Cotton Crops: કપાસમાં ગુલાબી ઈયળનો પ્રકોપ વધ્યો, ખેડૂત પાક નષ્ટ કરવા બન્યા મજબૂર
ખેડૂતોનું કહેવું છે કે દવાનો છંટકાવ કર્યા પછી પણ પાક બરબાદ થઈ રહ્યો છે. ક્યારેક વધુ તડકો, તો ક્યારેક કમોસમી વરસાદને કારણે આ જીવાતોનો પ્રકોપ વધ્યો છે.
હાલ મહારાષ્ટ્રમાં કમોસમી વરસાદ (Unseasonal rains)અને બદલાતા હવામાનને કારણે પાક પર જીવાતો અને રોગોનો પ્રકોપ વધી રહ્યો છે. જેના કારણે ખેડૂતો (Farmers)ને લાખોનું નુકસાન થઈ રહ્યું છે. મહારાષ્ટ્રના ચંદ્રપુર જિલ્લાના ખેડૂત મંગેશ કાકડેએ પોતાના ચાર એકરમાં કપાસની ખેતી (Cotton Crops) કરી હતી.
તેમને આ માટે ઘણી આશા હતી. પરંતુ, સમગ્ર કપાસના પાકમાં ગુલાબી ઈયળ (Pink caterpillar)નો પ્રકોપ વધવા લાગ્યો. જે બાદ ખેડૂત હતાશ થઈ ગયો અને તેના ચાર એકર કપાસના ખેતરમાં ટ્રેક્ટર ચલાવીને પાકનો નાશ કરવો પડ્યો હતો.
મહારાષ્ટ્રમાં માત્ર કપાસ જ નહીં પરંતુ તુવેર અને દ્રાક્ષ સહિત અન્ય ઘણા પાક પણ જીવાતોને કારણે બગડી રહ્યા છે. ખેડૂતોનું કહેવું છે કે દવાનો છંટકાવ કર્યા પછી પણ પાક બરબાદ થઈ રહ્યો છે. ક્યારેક વધુ તડકો, તો ક્યારેક કમોસમી વરસાદને કારણે આ જીવાતોનો પ્રકોપ વધ્યો છે. અને જંતુઓ માટે આ હવામાન અનુકૂળ છે. રાજ્યના સૌથી મોટા કપાસ ઉત્પાદક પ્રદેશ ખાનદેશમાં, કપાસ પર મોટા પાયે ગુલાબી ઈયળનો પ્રકોપ જોવા મળી રહ્યો છે.
એક ખેડૂતની વ્યથા
ચંદ્રપુર જિલ્લાના ખેડૂત મંગેશ કાકડેએ જણાવ્યું કે તેણે કપાસની ખેતી ઘણી આશા સાથે કરી હતી પરંતુ આ વર્ષે કુદરતે તારાજી સર્જી છે. સૌપ્રથમ તો અતિવૃષ્ટિ, પછી રવિ સિઝનમાં કમોસમી વરસાદને કારણે આજે ખેડૂતોનો પાક બગડી રહ્યો છે. કાકડે કહે છે કે તેણે પોતાની ચાર એકર જમીનમાં કપાસનું વાવેતર કર્યું હતું. પરંતુ ગુલાબી ઈયળો આવવાથી પાક બગડી ગયો. જેના કારણે ઘણું આર્થિક નુકસાન થયું છે.
દવા છંટકાવની વધુ અસર થતી નથી
કપાસની ખેતી મુખ્યત્વે ચંદ્રપુર જિલ્લામાં થાય છે. આનું એક કારણ એ પણ છે કે કપાસ અને સોયાબીનને રોકડિયા પાક તરીકે લેવામાં આવે છે. તેથી જિલ્લામાં ખેડૂતો કપાસનું વધુ વાવેતર કરે છે. ખેડૂતોનું કહેવું છે કે ક્યારેક વરસાદ, ક્યારેક દુષ્કાળ તો ક્યારેક જીવાતોના કારણે ખેતી ખોટનો ધંધો બની રહી છે. ખેડૂતે કહ્યું કે પાક બચાવવા માટે જંતુનાશક દવાનો છંટકાવ કરવામાં આવ્યો હતો પરંતુ તેની કોઈ અસર થઈ નથી. જે બાદ સમગ્ર પાકનો નાશ કરવો પડે છે.
જલગાંવ વિસ્તારમાં ખતરો
મહારાષ્ટ્રના જલગાંવમાં પણ વરસાદના કારણે ખેડૂતો પરેશાન છે. બદલાતા હવામાનને કારણે કપાસના પાક પર ગુલાબી બોન્ડ લાર્વાનો ઉપદ્રવ વધી રહ્યો છે. જિલ્લામાં 5 લાખ 39 હજાર હેક્ટર વિસ્તારમાં કપાસનો પાક ગુલાબી બોન્ડ લાર્વાથી ઘેરાયેલો હોવાનો કૃષિ વિભાગે અહેવાલ રજૂ કર્યો છે.
આ પણ વાંચો: Winter Session Updates: રાજ્યસભામાં 12 સાંસદોના સસ્પેન્શન પર હંગામો, કાર્યવાહી આવતીકાલ સુધી સ્થગિત
આ પણ વાંચો:Bamboo cultivation: વાંસની ખેતીને પ્રોત્સાહિત કરવા આ રાજ્યની સરકારે મિશન વાંસ પર આપ્યો ભાર