અનુષ્કાએ Chakda Xpressના સેટ પરથી શેયર કર્યો ફોટો, ઝૂલન ગોસ્વામીની સ્ટોરી જોવા મળી
હાલમાં જ અનુષ્કા શર્માએ (Anushka Sharma) ચકદા એક્સપ્રેસના સેટ પરથી પોતાનો અનોખો અવતાર શેયર કર્યો છે. ભૂતપૂર્વ ભારતીય કેપ્ટન ઝુલન ગોસ્વામીના રોલમાં એક્ટ્રેસને ખૂબ પસંદ કરવામાં આવી રહી છે.
બોલિવૂડ એક્ટ્રેસ અનુષ્કા શર્મા (Anushka Sharma) તેની નવી ફિલ્મ ચકદા એક્સપ્રેસના (Chakda Xpress) શૂટિંગમાં વ્યસ્ત છે. અનુષ્કા માટે આ પ્રોજેક્ટ તેની સૌથી મહત્વપૂર્ણ ફિલ્મોમાંથી એક છે. ખાસ કરીને તેના ફેન્સ માટે જેઓ એક્ટ્રેસના નવા અવતારને જોવા માટે ખૂબ જ એક્સાઈટેડ છે. અનુષ્કા છેલ્લે વર્ષ 2018માં આનંદ એલ રાયની ફિલ્મ ઝીરોમાં જોવા મળી હતી. અનુષ્કા ચાર વર્ષથી સિલ્વર સ્ક્રીનથી દૂર છે અને ચકદા એક્સપ્રેસ સાથે ઓનસ્ક્રીન પર વાપસી કરશે. આ ફિલ્મમાં તે પૂર્વ ભારતીય કેપ્ટન ઝુલન ગોસ્વામીના રોલમાં જોવા મળશે. અનુષ્કાએ આ રોલ માટે તૈયારી કરવામાં કોઈ કસર છોડી નથી.
અનુષ્કા શર્મા જે ચકદા એક્સપ્રેસમાં તેના પાત્ર માટે સખત મહેનત કરી રહી છે, તે ઘણીવાર ફિલ્મમાં તેના કેરેક્ટરની ઝલક અને તસવીરો શેયર કરતી રહે છે. એક્ટ્રેસે હાલમાં જ તેના ઈન્સ્ટાગ્રામ પર ફિલ્મની બીજી તસવીર શેયર કરી છે. આ તસવીર આવ્યા બાદ ફેન્સ ખૂબ જ એક્સાઈટેડ છે.
ઝુલનની સફર પર અનુષ્કા
અનુષ્કાએ શેયર કરેલા ફોટામાં તે બેડ પર બેઠી છે, તેના હાથમાં જૂતાં પકડેલા છે અને સાથે તે ફોન પર કોઈની સાથે સિરીયસ વાત કરતી જોવા મળી રહી છે. આ તસવીરમાં તેના રૂમની ઝલક પણ જોવા મળી છે, જ્યાં દિવાલો પરથી પેઈન્ટ કલર જતો રહ્યો છે અને તસવીરમાં અન્ય એક છોકરી જોવા મળે છે. તસ્વીર શેયર કરતા કેપ્શનમાં અનુષ્કાએ લખ્યું છે કે ‘ઉનકે જૂતે મેં અંતર કર ઉસ સફર કો ફિર સે બનાના.
View this post on Instagram
વિરાટ સાથે અનુષ્કાની કોફી ડેટ
અનુષ્કા શર્મા હાલમાં યુકેમાં ચકદા એક્સપ્રેસનું શૂટિંગ કરી રહી છે. હાલમાં તેના પતિ વિરાટ કોહલી તેની સાથે જોડાયો અને તેને એક રોમેન્ટિક કોફી ડેટ પર લઈ ગયો. જેની તસવીરો એક્ટ્રેસે તેના ઈન્સ્ટા હેન્ડલ પર શેર કરી છે. આ તસવીરમાં જોઈ શકાય કે વિરાટ અને અનુષ્કા કોફી પર એન્જોય કરી રહ્યા છે.
સ્ટોરી બલિદાનની
જ્યારે ચકદા એક્સપ્રેસનું ટીઝર રિલીઝ થયું, ત્યારે અનુષ્કા શર્માએ એક નિવેદનમાં કહ્યું કે આ ખરેખર એક ખાસ ફિલ્મ છે કારણ કે તે અનિવાર્યપણે જબરદસ્ત બલિદાનની સ્ટોરી છે. ચકદા એક્સપ્રેસ ભૂતપૂર્વ ક્રિકેટર ઝુલન ગોસ્વામીના જીવન અને સમયથી પ્રેરિત છે અને મહિલા ક્રિકેટની દુનિયામાં આંખ ખોલનારી હશે.
Latest News Updates
