Indian Army એ માત્ર 88 કલાકમાં પાકિસ્તાનને હચમચાવી નાખ્યું, સેનાએ 1.5 મિનિટના Videoમાં વિનાશનું ટ્રેલર રજૂ કર્યું