હૈવાનિયત ! સગર્ભા પત્નીને બાઇક સાથે બાંધી 200 મીટર ઢસડી, વાક માત્ર એટલો જ દારૂ પીવાની ના પાડી
Crime News : પોલીસના જણાવ્યા મુજબ, આરોપીની ધરપકડ કરવામાં આવી છે. પરિણીત મહિલાનું મેડિકલ ચેકઅપ કરવામાં આવ્યું છે. ફરિયાદના આધારે જાનથી મારી નાખવાના ઇરાદે હુમલો કર્યાનો ગુનો નોંધવામાં આવ્યો છે.
ઉત્તર પ્રદેશના પીલીભીત પ્રાંતથી એક હૃદયદ્રાવક ઘટના સામે આવી છે. સગર્ભા સ્ત્રીને તેના પતિના દારૂ પીવાનો વિરોધ કરવો મોંઘો પડ્યો. તેના પતિએ તેને દોરડા વડે બાંધી હતી અને તેને બાઇક પરથી લગભગ 200 મીટર સુધી ઢસડી હતી. આ ઘટનામાં મહિલા ગંભીર રીતે ઘાયલ થઈ હતી. પોલીસે આરોપી પતિની ધરપકડ કરી છે. તેનું નામ રામ ગોપાલ જણાવવામાં આવી રહ્યું છે.
ઘટના ઘુંગચાઈ ગામની છે. પીડિતાનું નામ સુમન છે. પોતાની ફરિયાદમાં મહિલાએ પોલીસને જણાવ્યું કે તેનો પતિ રોજ દારૂના નશામાં આવે છે અને તેની સાથે ખરાબ વર્તન કરે છે. દરમિયાન તેણે શનિવારે ફરી રામગોપાલને દારૂ પીવાની મનાઈ કરી હતી. આ પછી તે ગુસ્સે થઈ ગયો અને તેને મારપીટ કરી.
આરોપી પતિ વ્યવસાયે મજૂર
રામગોપાલ મહિલાને લાતો અને મુક્કા મારતો રહ્યો. આ પછી તેના બંને હાથ-પગ બાંધી દેવામાં આવ્યા હતા. પછી તેને બાઇક સાથે બાંધીને ઘસેડવામાં આવી. દરમિયાન કોઈએ મહિલાના ભાઈને ઘટના અંગે જાણ કરી હતી. તે તરત જ ઘટનાસ્થળે પહોંચી ગયો અને મહિલાને બચાવી લીધી. મહિલાની ફરિયાદ બાદ પોલીસે તેને મેડિકલ તપાસ માટે મોકલી છે. આરોપી પતિ વ્યવસાયે મજૂર છે.
બંનેએ પ્રેમ લગ્ન કર્યા હતા
કહેવામાં આવી રહ્યું છે કે સુમન અને રામગોપાલે લવ મેરેજ કર્યા હતા. બંને એકબીજાને ચાર વર્ષથી ઓળખે છે. પરિવારજનોના વિરોધ છતાં તેઓએ લગ્ન કરી લીધા. સુમનના કહેવા પ્રમાણે, રામગોપાલનું વર્તન કેટલાક દિવસોથી ઘણું સારું હતું. પરંતુ, ખબર નથી કે તેને દારૂ પીવાની લત કેવી રીતે લાગી ગઈ. આ પછી જ્યારે પણ તે દારૂ પીને ઘરે આવતો ત્યારે મારપીટ કરવા લાગ્યો.
પોલીસે હાથ ધરી તપાસ
ખુંગચાઈના એસઓ રાજેન્દ્ર સિંહ સિરોહીના જણાવ્યા અનુસાર પોલીસ સ્ટેશનમાં ફરિયાદ નોંધવામાં આવી છે. આરોપીની ધરપકડ કરવામાં આવી છે. પરિણીત મહિલાનું મેડિકલ કરવામાં આવ્યું છે. ફરિયાદના આધારે સુમનને જાનથી મારી નાખવાના ઈરાદે ખેંચી જવા અને માર મારવાનો ગુનો નોંધવામાં આવ્યો છે. આરોપી રોમગોપાલ પાસેથી ઘટનાની માહિતી લેવામાં આવી છે. પોલીસે જણાવ્યું કે આ મામલે પડોશીઓની પણ પૂછપરછ કરવામાં આવશે.
