Zomatoના બોર્ડે Blinkitને ખરીદવાની આપી મંજુરી, જાણો કેટલામાં થઈ આ ડીલ?
ઝોમેટોના બોર્ડ ઓફ ડિરેક્ટર્સે ક્વિક કોમર્સ સ્ટાર્ટઅપ બ્લિંકિટના (Blinkit) સંપાદનને મંજૂરી આપી છે. બીએસઈની ફાઈલિંગ મુજબ આજે મળેલી બોર્ડ મીટિંગમાં આ ડીલને મંજૂરી આપવામાં આવી છે.
ઝોમેટોના (Zomato) બોર્ડ ઓફ ડિરેક્ટર્સે ઝડપી કોમર્સ સ્ટાર્ટઅપ બ્લિંકિટના સંપાદનને મંજૂરી આપી છે. બીએસઈની (BSE) ફાઈલિંગ મુજબ આજે મળેલી બોર્ડ મીટિંગમાં આ ડીલને મંજૂરી આપવામાં આવી છે. ડીલની કિંમત રૂ 4,447 કરોડ અથવા લગભગ 570 મિલિયન ડોલર છે. આ Blinkitના છેલ્લા મૂલ્યાંકન કરતાં લગભગ 43 ટકા ઓછું છે, જે 1 બિલિયન ડોલર કરતાં થોડું વધારે હતું. તે ગયા વર્ષે યુનિકોર્ન બની ગયું હતું, જ્યારે તેને Zomato અને Tiger Global તરફથી 120 મિલિયન ડોલરનું ભંડોળ મળ્યું હતું.
બે વર્ષ પહેલા શરૂ થઈ હતી વાતચીત
બંને કંપનીઓએ આ ડીલ વિશે બે વર્ષ પહેલા પહેલીવાર વાત કરી હતી. આ મોટા સોદાથી Zomatoને ફાયદો થશે, જે ક્વિક કોમર્સ પર ધ્યાન કેન્દ્રિત કરી રહી છે. આ અલ્ટ્રા-ફાસ્ટ ગ્રોસરી ડિલિવરી સ્પેસમાં તેની સ્થિતિમાં ઘણો સુધારો કરશે. જો કે હજુ સુધી સેક્ટરમાં નફો થવાના કોઈ સંકેત નથી. કંપની આ ક્ષેત્રમાં સ્વિગીઝ ઈન્સ્ટામાર્ટ, ઝેપ્ટો, રિલાયન્સ રિટેલ-સમર્થિત Dunzo અને ટાટાની બિગ બાસ્કેટ જેવી સારી ભંડોળ ધરાવતી કંપનીઓ સાથે સ્પર્ધા કરશે.
તમને જણાવી દઈએ કે ગ્રોસરી અથવા કરિયાણાની ઓનલાઈન ડિલિવરી કંપની ગ્રોફર્સનું નામ ગયા વર્ષે ડિસેમ્બરમાં બદલાઈ ગયું હતું. તેનું નવું નામ બ્લિંકિટ હતું. નવા નામ સાથે આ કંપનીએ 10-મિનિટની કરિયાણાની ડિલિવરીનું લક્ષ્ય નક્કી કર્યું હતું. એટલે કે, ઓર્ડર થયાના 10 મિનિટમાં માલની ડિલિવરીનો લક્ષ્યાંક નક્કી કરવામાં આવ્યો હતો.
દેશમાં ક્વિક કોમર્સની માંગ ઝડપથી વધી
ભારતમાં ક્વિક કોમર્સની માંગ ઝડપથી વધી રહી છે અને ગ્રાહકો તેના માટે પૈસા ખર્ચવા તૈયાર છે. સ્વિગી આ શક્યતાઓને ધ્યાનમાં રાખીને ઈન્સ્ટામાર્ટમાં રોકાણ વધારી રહી છે. એ જ રીતે ઓલાએ પણ ઝડપી ડિલિવરી સેવા શરૂ કરી છે, જે કરિયાણા માટે બેંગલુરુમાં શરૂ કરવામાં આવી છે. Dunzo જેવી કંપની પણ આ સેગમેન્ટમાં કામ કરે છે.
તે જ સમયે, Jio-BP અને Zomato વચ્ચે થોડા દિવસો પહેલા એક મોટી ડીલ ફાઈનલ થઈ ગઈ છે. આ કરાર અનુસાર Jio-BP હવે Zomatoના ઈલેક્ટ્રિક વાહનોને ગતિશીલતા સેવાઓ પ્રદાન કરવા માટે જવાબદાર રહેશે. આ સાથે Zomato ઈલેક્ટ્રિક વાહનો પણ Jio-BP પલ્સ બ્રાન્ડેડ બેટરી સ્વેપિંગ સ્ટેશનનો લાભ લઈ શકશે. આના દ્વારા માત્ર પર્યાવરણને સુધારવામાં જ મદદ નહીં મળે, પરંતુ ઈલેક્ટ્રિક વાહનો વિશે જાગૃતિ પણ વધશે.
