આમિર ખાનનો ચીન પ્રત્યેનો પ્રેમ, વીડિયો શેર કરીને ચાઈનીઝ ફિલ્મનું કર્યું પ્રમોશન, થઈ ગયો ટ્રોલ-જુઓ Video
Aamir Khan China Love : બોલિવૂડ એક્ટર આમિર ખાનને ચીન પ્રત્યેના પ્રેમને કારણે ટ્રોલર્સ દ્વારા નિશાન બનાવવામાં આવી રહ્યો છે. આમિર ખાને વીડિયો શેર કરીને એક ચીની ફિલ્મનું પ્રમોશન કર્યું છે, જે બાદ તે ટ્રોલર્સના નિશાના પર છે.
![આમિર ખાનનો ચીન પ્રત્યેનો પ્રેમ, વીડિયો શેર કરીને ચાઈનીઝ ફિલ્મનું કર્યું પ્રમોશન, થઈ ગયો ટ્રોલ-જુઓ Video](https://images.tv9gujarati.com/wp-content/uploads/2023/07/Aamir-Khan.jpg?w=1280)
ગલવાન ઘાટીમાં ભારત અને ચીન વચ્ચે હિંસક અથડામણ બાદ ઘણું બદલાઈ ગયું છે. એક તરફ દેશમાં ચાઈનીઝ વસ્તુઓનો બહિષ્કાર થઈ રહ્યો છે તો બીજી તરફ બોલિવૂડ એક્ટર આમિર ખાનને ચાઈનીઝ ફિલ્મોનું પ્રમોશન કરવું મુશ્કેલ થઈ ગયું છે. આમિર ખાને એક વીડિયો શેર કર્યો છે જેમાં તે ચાઈનીઝ ફિલ્મ નેવર સે નેવર જોવા માટે ચાહકોને અપીલ કરી રહ્યો છે. બીજી તરફ ચીનમાં ભારતીય ફિલ્મ ‘ભારતીઓ’નો બહિષ્કાર કરવામાં આવી રહ્યો છે. હવે આમિર ખાનના ચાઈનીઝ પ્રેમને જોઈને તેને સોશિયલ મીડિયા પર ટ્રોલ કરવામાં આવી રહ્યો છે.
આ પણ વાંચો : Spyware Apps On Play Store: આ એપ્લીકેશન ચીનને મોકલી રહી છે તમારો અંગત ડેટા, જાણો તમારા ફોનમાં તો નથીને !
વાસ્તવમાં ગ્લોબલ ટાઈમ્સ દ્વારા આમિર ખાનનો એક વીડિયો ટ્વીટ કરવામાં આવ્યો છે. આ વીડિયોમાં આમિર ખાન તેના મિત્ર અને ચાઈનીઝ ડિરેક્ટર વાંગ બાઓકિઆંગની નવી ફિલ્મ ‘નેવર સે નેવર’ને સપોર્ટ કરવા માટે કહી રહ્યો છે. આ ફિલ્મ ચીનમાં 6 જુલાઈના રોજ રીલિઝ થઈ છે.
આમિર ખાને ચાઈનીઝ ફિલ્મનું કર્યું પ્રમોશન
ફિલ્મને પ્રોત્સાહક ગણાવતા આમિર ખાને કહ્યું કે મને આશા છે કે આ ચીની ફિલ્મ બોક્સ ઓફિસ પર રેકોર્ડ તોડી શકે છે. હવે આમિરનો આ વીડિયો સામે આવ્યા બાદ તેને સોશિયલ મીડિયા પર જોરદાર ટ્રોલ કરવામાં આવી રહ્યો છે. લોકો આ વીડિયો પર જોરદાર કોમેન્ટ કરી રહ્યા છે. કેટલાક યુઝર્સ આમિર ખાનને મોદી વિરોધી ગણાવી રહ્યા છે તો કેટલાક લોકોનું કહેવું છે કે, આમિર ખાનનો ચીન અને પાકિસ્તાન પ્રત્યેનો પ્રેમ સ્પષ્ટ દેખાઈ રહ્યો છે.
#Bollywood star Aamir Khan from #India has shared a video online to support his Chinese friend, director Wang Baoqiang’s new film “Never Say Never,” which debuted at Chinese mainland cinemas on July 6. Calling the film “encouraging,” Aamir said that he hopes it can “break the… pic.twitter.com/R84s7VHnYT
— Global Times (@globaltimesnews) July 14, 2023
(credit : @globaltimesnews)
ચીનમાં ભારતીય ફિલ્મનો વિરોધ થઈ રહ્યો છે
તે જ સમયે ચીનમાં ભારતીય ફિલ્મ ‘ભારતીઓ’નો વિરોધ થઈ રહ્યો છે. કહેવામાં આવી રહ્યું છે કે આ ફિલ્મમાં ભારત અને ચીનના સંબંધોને ખોટી રીતે દર્શાવવામાં આવ્યા છે. બંને દેશો વચ્ચેના સંબંધોને તથ્યોની સંપૂર્ણ અવગણના કરવામાં આવી છે. જ્યારે ભારતમાં કેટલાક લોકો તેને દેશભક્તિની ફિલ્મ ગણાવી રહ્યા છે.
આમિર ખાનની ફિલ્મો ચીનમાં હિટ છે
તમને જણાવી દઈએ કે આમિર ખાનની ચીનમાં જોરદાર ફેન ફોલોઈંગ છે. આમિર ખાનની ફિલ્મો ચીનમાં સારી કમાણી કરવામાં સફળ રહી છે. જેમાં 3 ઈડિયટ્સથી લઈને દંગલ જેવી ફિલ્મોને ચીનમાં ઘણો પ્રેમ મળ્યો હતો. આમિર ખાનની ફિલ્મોને ચીનમાં ખૂબ પસંદ કરવામાં આવે છે.