અનુષ્કાએ ચકદા એક્સપ્રેસનો નવો ફોટો શેયર કર્યો, દુકાન પાસે ઉભી ફોન કરતી જોવા મળી
પ્રોસિત રોય દ્વારા નિર્દેશિત આ ફિલ્મ પહેલા અનુષ્કા શર્મા બ્રેક પર હતી. અત્યારે અનુષ્કા શૂટિંગનું પહેલું શેડ્યૂલ પૂરું કરી રહી છે. આ પછી અભિનેત્રી તેનું બીજું શેડ્યુલ શરૂ કરશે.
અનુષ્કા શર્મા (Anushka Sharma) પોતાની આગામી ફિલ્મ ચકદા એક્સપ્રેસનો એક ફોટો શેયર કર્યો છે. આ ફિલ્મ ભારતીય મહિલા ક્રિકેટર ઝુલન ગોસ્વામીની બાયોપિક છે. જેમાં તેની જીંદગીના અમુક કિસ્સા દેખાડવામાં આવશે. 2018માં ઝીરો બાદ અનુષ્કા શર્માની આ પ્રથમ ફિલ્મ હશે. તમને જણાવી દઈએ કે ફિલ્મ ઝીરો બોક્સ ઓફિસ પર ખરાબ રીતે ફેલ રહી હતી. અનુષ્કા દ્વારા શેયર કરેલા નવા ગીતની વાત કરીએ તો અનુષ્કા શર્મા એક અલગ અંદાજમાં જોવા મળી રહ્યો છે.
અનુષ્કા શર્મા દ્વારા શેયર કરેલા ફોટોમાં ઝુલન ગોસ્વામીની જીંદગીએ ક્ષણનો ઉલ્લેખ કર્યો છે. જ્યાં વરસાદમાં ફોન બુથ પર ઉભા રહીને કોઈ સાથે વાત કરી રહી છે. અનુષ્કા શર્માએ ઈન્સ્ટ્રાગ્રામ પર આ ફોટો શેયર કરતા લખ્યું કહાનીની તે ક્ષણ જેને બતાવવી જરુરી છે.
View this post on Instagram
ઈંગ્લેન્ડમાં ફિલ્મ માટે ક્રિકેટની ટ્રેનિંગ લઈ રહી છે અનુષ્કા
અનુષ્કા શર્મા મુંબઈ અને ઈંગ્લેન્ડમાં ક્રિકેટની ટ્રેનિંગ લઈ રહી છે. તેમણે હાલમાં આ ફિલ્મની અપટેડ આપતા કહ્યું કે હાલમાં યુકેમાં ચકદા એક્સપ્રેસની ટ્રેનિંગ લઈ રહી છું. હું ભારતની મહાન ફાસ્ટ બોલર અને પૂર્વ ભારતીય કેપ્ટન ઝુલન ગોસ્વામીનું પાત્ર નિભાવી રહી છુ.
અનુષ્કા શર્માએ એક વખત કહ્યું હતુ કે ઝુલન ગોસ્વામીની સ્ટોરી તેના માટે આંખ ખુલનારી સ્ટોરી હતી. મને સ્કિપ્ટ ખુબ સારી લાગી. આ સ્કિપ્ટ દ્વાર મને મહિલા ક્રિકેટ વિશે ખબર પડી, ફિલ્મ ચકદા એક્સપ્રેસની ચાહકો આતુરતાથી રાહ જોઈ રહ્યા છે. આ ફિલ્મ નેટફ્લિક્સ પર રિલીઝ થશે. આ ફિલ્મ 2 ફ્રેબુઆરી 2023ના રોજ રિલીઝ થશે.
અનુષ્કા શર્મા ત્રણ વર્ષથી બ્રેક પર હતી
પ્રોસિત રોય દ્વારા નિર્દેશિત આ ફિલ્મ પહેલા અનુષ્કા શર્મા બ્રેક પર હતી. અત્યારે અનુષ્કા શૂટિંગનું પહેલું શેડ્યૂલ પૂરું કરી રહી છે. આ પછી અભિનેત્રી તેનું બીજું શેડ્યુલ શરૂ કરશે. અનુષ્કા ત્રણ વર્ષના બ્રેક બાદ ફિલ્મમાં જોવા મળશે. આ દરમિયાન અનુષ્કાએ એક પુત્રીને જન્મ આપ્યો. તે 2021માં માતા બની હતી. વિરાટ અને અનુષ્કાએ તેમની પુત્રીનું નામ વામિકા રાખ્યું છે.